Jeremias 4:19 - Chol: I T’an Dios

¹⁹ Obol c bʌ, obol c bʌ, mach cujchix c cha'an ili wocol. Tsiltsilñayon. Wen ch'ijiyem c pusic'al. Tsa' jejq'uiyon yubil. Mach mejlic c ñʌjch'el, come ubibilix c cha'an i t'an tac trompeta yic'ot i t'an winicob. Woliyobix ti guerra.

Chol de Tumbalá Bible

¹⁹ Obol c bʌ, obol c bʌ, mach cujchix c cha'an ili wocol. Tsiltsilñayon. Wen ch'ijiyem c pusic'al. Tsa' jejq'uiyon yubil. Mach mejlic c ñʌjch'el, come ubibilix c cha'an i t'an tac trompeta yic'ot i t'an winicob. Woliyobix ti guerra.

Jeremias 4:19 Iomraidhean Croise

Genesis 49:6

Mach yomic mic laj c t'an yic'otob, mach comic c pi'leñob majlel cha'an mic mel bajche' mi' melob, come cʌlʌx jax tsi' tsʌnsayob winicob. Cha'an ti' tsʌytsʌñiyel i pusic'alob tsi' tsepbeyob i chijil i ya' wacax tac.

2 Reyob 4:19

Jini ch'iton tsa' caji i suben i tat: Wen c'uxix c jol. Wen c'ux, che'en. I tat tsi' sube jini x'e'tel i cha'an: Cuchbeñon majlel calobil ba'an i mamá, che'en.

2 Reyob 8:11

I winic Dios tsa' caji i t'ojt'oj q'uelben i wut Hazael. Che' jini tsa' caji ti chʌc'an i wut Hazael. Tsa' caji ti uq'uel Eliseo.

Salmos 103:1

La' c ch'ujutesan c Yum ti pejtelel c pusic'al. La' c ch'ujutesan jini ch'ujul bʌ i c'aba' ti pejtelel c p'ʌtʌlel.

Salmos 116:7

La' sujticon ti pejtelel c pusic'al ba' mij c'aj co, Come c Yum tsi' wen pʌsbeyon i yutslel.

Salmos 119:136

Woli ti wen loq'uel i ya'lel c wut cha'an i mul winicob x'ixicob Come ma'anic mi' jac'ob a t'an.

Salmos 119:53

Cabʌl mic mich'len jini jontolo' bʌ mu' bʌ i ñusañob a t'an.

Salmos 146:1

¡Aleluya! Yom mic sub i ñuclel c Yum ti pejtelel c pusic'al.

Salmos 16:2

Tsac pejca lac Yum: “C Yumet. Ya' jach ch'oyol c wenlel ba'añet”, cho'on.

Isaias 15:5

Wen ch'ijiyem mi cubin cha'an i wocol jini año' bʌ ti Moab. Mi' puts'elob majlel c'ʌlʌl ti Zoar yic'ot ti Eglat. We'ecñayob mi' letselob majlel ya' ti' witsilel Luhit. Tsiquil i yuq'uel ti' i bijlel Horonaim, come talob jini yujilo' bʌ jisaya.

Isaias 16:11

Jini cha'an wen ch'ijiyem c pusic'al mi cubin cha'an Moab. Mic p'untan jini año' bʌ ti Kirhareset.

Isaias 21:3

Cabʌl woli cubin wocol che' bajche' x'ixic che' woli ti bajq'uel. Mi' toj sajtel c pusic'al cha'an jini wocol tsa' bʌ cubi tsa' bʌ j q'uele.

Isaias 21:4

Ma'anix c pusic'al yubil. C'uñatax pañimil. Cabʌl woliyon ti bʌq'uen. Che' ti ic'ajel tsiltsilñayon mach mejlic j c'aj co.

Isaias 22:4

Jini cha'an tsa cʌlʌ: Loq'uenixla tic tojlel come wolic cha'len uq'uel cha'an jisʌbilobix c pi'ʌlob. Wen ch'ijiyem c pusic'al. Mach la' lon ña'tan la' tijicñesañon, cho'on.

