Jeremias 39:12 - Chol: I T’an Dios

¹² Pʌyʌ. Cʌntan. Mach yomic ma' wis tic'lan. Melben che' bajche' mi' subeñet, che'en.

Chol de Tumbalá Bible

¹² Pʌyʌ. Cʌntan. Mach yomic ma' wis tic'lan. Melben che' bajche' mi' subeñet, che'en.

Jeremias 39:12 Iomraidhean Croise

Proverbios 16:7

Che' tijicña mi' q'uel lac Yum i bijlel winic, mi' yuts'esʌbeñob i pusic'al i contrajob.

Proverbios 21:1

Jini Dios tsa' bʌ i melbe i bijlel ja' mi' ñijcʌben i pusic'al rey cha'an mi' mel chuqui yom Dios.

Proverbios 23:5

¿Mu' ba caj a lon sʌclan jini mach bʌ a tajayic? Lajalʌch lac chubʌ'an bajche' i wich' xiye' mu' bʌ ti wejlel majlel.

Jeremias 15:11

Lac Yum tsi' yʌlʌ: Mi caj j cʌybeñet lamital winicob, pero ma'anic jaytiquil mu' bʌ caj i colelob. Jixcu jatet, i colojbalet bʌ, mi caj j coltañet ti' tojlel a contrajob ti' yorajlel wocol che' mi' bʌc' tilel ñuc bʌ wocol, che'en.

Jeremias 15:21

Mi caj c loc'sañet ti' c'ʌb xjontolilob. Mi caj c mʌñet loq'uel ti' wenta xtic'layajob.

Jeremias 24:6

Uts'at mi caj j q'uelob. Mi caj j coltañob. Mi caj c cha' pʌyob tilel ti chumtʌl ti ili lum. Mi caj c cha' aq'ueñob i yumʌntel. Ma'anix mi caj c chʌn jemob. Mi caj c pʌc'ob. Ma'anix mi caj c chʌn bocob.

Jeremias 39:13

Jini cha'an jini capitán Nebuzaradán, yic'ot Nabusazbán, yic'ot Rabsaris, yic'ot Nergal Sarezer jini ñuc bʌ i yaj coltaya rey, yic'ot pejtelel yumʌlob i cha'año' bʌ jini rey ti Babilonia,

Jeremias 40:4

Awilan wolix c loc'sʌbeñet jini cadena am bʌ ti a c'ʌb. Mi a wom majlel quic'ot ya' ti Babilonia, conla. Mu'to j cʌntañet. Pero mi mach a womic majlel, uts'at ma' cʌytʌl ti ili lum. Yajcan baqui a wom majlel. Yom majliquet ba' uts'at ti a wut.

Amos 9:4

Mi cʌchʌl mi' pʌjyelob majlel ti' lumal i contrajob, mi caj cʌc' mandar cha'an mi' tsʌnsʌntelob ti espada. Joñon mi caj j q'uelob cha'an mij contrajiñob. Ma'anic mi caj j coltañob, che'en lac Yum.

Hechos 7:10

Dios tsi' loc'sa ti pejtelel i wocol. Tsi' ñijcʌbe i pusic'al Faraón cha'an mi' q'uel José ti uts'at. Dios tsi' yʌq'ue José i ña'tʌbal ti' tojlel jini rey Faraón ya' ti Egipto. Dios tsi' yʌq'ue i ye'tel ti yumʌl ti' tojlel egiptojob yic'ot ti' yotot Faraón ja'el.