Jeremias 4:12 - Chol: I T’an Dios

¹² Tal p'ʌtʌl bʌ ic' chocbil bʌ tilel c cha'an. I yorajlelix mi caj c mel c winicob x'ixicob”. Che'ʌch yom ma' subeñob, che'en lac Yum.

Chol de Tumbalá Bible

¹² Tal p'ʌtʌl bʌ ic' chocbil bʌ tilel c cha'an. I yorajlelix mi caj c mel c winicob x'ixicob”. Che'ʌch yom ma' subeñob, che'en lac Yum.

Jeremias 4:12 Iomraidhean Croise

Salmos 11:6

Mi caj i chocbeñob tilel nich c'ajc i wenta ja'al ti' pam jontolo' bʌ, C'ajc yic'ot azufre yic'ot wen ticʌw bʌ ic' chajpʌbilix bʌ i cha'an.

Jeremias 1:16

Cabʌl jax i jontolil c tejclumob. Jini cha'an mi caj c chocbeñob tilel pejtel jini wocol cha'an tsa'ix i cʌyʌyoñob. Mi' pulbeñob pom yambʌ diosob. Mi' ñocchocoñob i bʌ ti' tojel jini melbil tac bʌ tsa' bʌ i meleyob.

Jeremias 4:11

Mi caj a suben c cha'año' bʌ yic'ot jini c tejclum Jerusalén: “Tal chʌcwech'an bʌ ic' loq'uem bʌ ti tiquin lum. Mi caj i jats'et, xch'oc bʌ calobil. Mach talic cha'an mi' coltañet. Mach talic cha'an mi' wejlan majlel i sujl ixim cha'an mi' sʌq'uesan.

Jeremias 4:13

Q'uelela tocal. Ix tilel lac Yum ti tocal. Ajñel woli ti xʌmbal tilel ti carreta ti p'ʌtʌl bʌ ic'. Ñumen ajñel i c'ʌchlib bajche' xiye'. Bʌbʌq'uen jax lac wocol mu' bʌ caj i tajonla. Obol jax lac bʌ come sajtemonla.

Jeremias 51:1

Lac Yum woli' yʌl: P'isi ti a wenta jini yujilo' bʌ jisaya. Mi caj c pʌyob tilel ti contra jini chumulo' bʌ ti Babilonia yic'ot ti' contra pejtel Caldea.

Ezequiel 5:8

Jini cha'an woli' yʌl lac Yum Dios: Wʌle mi caj j contrajiñetla. Mi caj cʌq'ueñet la' toj la' mul ti' wut pejtelel pañimil.

Oseas 13:15

Tsa' wen p'ojli i yalobilob Efraín yic'ot i chubʌ'an, pero lac Yum mi caj i choc tilel ic' loq'uem bʌ ti colem bʌ i tiquiñal pañimil cha'an mi' tiquin i lumal. Mi caj i laj tiquin pa' yic'ot i loq'uib ja'. Che' jini mi caj i chʌmelob cha'an tiquin ti'. Mi caj i tiquin pejtel i pʌc'ʌb.

Habacuc 1:11

Ti ora jach mi' ñumelob majlel che' bajche' p'ʌtʌl bʌ ic'. Añob i mul ili winicob come cʌyʌlob ti' dios te' tac. Mi' lon ña'tañob ya' tilem i p'ʌtʌlel, che'en lac Yum.