Jeremias 13:17

¿Maxto ba anic mi caj la' jac'? Mi tsʌts to la' pusic'al, mi caj c cha'len uq'uel ti mucul. Wen ch'ijiyem c pusic'al cha'an chan woli la' mel la' bʌ. Cabʌl mic cha'len uq'uel cha'an cʌchʌl mi caj i pʌjyel majlel i tejclum lac Yum.

Jeremias 20:9

Tsac lon ña'ta ma'anix mi caj c chʌn c'ajtesan Dios. Ma'anix mi caj c chʌn pejcan winicob ti' c'aba', lon cho'on, pero ya' jach tic pusic'al tsa' caji cubin i t'an che' bajche' c'ajc woli bʌ ti lejmel. Che' jini ma'anic tsa' mejliyon ti ñʌjch'el. Wersa tsac subu ti jamʌl.

Jeremias 23:9

Ch'ijiyem c pusic'al cha'an tal bʌbʌq'uen bʌ cha'an mi' jisan jini payxo x'alt'añob yujilo' bʌ lotiya. Tʌclaw bexlaw mic cha'len xʌmbal che' bajche' xyʌc'ajel cha'an chuqui tsi' pʌsbeyon Dios ti ch'ujul bʌ i t'an.

Jeremias 4:21

¿Jala to ba mi caj j q'uelben i bandera jini xguerrajob? ¿Jala to ba mi caj cubiben i t'an tac trompeta?

Jeremias 4:5

Subeñob jini año' bʌ ti Judá yic'ot ti Jerusalén: “Wusula jini trompeta ti pejtelel la' lumal. Cha'lenla c'am bʌ t'an. Tempan la' bʌ ti la' pejtelel. Conla ti ochel ti ts'ajquibil bʌ tejclum tac”. Che' yom ma' subeñob.

Jeremias 42:14

mi tsa' la' wʌlʌ: “Wersa com lojon majlel ti chumtʌl ti Egipto ba' ma'anic guerra, ba' ma'anic i t'an trompeta mi wi'ñal”, mi che'etla,

Jeremias 49:2

Jini cha'an ña'tanla, tal i yorajlel che' mi caj c choc tilel la' contrajob cha'an mi' techob guerra ti contra Rabá ti' contra jini amoñob ya' bʌ chumulob. Mi caj i sujtel i tejclum ti mucoñibʌl. Mi caj i laj pulel jini xchumtʌl tac. Jini israelob mi caj i cha' ch'ʌmob i lum. Mi caj c choquetla loq'uel ba' tsa' la' chocoyob loq'uel, che'en lac Yum.

Jeremias 50:22

Ix tilelob xguerrajob yujilo' bʌ jisaya.

Jeremias 6:24

Ubibilix lac cha'an bajche' woli' melob. Jini cha'an c'unix laj c'ʌb. Woliyonla ti wocol che' bajche' x'ixic woli bʌ ti bajq'uel.

Jeremias 8:18

Wen ch'ijiyem c pusic'al. Mach yujilic lajmel c ch'ijiyemlel. Mi' yʌc'on ti uq'uel.

Jeremias 8:21

C'unix pañimil mi cubin cha'an woliyob ti wocol c pi'ʌlob. Wocol mi cubin ja'el. Mic cha'len uq'uel. C'ux c pusic'al cha'an wen ch'ijiyemon.

Jeremias 9:1

La' c cha'len uq'uel. Mach ma' tic'on. La' tilic i ya'lel c wut ti q'uiñil yic'ot ti ac'ʌlel che' bajche' i loq'uib ja' cha'an woli' tsʌnsʌntelob jini c'uxbibilo' bʌ c pi'ʌlob.

Jeremias 9:10

P'ump'un jini wits yic'ot jamil. Ajacñayob ti uq'uel come pulemix ti q'uin. Ma'anix majqui mi' ñumel ti lum mi winic mi alʌc'ʌl. Majlemix bʌte'el yic'ot te'lemut.

