Jeremias 39:1 - Chol: I T’an Dios

¹ I bolomp'ejlel jab che' woli ti yumʌl Sedequías rey bʌ ti Judá tsa' tili ti guerra jini rey Nabucodonosor yic'ot pejtel i winicob ti' contra Jerusalén. Tsi' joyoyob.

Chol de Tumbalá Bible

¹ I bolomp'ejlel jab che' woli ti yumʌl Sedequías rey bʌ ti Judá tsa' tili ti guerra jini rey Nabucodonosor yic'ot pejtel i winicob ti' contra Jerusalén. Tsi' joyoyob.

Jeremias 39:1 Iomraidhean Croise

2 Cronicas 36:17

Lac Yum tsi' pʌyʌ tilel i rey Babilonia cha'an mi' contrajiñob. Tsi' tsʌnsayob yic'ot espada jini ch'iton winicob tsa' bʌ puts'iyob ti Templo. Jini soldadojob ma'anic tsi' p'untayob jini israelob mi ch'itoñob mi xch'ocob mi xñoxob. Tsi' laj tsʌnsayob.

Jeremias 32:1

Tsa' tili i t'an lac Yum ba'an Jeremías che' lujump'ejlix jab woli ti yumʌntel Sedequías rey bʌ ti Judá. Jiñʌch i waxʌclujump'ejlix (18) jab woli ti rey Nabucodonosor.

Jeremias 34:1

Jiñʌch i t'an lac Yum tsa' bʌ tili ba'an Jeremías che' woli ti guerra Nabucodonosor, rey bʌ ti Babilonia, yic'ot pejtel i winicob yic'ot yaño' bʌ loq'uemo' bʌ ti jujump'ejl tejclum. Woliyob ti guerra ti' contra Jerusalén yic'ot ti' contra pejtelel i tejclum tac Judá.

Jeremias 34:22

Awila to. Joñon mi caj cʌc' mandar cha'an mi' cha' sujtelob ilayi cha'an mi' cha' techob guerra ti' contra ili tejclum. Mi caj i t'uchtañob. Mi caj i pulob ti c'ajc. Joñon mi caj c jisan pejtel i tejclum tac Judá cha'an jochol mi' cʌytʌl, che'en lac Yum.

Jeremias 42:18

Che' bajche' tsac chocbeyob tilel wocol jini chumulo' bʌ ti Jerusalén che' wen mich'on, che' ja'el mi caj c mich'leñetla che' mi la' majlel ti Egipto. Junyajlel ch'ijiyem mi caj la' cʌytʌl. Mi caj la' p'ajtʌl. Mi caj la' wʌ'lentel. Ma'anix mi caj la' chʌn q'uel la' lumal”. Che' woli' yʌl lac Yum.

Jeremias 52:1

Anix jump'ejl i cha'c'al i jabilel Sedequías che' bʌ tsa' caji ti yumʌntel. Junlujump'ejl jab tsi' cha'le yumʌl ti Jerusalén. I c'aba' i ña' Hamutal, jiñʌch i yixic'al jini Jeremías ch'oyol bʌ ti Libni.

Jeremias 6:6

I Yum Panchan yic'ot Pañimil woli' yʌl: Seq'uela jubel te'el tac cha'an mi la' cha'len jats'. Much'quinla lum ti' joytʌlel jini tejclum Jerusalén. Laj xaxabil ti jontolil. Wersa mi caj i toj i mul.

Ezequiel 33:21

Che' ti diciembre ti lajchʌmp'ejlel jab che' cʌchʌlon lojon, tsa' c'oti juntiquil xputs'el loq'uem bʌ ti Jerusalén. Tsi' subeyon: Jisʌbilix jini tejclum, che'en.

Ezequiel 4:3

Ch'ʌmʌ ja'el junq'uejl wechel bʌ tsucu taq'uin i wenta ts'ajc. Yom ma' wʌc' ti a tojel yic'ot ti' tojel jini tejclum. Ti ora jach yom ma' tech guerra ti' contra. Joy ñup'ul mi caj i cʌytʌl jini tejclum. Che' jini mi caj a pʌsbeñob a pi'ʌlob bajche' mi caj i chujquel Jerusalén.

Ezequiel 40:1

Che' ti 10 de abril che' jo'p'ejlix i cha'c'al (25) jab che' cʌchʌlon lojon, che' chʌnlujump'ejlix (14) jab tsi' chiliyob Jerusalén, ti jini jach bʌ ora tsa' c'oti i c'ʌb lac Yum ba' añon.

Ezequiel 5:2

Yom ma' wʌc' jump'is ya' ti yojlil i planojlel Jerusalén. Ya'i mi caj a pul che' ujtemix a wubin jini wocol. Yambʌ jump'is mi caj a tsep yic'ot espada ya' ti' joytʌlel i planojlel tejclum. Yambʌ jump'is mi caj a puc ti ic', i wentajlel c tejclumob mu' bʌ caj cajñesan yic'ot espada.

Deuteronomio 28:36

Lac Yum mi caj i pʌyet majlel temel yic'ot a rey wa'chocobil bʌ a cha'an. Mi caj i yʌq'uet ti' wenta yambʌ tejclum ba' ma'anic a cʌñʌ bʌ, ba' ma'anic tsi' cʌñʌ a ñojte'elob. Ya'i mi caj a ch'ujutesan yan tac bʌ dios melbil bʌ ti te' yic'ot ti xajlel.