Jeremias 4:14 - Chol: I T’an Dios

¹⁴ Sʌq'uesan a pusic'al, Jerusalén. Cʌyʌ a mul cha'an ma' coltʌntel. ¿Jala to ba mi caj a chʌn ña'tan ti a pusic'al chuqui tac leco?

Chol de Tumbalá Bible

¹⁴ Sʌq'uesan a pusic'al, Jerusalén. Cʌyʌ a mul cha'an ma' coltʌntel. ¿Jala to ba mi caj a chʌn ña'tan ti a pusic'al chuqui tac leco?

Jeremias 4:14 Iomraidhean Croise

Salmos 119:113

Mic ts'a'len jini cha'p'ejax bʌ i pusic'al, Pero c'ux mi cubin a t'an.

Salmos 51:2

Lu' pocbeñon loq'uel c jontolil. Sʌq'uesʌbeñon c pusic'al cha'an tsac cha'le mulil.

Salmos 66:18

Muq'uic c chʌn c'uxbin mulil, Mach i jac'ʌyic c t'an jini lac Yum.

Proverbios 1:22

Jatetla maxto bʌ anic la' pusic'al, ¿jayp'ejl to q'uin chʌn alʌlet to la? Jatetla mu' bʌ la' cha'len wajleya, ¿jayp'ejl to q'uin chʌn tijicñayetla ti wajleya? Jatetla tontojet bʌ la, ¿jayp'ejl to q'uin mi caj la' ts'a'len la' cʌntesʌntel?

Isaias 55:7

La' i cʌy i mul jini xjontolil. Jini mach bʌ tojic la i cʌy i ña'tan jontolil. La' i sutq'uin i bʌ ti lac Yum, come mi caj i p'untan. Mi caj i ñusʌben i mul ti pejtelel i pusic'al.

Jeremias 13:27

Q'uelel c cha'an pejtel a jontolil yic'ot a ts'i'lel yic'ot bajche' ma' pejcan a pi'ʌlob cha'an mi' pi'leñetob ya' ti ye' wits yic'ot ti jamil. Obol a bʌ, Jerusalén. ¿Jala to ba mi caj a sʌq'uesʌntel?

Jeremias 17:1

Ts'ijbubilix i mul Judá yic'ot pluma melbil bʌ ti fierro. Tsʌtsatax i ñi' pluma melbil bʌ ti diamante. Ts'ijbubilix i mul ti' pusic'alob yic'ot ya' ti' xulub tac pulʌntib.

Jeremias 18:11

Jini cha'an, subeñob jini chumulo' bʌ ti Judá yic'ot ti Jerusalén: “Awilan, wolic chajpʌbeñetla ñuc bʌ wocol. Mi caj j contrajiñetla. Wolic subeñetla ti wocol t'an, sutq'uin la' bʌ. Cʌyʌx la' mul. Ñopoxla chuqui uts'at. Melexla chuqui wen, che'en lac Yum”.

Jeremias 2:22

Mi tsa' poco a bʌ yic'ot tan yic'ot sijonte', mach loq'uic a jontolil. Ya'to an ti' tojel c wut, che'en lac Yum Dios.

Jeremias 6:19

Ubinla, pejtel cuxulo' bʌ ti pañimil: Awilan, wolix c choc tilel wocol ti' tojlel ili c tejclum. Mi caj i tojob i mul come ma'anic tsi' jac'ʌyob c t'an. Tsi' juch'teq'ueyob j cʌntesʌbal.

Ezequiel 18:31

Cʌyʌxla pejtel la' jontolil. Yom mi la' mel ti tsijib la' pusic'al yic'ot la' cuxtʌlel. ¿Chucoch mi la' lon jilel?

Zacarias 8:17

Mach mi la' jop'ben i mul ti la' pusic'al. Mach mi la' cha'len jop't'an. Mulil pejtel iliyi. Ts'a' mij q'uel, che'en lac Yum.

Mateo 12:33

Che' c'oc' jini te', mi la' wʌl c'oc' i wut ja'el. Mi mach wenic jini te', mi la' wʌl mach wenic i wut. Come mi' cʌjñel jini te' ti' wut.

Lucas 11:39

Lac Yum tsi' sube: Jatetla, fariseojet bʌ la, mi la' wen pocben i pat jini vaso yic'ot latu, pero but'ul la' pusic'al ti xujch' yic'ot cabʌl jontolil.

Juan 13:9

Simón Pedro tsi' sube: C Yum, mach jinic jach coc yom ma' poc. Poco ja'el j c'ʌb yic'ot c jol, che'en.

Hechos 8:22

Cʌyʌ a jontolil. C'ajtiben Dios cha'an mi' ñusʌbeñet jini tsa' bʌ a ña'ta ti a pusic'al.

Romanos 1:21

Anquese tsi' cʌñʌyob Dios, ma'anic tsi' ch'ujutesayob. Ma'anic tsi' subeyob wocolix i yʌlʌ. Tsa' lon tejchi i bajñel ña'tʌbal. Utsilix tsa' p'ojli tonto bʌ i pusic'al.

1 Corintios 3:20

Ts'ijbubil ja'el: “Lac Yum yujil lolom jach chuqui mi' yʌlob ti' bajñel pusic'al jini año' bʌ cabʌl i ña'tʌbal”, che'en.

Santiago 4:8

Lʌc'tesan la' bʌ ba'an Dios. Che' jini mi caj i lʌc'tesan i bʌ ba' añetla. Xmulilob, poco la' c'ʌb. Jatetla cha'chajp jax bʌ la' pusic'al sʌq'uesan la' bʌ.