Jeremias 4:18 - Chol: I T’an Dios

¹⁸ A jontolil woli' yʌq'uet ti wocol cha'an tsa' wersa ñopo jontolil. Wen ch'ajatax ma' wubin wʌle. Mi' c'ʌlʌl c'otel i ch'ajel ti a pusic'al, che'en lac Yum.

Chol de Tumbalá Bible

¹⁸ A jontolil woli' yʌq'uet ti wocol cha'an tsa' wersa ñopo jontolil. Wen ch'ajatax ma' wubin wʌle. Mi' c'ʌlʌl c'otel i ch'ajel ti a pusic'al, che'en lac Yum.

Jeremias 4:18 Iomraidhean Croise

Salmos 107:17

Jini tontojo' bʌ mi' tajob wocol cha'an i jontolil. Tsa' aq'uentiyob wocol cha'an i mul.

Proverbios 1:31

Jini cha'an mux i yʌq'uentelob i chobejtʌbal cha'an i melbalob. Mux i junyajlel cʌytʌlob yic'ot i jontolil.

Proverbios 5:22

Chucbil xjontolil cha'an i jontolil. Cʌchʌl ti lazo yubil cha'an i mul.

Isaias 50:1

Lac Yum woli' yʌl: ¿Chucoch tsa' majli Israel la' ña'? ¿Cha'an ba tsaj cʌyʌ? ¿Cha'an ba tsa cʌq'ue i juñilel divorcio? ¿Am ba c bet cha'an mic chon c tejclumob? Ma'anic. Tsa' la' choño la' bʌ ba'an yambʌ la' yum cha'an ti' caj la' mul. Tsa' pʌjyi majlel Israel la' ña' cha'an ti' caj tsa' la' ñusʌbeyon c mandar.

Jeremias 14:16

Ili winicob mu' bʌ i jac'beñob i t'an mi caj i chojquelob ti' bijlel tac Jerusalén. Mi caj i chʌmelob ti espada yic'ot ti wi'ñal. Ma'anic majch mi caj i mucob. Laj majlemobix i pi'ʌlob yic'ot i yalobilob. Mi caj cʌq'ueñob i toj i mul.

Jeremias 2:17

¿Mach ba cha'anic a mul tsa' tili ili wocol? Tsa' cʌyʌ a Yum Dios che' bʌ tsi' wen pʌsbeyet jini wen bʌ bij.

Jeremias 2:19

Jini a jontolil mi caj i yʌq'uet ti quisin che' mi' cajel ti t'an a pusic'al. Mi caj c jultesʌbeñet a pusic'al cha'an tsa' cʌyʌyon. Yomix ma' ña'tan quisintic jax a jontolil cha'an tsa'ix a cʌyʌyon. Tsa' cʌyʌ a Yum Dios. Ma'anix ma' bʌc'ñañon, che'en i Dios Panchan yic'ot Pañimil, jiñʌch lac Yum.

Jeremias 26:19

Jini rey Ezequías yic'ot pejtel winicob ti Judá, ¿tsa' ba i yʌc'ʌyob ti chʌmel jini x'alt'an? ¿Mach ba anic tsi' bʌc'ña lac Yum Ezequías? Tsi' c'ajtibe i coltʌntel ti lac Yum. ¿Mach ba anic tsi' jac'ʌ lac Yum? Tsi' mele i pusic'al. Ma'anic tsi' chocbeyob tilel jini ñuc bʌ wocol che' bajche' tsi' subeyob. Yomix mi lac chʌcʌ q'uel lac bʌ, ame talic ñuc bʌ wocol ti lac tojlel, ame anic lac mul mi tsa' lac tsʌnsa Jeremías. Che'ʌch tsi' cha'leyob t'an jini xñoxob.

Jeremias 5:19

Che' mi' yʌlob: “¿Chucoch tsi' yʌq'ueyonla ili wocol jini lac Yum Dios?” che'ob, yom ma' subeñob: “Tsa' la' cʌyʌyon cha'an mi la' ch'ʌm tilel ti la' lumal i diosob jini ñajt bʌ ch'oyolob cha'an mi la' melbeñob i ye'tel. Jini cha'an mi caj la' cʌjchel majlel ti ñajt bʌ lum cha'an mi la' melbeñob i ye'tel jini winicob parte bʌ i lumal”. Che'ʌch yom ma' subeñob, che'en lac Yum.

Jeremias 6:19

Ubinla, pejtel cuxulo' bʌ ti pañimil: Awilan, wolix c choc tilel wocol ti' tojlel ili c tejclum. Mi caj i tojob i mul come ma'anic tsi' jac'ʌyob c t'an. Tsi' juch'teq'ueyob j cʌntesʌbal.

Lamentaciones 3:15

Lac Yum tsi' yʌq'ueyon cabʌl wocol. Wen ch'aj mi cubin. Wen ch'ijiyem c pusic'al cha'an ili wocol chocbebilon tilel i cha'an c Yum.

Ezequiel 39:24

Che'ʌch tsac melbeyob ti' caj i mul cha'an tsi' ñusayob c t'an. Tsac mʌybeyob c wut.

Oseas 7:2

Ma'anic mi' ña'tañob mi wolij q'uelob. Laj tsiquil i jontolil ti' tojel c wut.