Jeremias 39:6 - Chol: I T’an Dios

⁶ Tsi' tsʌnsa i yalobilob Sedequías ya' ti Ribla ti' tojel i wut Sedequías. Tsi' tsʌnsa ja'el pejtel jini año' bʌ i ye'tel ti Judá.

Chol de Tumbalá Bible

⁶ Tsi' tsʌnsa i yalobilob Sedequías ya' ti Ribla ti' tojel i wut Sedequías. Tsi' tsʌnsa ja'el pejtel jini año' bʌ i ye'tel ti Judá.

Jeremias 39:6 Iomraidhean Croise

Genesis 21:16

Agar tsa' majli ti buchtʌl ti' tojel i yalobil. Che'ʌch i ñajtlel bajche' mi' c'otel i te'el jalʌjb, come tsi' yʌlʌ: Mach comic j q'uel jini ch'iton che' mi' chʌmel, che'en. Che' bʌ ya' buchul ti' tojel, tsa' caji ti uq'uel Agar.

Genesis 44:34

Come mach mejlic c sujtel ba'an c tat mi ma'anic mi' sujtel jini ch'iton quic'ot. Mach comic j q'uel jini wocol mu' bʌ caj i yubin c tat. Che' tsi' yʌlʌ Judá.

2 Reyob 22:20

Jini cha'an ma'anic mi caj i yujtel ili wocol che' cuxulet to. Ma'anic mi caj a q'uel ili wocol mu' bʌ caj c choc tilel ti ili lum. Che' tsi' yʌlʌ lac Yum”. Che'ʌch yom mi la' suben jini rey, che'en Hulda.

2 Reyob 25:7

Tsi' tsʌnsʌbeyob i yalobilob Sedequías ti' tojel i wut i tat. Tsi' loc'sʌbeyob i bʌc' i wut Sedequías. Cʌchbil ti cadena tsi' pʌyʌyob majlel ti Babilonia.

2 Cronicas 34:28

Mi caj c pʌyet majlel ba'an a tatob. Ti' ñʌch'tʌlel a pusic'al mi caj a chʌmel. Ma'anic mi caj a q'uel pejtelel jini wocol mu' bʌ caj c chocbeñob tilel jini chumulo' bʌ ti ili tejclum”. Che' tsi' yʌlʌ lac Yum, che'en Hulda. Jini winicob tsa' majli i subeñob jini rey pejtelel chuqui tsi' yubiyob.

Ester 8:6

¿Bajche' mi mejlel j cuch mi tsi' tajayob wocol c pi'ʌlob? Mach cujchic c cha'an mi tsa' jisʌntiyob c pi'ʌlob judíojob, che'en Ester.

Isaias 13:16

Ti' tojel i wutob mi caj i chojquelob jubel ti lum i yalobilob. Mi caj i tsʌnsʌntelob. Mi caj i chilbentelob i chubʌ'an ti' yotot. Mi caj i tic'lʌntelob i yijñam.

Isaias 34:12

Ma'anix ñuc bʌ winicob ya'i. Ma'anix majqui mi' chʌn wa'chocontel ti rey. Mux i sʌc jilelob jini yumʌlob.

Jeremias 20:4

Come lac Yum woli' yʌl: “Joñon mi caj c chocbeñet tilel bʌbʌq'uen tac bʌ mu' bʌ caj i jisañet yic'ot pejtel a cʌñʌyo' bʌ. Mi caj a q'uelob che' mi' chʌmelob ti espada ti' c'ʌbob a contrajob. Mi caj cʌc' ti' wenta a contrajob pejtel jini chumulo' bʌ ti Judá. Jini ch'oyolo' bʌ ti Babilonia mi caj i cʌchob majlel ti' lumal. Mi caj i tsʌnsañob ti espada.

Jeremias 21:7

I colojbal winicob x'ixicob mach bʌ anic tsa' chʌmiyob wʌ' ti tejclum mi caj c tem ac'ob ti' c'ʌb Nabucodonosor jini rey ti Babilonia yic'ot Sedequías rey bʌ ti Judá yic'ot i winicob. Mi caj i chʌmelob ti' c'ʌb i contrajob mach bʌ yujilobic p'untaya. Che' woli' yʌl lac Yum”. Che'ʌch yom mi la' suben.

Jeremias 34:3

Mach loq'uiquet ti' c'ʌb. Mi caj a cʌjchel majlel ti Babilonia. Mi caj a q'uelben i wut jini rey ti Babilonia. Mi caj i pejcañet che' ma' pʌjyel majlel ti' tojlel.

Jeremias 38:23

Ña'tan che' jini, mi caj i pʌjyelob loq'uel ti a wotot pejtel a wijñamob yic'ot a walobilob ti' wenta jini caldeojob. Jatet ja'el ma'anic mi caj a colel ti' c'ʌbob. Jini rey am bʌ ti Babilonia mi caj i chuquet ti' c'ʌb. Mi caj i pul ili tejclum. Che' tsi' yʌlʌ Jeremías.

Jeremias 52:10

Jini rey bʌ ti Babilonia tsi' tsʌnsa i yalobilob Sedequías ti' tojel i wut i tat. Tsi' tsʌnsa ja'el jini yumʌlob tilemo' bʌ ti Judá.

Ezequiel 23:24

Mi caj i tilelob ti la' tojlel ti carreta tac yic'ot cabʌl e'tijibʌl yic'ot cabʌl soldadojob. Mi caj i joy mʌctañetob winicob wen chajpʌbilo' bʌ cha'an guerra. Che' jini mi caj cʌq'ueñet a toj a mul.

Ezequiel 24:5

Yajcan jini ñumen uts'at bʌ tiñʌme' cha'an ma' wotsan ti p'ejt. Ac'ʌ si' ti' yebal p'ejt cha'an jal ma' ch'ʌx jinto mi' yechmʌl i bʌc'tal ti' bʌquel.

Sofonias 1:8

Lac Yum tsi' yʌlʌ: Ti' yorajlel meloñel mi caj cʌq'ueñob i toj i mul jini ñuc bʌ yumʌlob, yic'ot año' bʌ i ye'tel ti Judá, yic'ot pejtel mu' bʌ i lon ch'ʌlob i bʌ che' bajche' sajtemo' bʌ.

Deuteronomio 28:34

Tonto jax mi caj a majlel cha'an pejtelel jini mu' bʌ a q'uel.