Jeremias 4:16 - Chol: I T’an Dios

¹⁶ Subu ti' tojlel ñajt tac bʌ tejclum cha'an talob i jisan Jerusalén jini ñajt bʌ ch'oyolob. Ju'ucña mi' cha'leñob t'an ti' contra jini tejclum tac ti Judá.

Chol de Tumbalá Bible

¹⁶ Subu ti' tojlel ñajt tac bʌ tejclum cha'an talob i jisan Jerusalén jini ñajt bʌ ch'oyolob. Ju'ucña mi' cha'leñob t'an ti' contra jini tejclum tac ti Judá.

Jeremias 4:16 Iomraidhean Croise

Isaias 34:1

Lʌc'tesan la' bʌ winicob ti pejtelel pañimil cha'an mi la' wubin c t'an. La' i ñich'tañob jini chumulo' bʌ ti pejtelel pañimil, yic'ot pejtelel i p'olbal ti jujump'ejl lum.

Isaias 39:3

Che' jini tsa' cha' tili jini x'alt'an Isaías cha'an mi' jula'tan Ezequías. Tsi' c'ajtibe: ¿Chuqui tsi' yʌlʌyob jini winicob? ¿Baqui ch'oyolob? che'en. Ezequías tsi' jac'ʌ: Wen ñajt tsa' tiliyob. Ch'oyolob ti Babilonia, che'en.

Jeremias 1:15

Mi caj c pʌy tilel a contrajob chumulo' bʌ ti yan tac bʌ lum ya' ti norte. Talob i wa'chocon i yumʌntel ti' yochib Jerusalén yic'ot ti chan bʌ ts'ajc am bʌ ti' joytʌlel Jerusalén yic'ot ti pejtelel xchumtʌl tac ti Judá.

Jeremias 16:6

Mi caj i laj chʌmelob ti ili lum jini ñuco' bʌ yic'ot jini ch'o'ch'oco' bʌ. Ma'anic mi caj i mujquelob. Ma'anic majqui mi caj i yuc'tañob. Ma'anic majqui mi caj i tsep i bʌ. Mach muq'uic i set' i jol cha'an ch'ijiyem.

Jeremias 2:15

Woli' mʌjlel i cha'an año' bʌ ti ñajtʌl. Mi' pam tsictiyel i t'añob che' bajche' bajlum. Tsi' yʌc'ʌyob ti pujch'el i lum Israel. Tsi' yʌc'ʌyob ti bujchel jini tejclum tac. Laj majlemobix i yumob otot. Ma'anix majqui an.

Jeremias 31:10

Ubinla i t'an lac Yum winicob ti jujump'ejl tejclum. Pam pucula ti ñajtʌl ya' ba'an lum joyol bʌ ti ja'. Subeñob: “Jini tsa' bʌ i pam pucu israelob mi caj i cha' much'quiñob tilel. Mi caj i cʌntañob che' bajche' xcʌnta tiñʌme', come i yʌlac'ob”. Che'ʌch yom ma' subeñob.

Jeremias 39:1

I bolomp'ejlel jab che' woli ti yumʌl Sedequías rey bʌ ti Judá tsa' tili ti guerra jini rey Nabucodonosor yic'ot pejtel i winicob ti' contra Jerusalén. Tsi' joyoyob.

Jeremias 4:17

Cha'an ti' caj tsa' ñusʌbeyon c t'an jini cha'an woli' joy mʌctañet che' bajche' xchuc me'ob, che'en lac Yum.

Jeremias 5:15

Awilan wolic pʌy tilel winicob ñajt bʌ chumulob. Talob i contrajiñet, Israel, che'en lac Yum. Añob i p'ʌtʌlel ti wajali c'ʌlʌl wʌle. Yambʌyʌch i t'an mach bʌ a wujilic. Ma'anic ma' ch'ʌmben isujm.

Jeremias 5:6

Jini cha'an tal bajlum am bʌ ti mate'el cha'an mi' tsʌnsañob. Tal jontol bʌ ts'i' i jisañob. Woli ti chijtaya lʌc'ʌl ti tejclum. Majqui jach mi' puts'el ti tejclum mi caj i bic'ti tsijlel cha'an ti' caj tsi' ñusʌbe i t'an Dios. Cabʌl jax tsi' cʌyʌyob lac Yum.

Jeremias 50:2

Subu ti pejtelel pañimil. Techela bandera ba' mi' wen q'uelob winicob. Mach mi la' muc. Alʌ: “Jisʌbilix Babilonia. Jembilix i yejtal tac i dios. Woliyob ti quisin jini tsa' bʌ i ch'ujutesayob Bel yic'ot Merodac. Woli' toj sajtelob i pusic'al cha'an ma'anic i coltʌntel ti' dios tac melbil bʌ ti ts'ajc”.

Jeremias 6:18

Jini cha'an ubinla chuqui mi caj c tumbeñob.

Jeremias 6:19

Ubinla, pejtel cuxulo' bʌ ti pañimil: Awilan, wolix c choc tilel wocol ti' tojlel ili c tejclum. Mi caj i tojob i mul come ma'anic tsi' jac'ʌyob c t'an. Tsi' juch'teq'ueyob j cʌntesʌbal.

Jeremias 6:22

Woli' yʌl lac Yum: Talob winicob ch'oyolo' bʌ ti norte. Woli' yutsi p'ojlel i p'ʌtʌlel ya' ti' ñajtʌlel pañimil.

Jeremias 6:23

Wen yujilob julbʌl. Chuculob i cha'an espada. Jontolob. Mach yujilobic p'untaya. Ju'ucñayob ti t'an che' bajche' colem ñajb. C'ʌchʌlob woli' tilelob, chajpʌbilob cha'an guerra. Mi caj i contrajiñet, xch'oc bʌ calobil Sion, che'en lac Yum.

Jeremias 8:19

Ubinla, woliyob ti uq'uel jini c'uxbibilo' bʌ c pi'ʌlob ti ñajt bʌ lum. ¿Baqui an lac Yum? ¿Tsa' ba i cʌyʌ i cha'len yumʌl ti lac tojlel? che'ob. Lac Yum woli' yʌl: ¿Chucoch tsi' yʌc'ʌyoñob ti mich'? ¿Chucoch tsi' ch'ujutesayob jini dios tac, i melbal tac jini ch'oyolo' bʌ ti ñajtʌl? che'en lac Yum.

Ezequiel 21:22

Ya' ti ñoj bʌ i c'ʌb mi caj i taj i yejtal Jerusalén. Ya' mi caj i tech guerra yic'ot tsʌnsa. Mi caj i jats'ob i ti' tac Jerusalén. Mi caj i p'ulchocoñob lum ti' t'ejl cha'an i buchlib i juloñib. Mi caj i melob chan tac bʌ ts'ajc cha'an mi' letselob ti' ts'ajquil Jerusalén.