Jeremias 39:8 - Chol: I T’an Dios

⁸ Jini caldeojob tsi' laj puluyob ti c'ajc i yotot rey yic'ot yan tac bʌ otot. Tsi' jemeyob i ts'ajquil Jerusalén.

Chol de Tumbalá Bible

⁸ Jini caldeojob tsi' laj puluyob ti c'ajc i yotot rey yic'ot yan tac bʌ otot. Tsi' jemeyob i ts'ajquil Jerusalén.

Jeremias 39:8 Iomraidhean Croise

2 Reyob 25:8

Tsa' c'oti ti Jerusalén jini Nabuzaradán che' ti 22 de julio che' bolonlujump'ejl (19) jab i ye'tel Nabucodonosor, jini rey ti Babilonia.

2 Cronicas 36:19

Jini soldadojob tsi' pulbeyob i Templo Dios. Tsi' laj jemeyob jini ts'ajc am bʌ ti' joytʌlel Jerusalén. Tsi' laj puluyob pejtelel jini colem otot. Tsi' jisayob pejelel jini uts'at bʌ i bʌl Templo.

Nehemias 1:3

Tsi' subeyoñob: Cabʌl woli yubiñob wocol jini judíojob ya' bʌ chumulob. Ma'anic jaytiquilob tsa' bʌ cʌleyob ti lum che' bʌ tsa' wersa pʌjyiyob i pi'ʌlob. Cabʌl woli' ts'a'lentelob. Jejmen to jini ts'ajc am bʌ ti' joytilel Jerusalén. Tsa' laj puli jini colem tranca tac ya' ti' yochib tejclum, che'ob.

Salmos 79:7

Come tsa'ix i jisayob israelob. Tsi' jisʌbeyon lojon c chumlib.

Isaias 5:9

Lac Yum tsa'ix i tsictesʌbeyon: Jocholix jini colem otot wen uts'at tac bʌ. Ma'añobix i yumob.

Jeremias 17:27

Pero mi mach la' womic la' jac'beñon, mi mach ch'ujulic i yorajlel c'aj o ti la' wut, mi mux caj la' wersa ch'ʌm ochel la' cuch ti' ti' Jerusalén che' bajche' ti yan tac bʌ q'uin ti semana, che' jini mi caj c tsuc' c'ajc ti' ti' tac tejclum. Mux i pam ñumel cha'an mi' lu' jisan jini otot tac yic'ot ja'el i yotot tac reyob. Mach yajpic jini c'ajc”. Che' yom mi la' subeñob, che'en lac Yum.

Jeremias 21:10

Come joñon wolij contrajin ili tejclum. Mach uts'atic mij q'uel. Mi caj cʌc' ti wocol. Mi caj cʌc' ti' c'ʌb jini rey ti Babilonia. Jini mi caj i jisan ti c'ajc, che'en lac Yum”. Che' yom mi la' subeñob.

Jeremias 32:29

Jini caldeojob woliyo' bʌ ti guerra ti' joytʌlel ili tejclum mi caj i pulob ti c'ajc. Mi caj i laj pulel otot tac ya' ba' mi' pulbeñob pom jini Baal ba' mi' yʌq'ueñob japbil bʌ i majtan dios tac cha'an mi' yʌc'oñob ti mich'ajel.

Jeremias 34:2

Lac Yum, i Dios Israel, woli' yʌl: Cucu pejcan Sedequías rey bʌ ti Judá. Suben: “Lac Yum woli' yʌl: Awila to mi caj cʌc' ili tejclum ti' c'ʌb jini rey ti Babilonia. Mi caj i pul yic'ot c'ajc.

Jeremias 34:22

Awila to. Joñon mi caj cʌc' mandar cha'an mi' cha' sujtelob ilayi cha'an mi' cha' techob guerra ti' contra ili tejclum. Mi caj i t'uchtañob. Mi caj i pulob ti c'ajc. Joñon mi caj c jisan pejtel i tejclum tac Judá cha'an jochol mi' cʌytʌl, che'en lac Yum.

