Jeremias 39:9 - Chol: I T’an Dios

⁹ Nabuzaradán i capitán soldadojob tsi' pʌyʌ majlel ti Babilonia pejtel i colojbal winicob cuxulob to bʌ ti tejclum, yic'ot jini winicob tsa' bʌ i bajñel cʌyʌyob i pi'ʌlob cha'an mi' yotsañob i bʌ ti' wenta, yic'ot pejtel winicob x'ixicob tsa' bʌ cʌleyob ti Judá.

Chol de Tumbalá Bible

⁹ Nabuzaradán i capitán soldadojob tsi' pʌyʌ majlel ti Babilonia pejtel i colojbal winicob cuxulob to bʌ ti tejclum, yic'ot jini winicob tsa' bʌ i bajñel cʌyʌyob i pi'ʌlob cha'an mi' yotsañob i bʌ ti' wenta, yic'ot pejtel winicob x'ixicob tsa' bʌ cʌleyob ti Judá.

Jeremias 39:9 Iomraidhean Croise

Genesis 37:36

Jini madiañob tsi' choñoyob José ya' ti Egipto. Tsi' chombeyob Potifar am bʌ i ye'tel ti' tojlel Faraón. Jiñʌch i capitán xcʌntayajob.

2 Reyob 20:18

Lamital a walobilob mi caj i pʌjyelob majlel. Mi caj i yotsañob ti capon cha'an mi' cha'leñob e'tel ya' ti yotot jini rey ti Babilonia”, che'en Isaías.

2 Reyob 25:11

Jini Nabuzaradán tsi' yʌc'ʌ i t'an cha'an mi' pʌyob majlel jini winicob x'ixicob tsa' bʌ cʌleyob ti tejclum, yic'ot jini tsa'ix bʌ i yʌc'ʌyob i bʌ ti' wenta i rey Babilonia, yic'ot pejtelel jini wen yujilo' bʌ e'tel ti chajp ti' chajp.

2 Reyob 25:20

Jini capitán Nabuzaradán tsi' pʌyʌyob majlel ti Ribla ba'an i rey Babilonia.

Isaias 5:13

Jini cha'an lac Yum mux caj i choquetla majlel ti cʌjchel ti ñajt bʌ pañimil, come ma'anic mi la' ch'ʌmben isujm i t'an lac Yum. Mi caj la' chʌmel ti wi'ñal yic'ot tiquin ti' ti la' pejtelel, jini ñuc taco' bʌ yic'ot p'ump'uño' bʌ ja'el.

Jeremias 10:18

Come lac Yum tsi' yʌlʌ: Otsan ti a pusic'al chuqui wolic mel. Wolix c choc loq'uel jini chumulo' bʌ ti ili lum. Mi caj cʌc'ob ti tic'lʌntel cha'an mi' yubiñob wocol, che'en.

Jeremias 16:13

Jini cha'an mi caj c choquetla loq'uel ti ili lum cha'an mi la' majlel ti yambʌ lum mach bʌ cʌmbilic i cha'an la' tatob, mach bʌ la' cʌñʌyic ja'el. Ya' mi caj la' ch'ujutesan yan tac bʌ dios ti q'uiñil yic'ot ti ac'ʌlel, pero mach muq'uic i wis coltañetla.

Jeremias 24:8

Jini oc'benix bʌ higo ma'anix i c'ʌjñibal. Che'ʌch yilal jini Sedequías rey bʌ ti Judá, yic'ot ñuco' bʌ i ye'tel año' bʌ ti' wenta, yic'ot pejtelob tsa' bʌ cʌleyob ti Jerusalén yic'ot ti ili lum yic'ot ti Egipto.

Jeremias 38:19

Jini rey Sedequías tsi' yʌlʌ: Mic bʌc'ñan jini judíojob tsa' bʌ i yʌc'ʌyob i bʌ ti' c'ʌb jini caldeojob. Tic'ʌl mi caj cʌjq'uel ti' wenta cha'an mi' tic'lañoñob, che'en.

Jeremias 40:1

I t'an lac Yum tsa' bʌ tili ba'an Jeremías: Jini capitán Nabuzaradán, tsi' pʌyʌ majlel Jeremías ti cadena tac yic'ot pejtel i pi'ʌlob loq'uemo' bʌ ti Jerusalén yic'ot ti Judá tsa' bʌ pʌjyiyob majlel ti Babilonia.

Jeremias 40:7

Jini soldadojob año' bʌ i ye'tel ti ili lum tsi' yubiyob wa'chocobilix Gedalías (i yalobil Ahicam) cha'an i rey Babilonia. Tsi' yubiyob laj ac'bilobix ti' wenta Gedalías yic'ot pejtel jini pobrejo' bʌ tsa' bʌ cʌleyob ti Judá.

Jeremias 52:26

Nabuzaradán tsi' laj cʌchʌyob. Tsi' pʌyʌyob majlel ti Ribla ba'an Nabucodonosor jini rey ti Babilonia.

Jeremias 52:27

Jini rey tsi' laj tsʌnsayob ya' ti Ribla ti' lumal Hamat. Che' jini tsa' pʌjyiyob majlel ti Babilonia jini ch'oyolo' bʌ ti Judá.

Daniel 2:14

Arioc jini ñuc bʌ xcʌntaya i cha'an jini rey tsa' c'oti i tsʌnsan jini año' bʌ i ña'tʌbal. Daniel tsi' pejca Arioc ti uts bʌ t'an.

Levitico 26:33

Mi caj c pam puquetla ti pejtelel pañimil. Mi caj cʌq'uetla ti jilel ti espada. Che' jini jochocña mi caj i cʌytʌl la' lum yic'ot la' tejclum tac.

Deuteronomio 4:27

Lac Yum mi caj i pam puquetla ti yan tac bʌ lum. Ts'ita jach mi caj la' cʌytʌl ya' ba' mi caj i pʌyetla majlel lac Yum.