Jeremias 4:11 - Chol: I T’an Dios

¹¹ Mi caj a suben c cha'año' bʌ yic'ot jini c tejclum Jerusalén: “Tal chʌcwech'an bʌ ic' loq'uem bʌ ti tiquin lum. Mi caj i jats'et, xch'oc bʌ calobil. Mach talic cha'an mi' coltañet. Mach talic cha'an mi' wejlan majlel i sujl ixim cha'an mi' sʌq'uesan.

Chol de Tumbalá Bible

¹¹ Mi caj a suben c cha'año' bʌ yic'ot jini c tejclum Jerusalén: “Tal chʌcwech'an bʌ ic' loq'uem bʌ ti tiquin lum. Mi caj i jats'et, xch'oc bʌ calobil. Mach talic cha'an mi' coltañet. Mach talic cha'an mi' wejlan majlel i sujl ixim cha'an mi' sʌq'uesan.

Jeremias 4:11 Iomraidhean Croise

Salmos 11:6

Mi caj i chocbeñob tilel nich c'ajc i wenta ja'al ti' pam jontolo' bʌ, C'ajc yic'ot azufre yic'ot wen ticʌw bʌ ic' chajpʌbilix bʌ i cha'an.

Isaias 22:4

Jini cha'an tsa cʌlʌ: Loq'uenixla tic tojlel come wolic cha'len uq'uel cha'an jisʌbilobix c pi'ʌlob. Wen ch'ijiyem c pusic'al. Mach la' lon ña'tan la' tijicñesañon, cho'on.

Isaias 41:16

Ñajt mi caj a chocob majlel. Jini ic' mi caj i cuchob majlel che' bajche' i yopol te'. Jini sutujt ic' mi caj i pam pucob. Pero tijicñayet ti a Yum. Mi caj i ñuc'an a pusic'al cha'an jini Ch'ujul Bʌ i cha'an Israel.

Isaias 64:6

Tic pejtelel lojon bibi'on lojon ti a wut cha'an lojon c mul. Ma'anic ma' q'uel ti uts'at wen bʌ c melbal lojon. Che' yilalob ti a wut bajche' tuwix bʌ pisil. Lajal mi' jilel laj c'ʌjñibal che' bajche' mi' tiquin i yopol te'. Cha'an c mul lojon mic pʌjyel lojon majlel.

Jeremias 13:24

Mi caj c puquetla che' bajche' i sujl ixim mu' bʌ i wejlan majlel ic'.

Jeremias 14:17

Mi caj a subeñob: “Mic cha'len uq'uel ti q'uiñil yic'ot ti ac'ʌlel. Mach lajmic i ya'lel c wut, come c pi'ʌlobʌch. Jec'bilob ti espada woli' chʌmelob. Pam pujquemob.

Jeremias 23:19

Q'uele jini p'ʌtʌl bʌ ic' chocbil bʌ tilel i cha'an lac Yum. Cabʌlix i mich'ajel. Mi caj i bʌc' tilel i jats' jini xjontolilob che' bajche' sutujt ic'.

Jeremias 4:12

Tal p'ʌtʌl bʌ ic' chocbil bʌ tilel c cha'an. I yorajlelix mi caj c mel c winicob x'ixicob”. Che'ʌch yom ma' subeñob, che'en lac Yum.

Jeremias 8:19

Ubinla, woliyob ti uq'uel jini c'uxbibilo' bʌ c pi'ʌlob ti ñajt bʌ lum. ¿Baqui an lac Yum? ¿Tsa' ba i cʌyʌ i cha'len yumʌl ti lac tojlel? che'ob. Lac Yum woli' yʌl: ¿Chucoch tsi' yʌc'ʌyoñob ti mich'? ¿Chucoch tsi' ch'ujutesayob jini dios tac, i melbal tac jini ch'oyolo' bʌ ti ñajtʌl? che'en lac Yum.

Jeremias 9:1

La' c cha'len uq'uel. Mach ma' tic'on. La' tilic i ya'lel c wut ti q'uiñil yic'ot ti ac'ʌlel che' bajche' i loq'uib ja' cha'an woli' tsʌnsʌntelob jini c'uxbibilo' bʌ c pi'ʌlob.

Jeremias 9:7

Lac Yum woli' yʌl: P'isi ti a wenta. Mi caj cʌc'ob ti wocol che' bajche' mi la' wʌc' ti c'ajc jini tsucu taq'uin che' mi la' wulmesan cha'an mi la' loc'sʌben i ta'. Che'ʌch mi caj c melbeñob. ¿Mach ba che'ic yom?

