Jeremias 38:2 - Chol: I T’an Dios

² Lac Yum woli' yʌl: “Mi caj i chʌmelob ti espada yic'ot ti wi'ñal yic'ot ti c'amʌjel pejtel mu' bʌ i cʌytʌlob ti ili tejclum, pero mi caj i cuxtʌyelob pejtel mu' bʌ i yʌc'ob i bʌ ti' c'ʌb jini caldeojob. Mi caj i mʌjlel i cha'an caldeojob. Cuxul mi caj i yajñelob jini mu' bʌ i yumañob.

Chol de Tumbalá Bible

² Lac Yum woli' yʌl: “Mi caj i chʌmelob ti espada yic'ot ti wi'ñal yic'ot ti c'amʌjel pejtel mu' bʌ i cʌytʌlob ti ili tejclum, pero mi caj i cuxtʌyelob pejtel mu' bʌ i yʌc'ob i bʌ ti' c'ʌb jini caldeojob. Mi caj i mʌjlel i cha'an caldeojob. Cuxul mi caj i yajñelob jini mu' bʌ i yumañob.

Jeremias 38:2 Iomraidhean Croise

Jeremias 21:4

Yom mi la' suben Sedequías: “Woli' yʌl lac Yum, i Dios Israel: Awilan, mi caj c mʌctan ti guerra jini e'tijibʌl la' cha'an am bʌ ti la' c'ʌb ame mi' taj jini rey am bʌ ti Babilonia yic'ot i winicob woli bʌ i joyetla wʌ' ti pat ili ts'ajc. Joñon tic bajñel p'ʌtʌlel mi caj c pʌyob ochel ti ili tejclum.

Jeremias 24:8

Jini oc'benix bʌ higo ma'anix i c'ʌjñibal. Che'ʌch yilal jini Sedequías rey bʌ ti Judá, yic'ot ñuco' bʌ i ye'tel año' bʌ ti' wenta, yic'ot pejtelob tsa' bʌ cʌleyob ti Jerusalén yic'ot ti ili lum yic'ot ti Egipto.

Jeremias 27:11

Pero pejtel tejclum mu' bʌ i yuman jini rey ti Babilonia, mi tsi' yʌc'ʌ i bʌ cha'an cuchijel, mi caj i chʌn chumtʌl ti' lumal cha'an mi' chʌn q'uel i lum”. Che'ʌch tsac subeyob che' bajche' tsi' yʌlʌ lac Yum.

Jeremias 27:13

¿Chucoch a wom a wʌc' a bʌ ti chʌmel yic'ot a pi'ʌlob, ti espada yic'ot ti wi'ñal yic'ot ti c'amʌjel? Come ti jujump'ejl tejclum mi' cajelob ti jilel jini mach bʌ anic mi' yumañob jini rey ti Babilonia.

Jeremias 29:16

Jini cha'an mi caj c chocben tilel wocol jini rey am bʌ ti' buchlib David yic'ot pejtelel la' pi'ʌlob chumulo' bʌ ti ili tejclum, tsa' bʌ cʌleyob che' majlemetixla ti Babilonia.

Jeremias 29:18

Mi caj c pam pucob ti pañimil. Baqui jach mic chocob mi caj i ts'a'lentelob, mi caj i p'ajtʌlob

Jeremias 34:17

Jini cha'an lac Yum woli' yʌl: Ma'anic tsa' la' jac'ʌ c t'an cha'an mi la' wʌc' ti colel la' pi'ʌlob woliyo' bʌ ti majtan e'tel. La' wila to, woli cʌq'uetla ti libre cha'an mi la' chʌmel ti espada yic'ot ti c'amʌjel yic'ot ti wi'ñal, che'en lac Yum. Mi caj i toj sajtelob i pusic'al pejtel winicob ti pañimil che' mi' q'ueletla.

Jeremias 39:18

Mi caj j coltañet. Ma'anic mi caj a chʌmel ti espada. Mi caj cʌq'ueñet a cuxtʌlel che' bajche' a majtan cha'an tsa' ñopoyon”. Che' yom ma' suben, che'en lac Yum.

Jeremias 42:17

Pejtel winicob mu' bʌ i majlelob ti Egipto cha'an che'ʌch yom i bajñel pusic'al mi caj i chʌmelob ti espada yic'ot ti wi'ñal yic'ot ti c'amʌjel. Ma'anic majch mi caj i coltan i bʌ che' mic chocben tilel jini ñuc bʌ wocol.

Jeremias 42:22

Ña'tanla che' jini, mi caj la' chʌmel ti espada yic'ot ti wi'ñal yic'ot ti c'amʌjel ya' ba' mi la' majlel ti chumtʌl come woli la' bajñel yajcan la' wajñib che' bajche' yom la' pusic'al.

Jeremias 44:13

Mi caj cʌq'ueñob i toj i mul jini chumulo' bʌ ti Egipto che' bajche' tsi' tojoyob jini año' bʌ ti Jerusalén. Mi caj i jilelob ti espada yic'ot ti wi'ñal yic'ot ti c'amʌjel.

Jeremias 45:5

¿Woli ba a ñop a pʌs a bʌ ti ñuc? Mach yomic. Ña'tan, mi caj cʌc' ti wocol pejtel winicob x'ixicob, che'en lac Yum, pero mi caj j coltañet. Mi caj a colel ti guerra baqui jach ma' majlel”. Che' woli yʌl lac Yum, che'en Jeremías.

Ezequiel 14:21

Lac Yum Dios woli' yʌl: Talix chʌnchajp ñuc bʌ wocol cha'an mi' jisan pejtelel cuxulo' bʌ ti Jerusalén: guerra, wi'ñal, jontol bʌ bʌte'el, yic'ot jontol bʌ c'amʌjel.

Ezequiel 6:11

Lac Yum Dios tsi' yʌlʌ: Pʌsʌ a c'ʌb, jats'ʌ a woc cha'an mi' ñich'tañob. Subeñob: “Mi caj i tajetla wocol cha'an pejtelel la' jontolil. Mi caj i jilelob israelob ti guerra, yic'ot ti wi'ñal, yic'ot ti jontol bʌ c'amʌjel.

Ezequiel 7:15

Jini mu' bʌ i lon loq'uelob ti tejclum mi caj i jilelob ti espada ya' ti jumpat. Jini mu' bʌ i cʌytʌlob ti mal tejclum mi caj i chʌmelob ti wi'ñal yic'ot leco bʌ c'amʌjel.