Jeremias 4:13 - Chol: I T’an Dios

¹³ Q'uelela tocal. Ix tilel lac Yum ti tocal. Ajñel woli ti xʌmbal tilel ti carreta ti p'ʌtʌl bʌ ic'. Ñumen ajñel i c'ʌchlib bajche' xiye'. Bʌbʌq'uen jax lac wocol mu' bʌ caj i tajonla. Obol jax lac bʌ come sajtemonla.

Chol de Tumbalá Bible

¹³ Q'uelela tocal. Ix tilel lac Yum ti tocal. Ajñel woli ti xʌmbal tilel ti carreta ti p'ʌtʌl bʌ ic'. Ñumen ajñel i c'ʌchlib bajche' xiye'. Bʌbʌq'uen jax lac wocol mu' bʌ caj i tajonla. Obol jax lac bʌ come sajtemonla.

Jeremias 4:13 Iomraidhean Croise

2 Samuel 1:23

Wen p'untʌbilob Saúl yic'ot Jonatán. Wen c'uxbibilob ja'el. Ma'anic tsi' wis t'oxoyob i bʌ c'ʌlʌl che' bʌ tsa' chʌmiyob. Ñumen sejbob ti xʌmbal bajche' xiye'. Ñumen p'ʌtʌlob bajche' bajlum.

Isaias 19:1

Jiñʌch i t'an Dios ti' contra jini año' bʌ ti Egipto. Ti ora mi caj i tilel lac Yum c'ʌchʌl ti' pam tocal. Tsiltsilñayob ti bʌq'uen i diosob egiptojob. Mi' toj sajtelob i pusic'al jini chumulo' bʌ ti Egipto.

Isaias 3:8

Jini año' bʌ ti Jerusalén tsa'ix i jats'ʌyob i yoc. Tsa'ix yajli Judá. Jochocña mi caj i cʌytʌl. Come jontol tsi' cha'leyob t'an ti contra lac Yum, jontol i melbalob. Tsi' ts'a'leyob i ñuclel. Tsi' techbeyob i mich'ajel.

Isaias 5:28

Wen jay tac i te'el i jalʌjb. Wen tsʌts xotbilob i jalʌjb cha'an mi' julob. Tsʌts i pacaralel i yoc caballo che' bajche' xajlel. Ajñel mi' majlel i carreta che' bajche' sutujt ic'.

Isaias 66:15

Come lac Yum mi caj i tilel yic'ot c'ajc. Mi caj i choc tilel wocol che' bajche' p'ʌtʌl bʌ ic' cha'an mi' jisan i contrajob che' cʌlʌxix i mich'ajel che' bajche' i nich c'ajc.

Jeremias 10:19

Obol c bʌ. Cabʌl c wocol. Wen ch'ijiyemon. Mach yujilic lajmel c wocol. Wersa mij cuch.

Jeremias 4:12

Tal p'ʌtʌl bʌ ic' chocbil bʌ tilel c cha'an. I yorajlelix mi caj c mel c winicob x'ixicob”. Che'ʌch yom ma' subeñob, che'en lac Yum.

Jeremias 4:31

Tsa cubibe i t'an Sion, woli ti uq'uel. Woli ti bajq'uel che' bajche' x'ixic woli bʌ i yʌc' ti pañimil jini yʌx alʌl. Ajacña mi' jap ic'. Woli' c'ajtin i coltʌntel. Obol jax c bʌ. C'unix pañimil mi cubin cha'an jini tsʌnsʌbilo' bʌ.

Jeremias 46:18

Jini Rey, i c'aba' i Yum Panchan yic'ot Pañimil, mi' yʌl: Tal juntiquil ñuc bʌ ti isujm. An i ñuclel che' bajche' Tabor jini chan bʌ wits yic'ot ja'el jini wits Carmel, lʌc'ʌl bʌ ti colem ñajb.

Jeremias 48:40

Lac Yum woli' yʌl: Jini tal bʌ ti' contra Moab mi caj i bʌc' c'otel che' bajche' xiye' welel bʌ i wich'.

Jeremias 49:22

Q'uele jini mu' bʌ caj i letsel i contrajin Bosra. Che'ʌch yilal bajche' xiye' welel bʌ i wich'. Jini p'ʌtʌlo' bʌ winicob ti Edom lajal mi caj i sujtelob che' bajche' x'ixicob woliyo' bʌ ti bajq'uel.

Jeremias 6:23

Wen yujilob julbʌl. Chuculob i cha'an espada. Jontolob. Mach yujilobic p'untaya. Ju'ucñayob ti t'an che' bajche' colem ñajb. C'ʌchʌlob woli' tilelob, chajpʌbilob cha'an guerra. Mi caj i contrajiñet, xch'oc bʌ calobil Sion, che'en lac Yum.