Lamentaciones 2:11

C'unix pañimil mi cubin cha'an cabʌl uq'uel. Chʌquix c wut. Ch'ijiyem c pusic'al. Cabʌl mic mel c pusic'al che' mij q'uel chuqui woli' yujtel tic lumal. Woli' chʌmelob ti bij alʌlob mach bʌ anic i chu'.

Lamentaciones 3:48

Cabʌl mic cha'len uq'uel. Ach'ix c wut cha'an i ya'lel c wut, cha'an tsa' jiliyob c pi'ʌlob mu' bʌ j c'uxbin.

Lamentaciones 4:10

Anquese mi' c'uxbiñob i yalobilob, jini x'ixicob tsi' ch'ʌxʌyob cha'an mi' c'uxob, i wenta i bʌl i ñʌc' che' bʌ tsa' puli jini tejclum.

Lamentaciones 4:3

Jini jontol bʌ ts'i' mi' tsu'san i yal, pero ñumen jontolob jini x'ixicob israelob. Mi' cʌyob i yalobilob che' bajche' mi' cʌy i yal avestruz ya' ti colem bʌ i tiquiñal pañimil.

Lamentaciones 4:6

Ti' caj i mul c pi'ʌlob woli' chʌmelob, come tsa' ñumi ti p'is i mul che' bajche' i mul Sodoma. Tsa' bʌc' jili Sodoma, anquese ma'anic i contrajintel ti winicob.

Ezequiel 17:10

Anquese uts'at ba' pʌc'bil, ¿mu' ba caj i chʌn colel? Anquese uts'at jini lum ba' tsa' coli mi caj i tiquin che' mi' ñumel ticʌw bʌ ic' tilem bʌ ti' pasibal q'uin”.

Ezequiel 19:12

Pero tsa' bojqui cha'an mich' i yum. Tsa' lu' jajqui, tsa' chojqui ti lum. Che' bʌ tsa' tili jini ic', tsi' lu' pulbe i wut. Tsa' c'ʌscu jini p'ʌtʌl bʌ i c'ʌb. Che' jini tsa' tiqui jini ac'. Tsa' laj puli ti c'ajc.

Oseas 13:15

Tsa' wen p'ojli i yalobilob Efraín yic'ot i chubʌ'an, pero lac Yum mi caj i choc tilel ic' loq'uem bʌ ti colem bʌ i tiquiñal pañimil cha'an mi' tiquin i lumal. Mi caj i laj tiquin pa' yic'ot i loq'uib ja'. Che' jini mi caj i chʌmelob cha'an tiquin ti'. Mi caj i tiquin pejtel i pʌc'ʌb.

Oseas 13:3

Jini cha'an mi caj i jilelob che' bajche' tocal ti sʌc'ajel, yic'ot ye'eb, ora jach bʌ mi' jilel. Lajalob bajche' i sujl trigo mu' bʌ i wejluyel majlel ti p'ʌtʌl bʌ ic' che' woli' jajts'el trigo. Lajalob bajche' i yonlel buts' mu' bʌ i sʌc jilel ti ic'.

Oseas 4:19

Jini cha'an talob i contrajob che' bajche' p'ʌtʌl bʌ ic' cha'an mi' wejlañob majlel. Quisintic jax mi caj i chʌmelob cha'an woli' tsʌnsʌbeñob i majtan jini dioste' tac.

Habacuc 1:11

Ti ora jach mi' ñumelob majlel che' bajche' p'ʌtʌl bʌ ic'. Añob i mul ili winicob come cʌyʌlob ti' dios te' tac. Mi' lon ña'tañob ya' tilem i p'ʌtʌlel, che'en lac Yum.

Habacuc 1:6

Wolic p'ʌtesan jini caldeojob ch'oyolo' bʌ ti Babilonia. Wen jontolob. Mach yujilobic bʌq'uen. Mi' cha'leñob xʌmbal ti pejtelel pañimil cha'an mi' chilob chuqui tac yomob mach bʌ i cha'añobic.

Mateo 3:12

An i wejlʌjib ti' c'ʌb. Mi' wen wejlan i yajñib trigo. Mi' lot jini trigo ti' yotlel. Mi caj i pulben i sujl ti c'ajc mach bʌ yujilic yajpel. Che' tsi' yʌlʌ Juan.

Lucas 3:17

An i wejlʌjib ti' c'ʌb. Mi caj i wen wejlan i yajñib trigo. Mi caj i lot jini trigo ti' yotlel. Mi caj i pulben i sujl ti c'ajc mach bʌ yujilic yajpel ti pejtelel ora. Che' tsi' yʌlʌ Juan.