Jeremias 37:10

Mi tsa' mʌjli a cha'an, mi tsa' jach cʌle cha'tiquil uxtiquil caldeojob lojwemo' bʌ che' laj majlemobix i pi'ʌlob, jasʌl cha'tiquil uxtiquil cha'an mi' pulob ili tejclum ti c'ajc. Che' woli' yʌl lac Yum”. Che' yom ma' suben, che'en lac Yum.

Jeremias 38:18

Pero mi ma'anic ma' wʌc' a bʌ ti' c'ʌb jini yumʌlob loq'uemo' bʌ ti Babilonia, mi caj i yʌjq'uel ili tejclum ti' c'ʌb jini caldeojob. Mi caj i pulob ti c'ajc. Che' jini ma'anic majch mi caj i coltañet loq'uel ti' c'ʌbob”, che'en Jeremías.

Jeremias 5:10

Cucu ti ts'usubil tac, pero mach ma' lu' jisan. Loc'sʌben i c'ʌb te', come mach i cha'anic lac Yum.

Jeremias 7:20

Lac Yum woli' yʌl: Jini cha'an ts'a' mij q'ueletla. Wen mich'on, mi caj c choc tilel wocol ti' tojlel winicob x'ixicob, yic'ot ti' tojlel bʌte'el, yic'ot te'el tac, yic'ot i wut lum. Mi caj i jilel che' bajche' ti c'ajc cha'an cʌlʌx jax c mich'ajel, che'en.

Lamentaciones 1:10

I contrajob tsa'ix i laj chilbeyob i chubʌ'an letsem tac bʌ i tojol. Woli' yochelob ti ch'ujul bʌ a wajñib ba' tsi' tempayob i bʌ a winicob, ba' tic'bil mi' yochel jini mach bʌ judíojic.

Lamentaciones 2:2

Lac Yum tsi' jisa pejtel chuqui tac c'uxbibil i cha'an Jacob. Ma'anic tsi' wis p'unta. Tsi' jisʌbe i ts'ajquil ba' lon xuc'ul i pusic'al Judá. Tsi' jisʌbe i ñuclel i yumob. Tsi' chocoyob jubel ti lum. Ma'anix i yumʌntel.

Lamentaciones 2:7

Tsi' ts'a'le i pulʌntib yic'ot ch'ujul bʌ i yajñib. Tsi' yʌc'ʌ ti jisʌntel jini colem otot tac ti' c'ʌb i contrajob. Tsi' cha'leyob oñel ya' ti' yotot lac Yum che' bajche' ti' yorajlel q'uiñijel.

Ezequiel 16:41

Mi caj i pulob a wotot. Mi caj cʌq'ueñet a toj a mul ti' wut cabʌl x'ixicob cha'an ma' cʌy a ts'i'lel yic'ot cha'an ma' cʌy a ch'ujutesan dioste' tac.

Ezequiel 23:47

Motocñayob i contrajob, mi caj i julob ti xajlel. Mi caj i tsepob ti espada. Mi caj i tsʌnsʌbeñob jini ch'iton bʌ yic'ot xch'oc bʌ i yalobilob. Mi caj i pulbeñob i yotot ti c'ajc.

Ezequiel 33:21

Che' ti diciembre ti lajchʌmp'ejlel jab che' cʌchʌlon lojon, tsa' c'oti juntiquil xputs'el loq'uem bʌ ti Jerusalén. Tsi' subeyon: Jisʌbilix jini tejclum, che'en.

Amos 2:5

Jini cha'an mi caj c choc tilel c'ajc ya' ti Judá. Mi caj c laj pulben jini wen melbil tac bʌ i yotot ti Jerusalén.

Miqueas 3:12

Jini cha'an ti' caj la' jontolil mi caj i bic'ti jejmel Sion che' bajche' mi' tojp'el lum. Pucujemel mi caj i cʌytʌl Jerusalén che' bajche' jejmen bʌ otot. Mi caj i sujtel ti mate'el jini wits ba' wa'chocobil Templo.