Jeremias 34:1 - Chol: I T’an Dios

¹ Jiñʌch i t'an lac Yum tsa' bʌ tili ba'an Jeremías che' woli ti guerra Nabucodonosor, rey bʌ ti Babilonia, yic'ot pejtel i winicob yic'ot yaño' bʌ loq'uemo' bʌ ti jujump'ejl tejclum. Woliyob ti guerra ti' contra Jerusalén yic'ot ti' contra pejtelel i tejclum tac Judá.

Chol de Tumbalá Bible

¹ Jiñʌch i t'an lac Yum tsa' bʌ tili ba'an Jeremías che' woli ti guerra Nabucodonosor, rey bʌ ti Babilonia, yic'ot pejtel i winicob yic'ot yaño' bʌ loq'uemo' bʌ ti jujump'ejl tejclum. Woliyob ti guerra ti' contra Jerusalén yic'ot ti' contra pejtelel i tejclum tac Judá.

Jeremias 34:1 Iomraidhean Croise

Jeremias 1:15

Mi caj c pʌy tilel a contrajob chumulo' bʌ ti yan tac bʌ lum ya' ti norte. Talob i wa'chocon i yumʌntel ti' yochib Jerusalén yic'ot ti chan bʌ ts'ajc am bʌ ti' joytʌlel Jerusalén yic'ot ti pejtelel xchumtʌl tac ti Judá.

Jeremias 21:2

A wocolic c'ajtiben lac Yum cha'an mi' coltañonla, come wolix i contrajiñonla Nabucodonosor jini rey ti Babilonia. Tic'ʌl mi mux caj i pʌsbeñonla ñuc bʌ i melbal lac Yum che' bajche' ti oñiyi cha'an mi' wersa sujtel laj contrajob ya' ti' lumal, che'ob.

Jeremias 32:1

Tsa' tili i t'an lac Yum ba'an Jeremías che' lujump'ejlix jab woli ti yumʌntel Sedequías rey bʌ ti Judá. Jiñʌch i waxʌclujump'ejlix (18) jab woli ti rey Nabucodonosor.

Jeremias 32:2

Joy mʌctʌbil jini tejclum Jerusalén i cha'an jini ch'oyolo' bʌ ti Babilonia. Nup'ul jini x'alt'an Jeremías ti' pat i yotot rey ba' woli' cʌntʌntel.

Jeremias 34:7

che' woliyob ti guerra jini ch'oyolo' bʌ ti Babilonia ti' contra Jerusalén yic'ot pejtelel i tejclum tac Judá. Ti pejtelel jini ts'ajquibil bʌ tejclum ti Judá tsa' jach cʌle cha'p'ejl, jini jach Laquis yic'ot Azeca.

Daniel 4:1

Jiñʌch i t'an jini rey Nabucodonosor tsa' bʌ i subeyob pejtel winicob ti jujump'ejl lum ti pejtelel pañimil, yujilo' bʌ t'an ti chajp ti chajp: La' ñʌch'lec la' pusic'al.

Daniel 4:22

Jini te' jiñʌch jatet, c rey. Tsa' coliyet. Tsa' p'ʌtesa a bʌ. Tsa' wen coli a ñuclel c'ʌlʌl tsa' c'oti ti panchan. A yumʌntel tsa' tsictiyi ti pejtelel pañimil.

Daniel 5:19

Pejtel jini tejclum tac ti pañimil yujilo' bʌ t'an ti chajp ti chajp tsi' wen bʌc'ñayob cha'an cabʌl jax i ñuclel aq'uebil bʌ ti Dios. Tsiltsilñayob ti' tojlel. Come tsi' tsʌnsa majqui jach yom, pero mi yom i col, cuxul tsa' ajni. Tsi' yʌq'ue i ñuclel jini c'uxbibil bʌ i cha'an. Tsi' chilbe i ñuclel jini ts'a'lebil bʌ i cha'an.