Jeremias 9:19

Wen ch'ijiyem i pusic'al jini año' bʌ ti Sion. Woli' yʌlob: “Ma'anix lac pijtaya. Junyajlel jisʌbilonla. Wersa mi laj cʌy lac lum yic'ot la cotot”, che'ob.

Lamentaciones 4:19

Tsi' yajñesayonla laj contrajob, ñumen p'is ti ajñel bajche' xiye' ti panchan. Tsi' yajñesayonla ti wits. Tsi' chijtayoñob ti jochol bʌ lum. Tsi' yʌlʌ i jisayonla ti mal lum.

Ezequiel 26:10

Mi caj i mʌctañet yic'ot i yonlel i caballo. Mi caj i ñijcʌyel i ts'ajquil tejclum che' mi' yochelob jini carreta tac tujc'ʌbil bʌ ti caballo.

Ezequiel 38:9

Mi caj a tilel yic'ot cabʌl soldadojob mu' bʌ caj i coltañet. Che' bajche' p'ʌtʌl bʌ ic' mi caj a tilel a mʌctan jini lum che' bajche' tocal mu' bʌ i jubel ti pañimil. Bajc'ʌletla yic'ot a soldadojob yic'ot yaño' bʌ a waj coltayajob ch'oyolo' bʌ ti yan tac bʌ lum.

Daniel 11:40

Pero ti wi'il bʌ ora jini rey am bʌ ti sur mi caj i contrajin ti guerra. Jini rey ti norte mi caj i tejchel ti' contra che' bajche' colem ic', yic'ot cabʌl soldadojob, yic'ot cabʌl barco, yic'ot cabʌl caballo.

Daniel 7:4

Jini ñaxan bʌ lajalʌch bajche' bajlum, pero an i wich' che' bajche' xiye'. Che' bʌ tsaj q'uele tsa' c'ocbenti loq'uel i wich'. Tsa' wa'le ti cha'ts'ijt i yoc che' bajche' winic. Tsi' aq'uenti i ña'tʌbal che' bajche' winic.

Oseas 8:1

Wusu jini trompeta, come talob a contrajob che' bajche' xta'jol. Talob i jisan c cha'año' bʌ cha'an tsi' jemeyob jini trato bʌ c t'an. Tsi' wersa ñusayob c mandar.

Miqueas 2:4

Ti jim bʌ ora mi caj i wajleñetla la' contrajob. Mi caj i tse'tañetla che' ch'ijiyem mi la' cha'len uq'uel. Mi caj la' wʌl: “Junyajlel jisʌbilonixla. Isujm lac Yum tsa'ix i laj chilbeyonla lac lum. Tsi' cha' t'oxbeyob yaño' bʌ. Tsa'ix i chocoyonla majlel ti ñajtʌl”. Che'ʌch mi caj la' wuc'tan la' bʌ, che'en lac Yum.

Nahum 1:3

Jal mi' tejchel i mich'ajel lac Yum. Cabʌl i p'ʌtʌlel. Ma'anic mi' to'ol q'uel ti toj jini am bʌ i mul. Lac Yum mi' pʌs i p'ʌtʌlel ti sutujt ic' yic'ot ti p'ʌtʌl bʌ ic'. Lac Yum mi' pʌs i p'ʌtʌlel ti tocal.

Habacuc 1:8

Ñumen ajñel mi' cha'len xʌmbal i caballo che' bajche' bajlum. Ñumen jontol che' bajche' jini mate'el ts'i' am bʌ i wi'ñal. C'ʌchʌl woli' tilelob jini ch'oyolo' bʌ ti ñajtʌl. Mi' chañ'esañob i bʌ. Ora jach mi' tilelob che' bajche' xiye' mu' bʌ caj i c'ux i colojm.

Zacarias 6:1

Che' bʌ tsac cha' letsa c wut, tsaj q'uele woli' loq'uel tilel chʌncojt carreta ti' yojlil cha'p'ejl wits, puro bronce jini wits tac.

Mateo 24:30

Ti jim bʌ ora i Yalobil Winic mi caj i pʌs i yejtal i p'ʌtʌlel ti panchan. Mi' cajelob ti cabʌl uq'uel pejtelel winicob x'ixicob ti pañimil. Mi caj i q'uelob i Yalobil Winic che' mi' tilel ti tocal ti panchan ti' p'ʌtʌlel yic'ot ti' ñuclel.

Deuteronomio 28:49

Lac Yum mi caj i pʌy tilel yambʌ tejclum wen ñajt bʌ chumul ti yambʌ lum. Lajal bajche' xiye' mi caj i tilel i xujch'iñet majlel. Yañʌch bʌ i t'an jini winicob.

Apocalipsis 1:7

Awilan, tal ti tocal. Pejtelel winicob yic'ot jini tsa' bʌ i jeq'ueyob mi caj i q'uelob. Mi' cajelob ti cabʌl uq'uel jujunchajp winicob x'ixicob ti pañimil che' mi' tilel Cristo. Che'ʌch yom. Amén.