Jeremias 33:3 - Chol: I T’an Dios

³ C'ajtibeñon chuqui a wom. Joñon mi caj c jac'beñet. Mi caj c pʌsbeñet ñuc tac bʌ mach bʌ a cʌñʌyic mu' bʌ caj c melbeñet ti cabʌl c p'ʌtʌlel.

Chol de Tumbalá Bible

³ C'ajtibeñon chuqui a wom. Joñon mi caj c jac'beñet. Mi caj c pʌsbeñet ñuc tac bʌ mach bʌ a cʌñʌyic mu' bʌ caj c melbeñet ti cabʌl c p'ʌtʌlel.

Jeremias 33:3 Iomraidhean Croise

Salmos 145:18

Lʌc'ʌl an lac Yum ti' tojlel pejtel mu' bʌ i pejcañob ti pejtelel i pusic'al.

Salmos 25:14

Jini mu' bʌ i bʌc'ñañob lac Yum mi caj i yajñel yic'ot. Mux i pʌsbeñob jini xuc'ul bʌ i t'an.

Salmos 50:15

Pejcañon che' ti' yorajlel wocol. Mi caj colet. Mi caj a tsictesan c ñuclel.

Salmos 91:15

Che' mi' c'ajtibeñon, mi caj c jac'ben i t'an. Mi caj cajñel yic'ot che' ti' yorajlel wocol. Mi caj cʌc' ti colel. Mi caj cʌq'uen i ñuclel.

Isaias 45:3

Mi caj c loc'sʌbeñet ti' sʌclel pañimil jini chubʌ'añʌl letsem tac bʌ i tojol mucbil bʌ ti lum ba' ic'yoch'an bʌ. Che' jini mux caj a ña'tan a Yumon. Tsac pʌyʌyet ti a c'aba', Ciro. I Dioson Israel.

Isaias 48:6

Tsa'ix a wubi pejtel c t'an. Tsa'ix a q'uele chuqui tsa' ujti. Yomix ma' ch'ʌmben isujm. Yomix ma' sub mach i ye'telic yambʌ dios. Wʌle mi caj c tsictesʌbeñet mucul tac bʌ, maxto bʌ cʌmbilic a cha'an.

Isaias 65:24

Mi caj i yujtel che' maxto cajic i pʌyoñob, joñon mi caj c jac'beñob. Che' woliyob to ti t'an, mi caj cubiñob.

Jeremias 23:35

Yom mi la' c'ajtiben la' pi'ʌlob: “¿Bajche' tsi' jac'ʌ lac Yum? ¿Chuqui tsi' yʌlʌ?” Che'ʌch yom mi la' wʌl.

Jeremias 29:12

Che' jini mi caj la' pejcañon. Mi caj la' tilel la' pejcañon ti oración. Joñon mi caj cubibeñetla la' t'an.

Jeremias 32:17

Obol c bʌ, c Yum Dios. Awilan a melbalʌch panchan yic'ot pañimil. Tsa' mele ti a c'ʌb ti ñuc bʌ a p'ʌtʌlel. Ma'anic ti pañimil chuqui wocol ti melol a cha'an.

Jeremias 32:27

P'isi ti a wenta, joñon a Yumon, i Dioson pejtelel winicob x'ixicob. ¿Am ba chuqui wocol mic mel?

Daniel 2:18

Tsi' c'ajtiyob i coltʌntel ti' tojlel Dios am bʌ ti panchan. Tsi' c'ajtibeyob i sujmlel i ñajal jini rey cha'an ma'anic mi' tsʌnsʌntelob yic'ot jini año' bʌ i ña'tʌbal ti Babilonia.

Daniel 2:22

Mi' tsictesan i sujmlel mucul tac bʌ, come tilem ti Dios pejtel lac ña'tʌbal. Mi' laj cʌn jini mucul tac bʌ ti pañimil, come i sʌclel pañimil mi' yajñel yic'ot.

Daniel 2:23

C Dios, i Dioset c ñojte'elob, mic subeñet wocolix a wʌlʌ. Mic ñuq'uesʌbeñet a c'aba', come tsa'ix a wʌq'ueyon c ña'tʌbal yic'ot c p'ʌtʌlel. Tsa'ix a tsictesʌbeyon i ñajal jini rey yic'ot i sujmlel i ñajal che' bajche' tsaj c'ajtibeyet, che'en Daniel.

Joel 2:32

Majqui jach mi' pejcañon tij c'aba' mi caj i coltʌntel. Lamital año' bʌ ti Jerusalén mi caj i coltʌntelob che' bajche' tsa cʌc'ʌ c t'an, come tsac yajcayob cha'an mij coltañob, che'en lac Yum.

Amos 3:7

Isujm, ma'anic chuqui mi' cha'len lac Yum Dios mi ma'anic tsi' ñaxan subeyob x'altañob i cha'an, cha'an mi' cha' subob.

Miqueas 7:15

Lac Yum tsi' jac'ʌ: Mi caj c cha' pʌsbeñetla ñuc tac bʌ c melbal che' bajche' tsac pʌsbeyob la' tatob che' bʌ tsac loc'sayob ti majtan e'tel ya' ti Egipto.

Mateo 13:35

cha'an mi' ts'ʌctiyel i t'an jini x'alt'an tsa' bʌ i yʌlʌ: “Mi caj c cha'len t'an ti lajiya tac. Mi caj c sub jini maxto bʌ anic tsa' tsictiyi c'ʌlʌl ti' cajibal pañimil”, che'en.

Hechos 2:21

Mi caj i yujtel che' an majqui mi' pejcan lac Yum ti' c'aba, mi caj i coltʌntel”, che'en.

1 Corintios 1:2

Wolic ts'ijbubeñetla ili jun, xñopt'añet bʌ la i cha'an Dios ya' ti Corinto. Tsa'ix ajq'uiyetla ti' wenta Dios. Pʌybiletla cha'an mi la' wochel ti Cristo Jesús la' wic'ot pejtel mu' bʌ i pejcañob lac Yum Jesucristo ti' c'aba', baqui jach añob. Jini lac Yum i yumʌch ja'el.

Efesios 3:20

Wen cabʌl i p'ʌtʌlel woli bʌ ti e'tel ti lac pusic'al cha'an mi' mel ñumen ñuc bʌ i ye'tel bajche' pejtelel chuqui mi laj c'ajtiben yic'ot pejtelel mu' bʌ lac ña'tan.

Deuteronomio 4:29

Pero ya' ba' pujquemetla ti yan tac bʌ lum mi tsa' caji la' sajcan lac Yum Dios, muq'uix cajel la' taj Dios mi tsa' la' sajca ti pejtelel la' pusic'al yic'ot ti pejtelel la' ña'tʌbal.

Deuteronomio 4:7

¿Am ba yambʌ dios yujil bʌ coltaya che' bajche' lac Yum Dios mu' bʌ i yubiñonla che' an chuqui mi laj c'ajtiben?

Apocalipsis 2:17

Jini am bʌ i chiquin la' i yubiben i t'an jini Espíritu mu' bʌ i suben xñopt'añob. Jini mu' bʌ i mʌjlel i cha'an mi caj cʌq'uen i c'ux mucul bʌ maná. Mi caj cʌq'uen jump'ejl sʌsʌc bʌ alʌ xajlel, ba' otsʌbil tsiji' bʌ i c'aba'. Ma'anic majch yujil chuqui otsʌbil, cojach jini mu' bʌ i ch'ʌm”.