Lamentaciones 1:16

Jini cha'an mic cha'len uq'uel. Cabʌl i ya'lel c wut. Ma'anic caj coltaya mu' bʌ i tijicñesan c pusic'al. Meba'obix calobilob yilal. Añobʌch ti' wenta j contrajob.

Lamentaciones 1:20

Q'uele c Yum. Wen ch'ijiyemon. Wocol jax mi cubin tic pusic'al. Wolic mel c pusic'al cha'an cabʌl c mul. Tsac ñusʌbeyet a t'an. Ya' ti bij woli' chʌmelob cabʌlob ti espada. Ti mal otot woli' chʌmelob ti c'amʌjel.

Lamentaciones 2:11

C'unix pañimil mi cubin cha'an cabʌl uq'uel. Chʌquix c wut. Ch'ijiyem c pusic'al. Cabʌl mic mel c pusic'al che' mij q'uel chuqui woli' yujtel tic lumal. Woli' chʌmelob ti bij alʌlob mach bʌ anic i chu'.

Daniel 4:19

Ñʌch'ʌl tsa' cʌle Daniel am bʌ i cha'chajplel i c'aba' Beltsasar. Tsa' caji i wen mel i pusic'al. Pero jini rey tsi' sube: Beltsasar, mach a mel a pusic'al. Subeñon i sujmlel c ñajal, che'en. Daniel tsi' jac'be: ¡Mach cha'leyajix c yum! Uts'at muq'uic i yujtel ti' tojlel a contrajob che' bajche' tsa' ñajle.

Daniel 7:15

Joñon Daniel tsa' cajiyon ti bʌq'uen. Tsa' caji c wen mel c pusic'al cha'an pejtel jini tsa' bʌ j q'uele.

Daniel 7:28

Jiñʌch tsa' bʌ j q'uele. Joñon Danielon. Tsa' caji c wen mel c pusic'al. Tsa' sʌc'a c wut cha'an bʌq'uen. Pero ma'anic tsac sube yambʌ.

Daniel 8:27

Joñon Danielon. Tsa' c'uñ'ayon. Cabʌl q'uin c'amon. Che' bʌ tsa' c'oc'ayon, tsa' caji c cha' melben i ye'tel jini rey. Pero tsac wen mele c pusic'al cha'an chuqui tac tsaj q'uele, come ma'anic tsac ch'ʌmbe isujm.

Amos 3:6

Che' mi' wustʌl trompeta ti tejclum, ¿mach ba anic mi' cajelob ti bʌq'uen jini tejclumob? Che' mi' tilel wocol ti tejclum, ¿mach ba tilemic ti lac Yum? che'en.

Habacuc 3:16

Tsiltsilñayon ti bʌq'uen che' mi cubin a t'an. C'unix pañimil cha'an bʌq'uen. T'ʌlt'ʌlña ti bʌq'uen c pusic'al. Ñʌch'ʌl mi caj c pijtan jini q'uin che' mi' tajob wocol laj contrajob yomo' bʌ i jisañonla.

Numeros 10:9

Che' c'otemetixla ti la' lumal, che' mi la' loq'uel ti guerra ti' tojlel jini woliyo' bʌ ti tic'laya, mux caj cubibeñetla i t'an jini trompeta tac che' mi la' wus ti' yorajlel wocol. Mux caj coltañetla.

Romanos 10:1

Quermanojob, mij c'ajtiben Dios ti oración cha'an mi' coltʌntelob israelob. Jiñʌch com bʌ ti pejtelel c pusic'al.

1 Corintios 14:8

Mi mach uts'atic mi' loq'uel i t'an trompeta, ¿majqui mi caj i chajpan i bʌ cha'an guerra?

Gálatas 4:19

Calobilob, che' bajche' x'ixic woli bʌ ti bajq'uel, che'ʌch wolic cha' ubin wocol cha'añetla jinto mi' tsictiyel Cristo ti la' pusic'al.

Juezob 5:21

Tsi' jexbayob majlel jini ja' i c'aba' Cisón. C pusic'al, cha'len xʌmbal ti cabʌl a p'ʌtʌlel.