Jeremias 32:9 - Chol: I T’an Dios

⁹ Jini cha'an tsac mʌñʌ jini jamil ti Anatot. Tsa cʌq'ue taq'uin cʌlijel Hanameel wuclujunq'uejl (17) tsucu taq'uin.

Chol de Tumbalá Bible

⁹ Jini cha'an tsac mʌñʌ jini jamil ti Anatot. Tsa cʌq'ue taq'uin cʌlijel Hanameel wuclujunq'uejl (17) tsucu taq'uin.

Jeremias 32:9 Iomraidhean Croise

Genesis 24:22

Che' bʌ tsa' ujti i jap ja' jini camello tac, jini winic tsi' yʌq'ue i yuya' melbil ti oro am bʌ i yalel ti yojlil siclo yic'ot cha'xojt xotc'ʌbʌl melbil ti oro am bʌ i yalel ti lujump'ejl siclo.

Genesis 37:28

Woli' ñumelob xchoñoñelob ch'oyolo' bʌ ti Madián. I yʌscuñob José tsi' ch'uyuyob loq'uel ti joyol bʌ lum. Tsi choñoyob i yijts'in. Junc'al plata taq'uin tsi' tojoyob jini ismaelob. Tsi' pʌyʌyob majlel José ti Egipto.

1 Reyob 20:39

Che' woli ti ñumel jini rey, jini x'alt'an tsi' pejca: C yum, che' bʌ tsajniyon ba' wen woli' yujtel guerra, juntiquil soldado tsi' pʌybeyon tilel juntiquil xcʌjchel. Tsi' subeyon: “Cʌntʌbeñon jini xcʌjchel ame puts'ic. Mi tsa' puts'i, mi caj a tsʌnsʌntel jatet, o mux caj a tojbeñon jo'p'ejl i cha'c'al mil (25,000) peso”, che'en.

Nehemias 5:15

Jini ñaxan bʌ gobernadorob tsa' bʌ i cha'leyob i yumʌntel che' maxto tilemonic tsi' yʌq'ueyob al bʌ i cuch. Tsi' ch'ʌmʌyob waj yic'ot vino yic'ot cha'c'al sʌsʌc bʌ taq'uin ti' c'ʌb jujuntiquil winic i wenta tojoñel. Ma'anic tsi' tojoyob i bʌl i ñʌc'. I winicob ja'el tsi' cha'leyob i yumʌntel ti' tojlel xtejclumob. Mach che'ic tsac mele joñon cha'an wolic bʌc'ñan Dios.

Ester 3:9

Mi che'ʌch yom i pusic'al jini rey, la' i yʌc' mandar cha'an mi' laj jisʌntelob. Mux c toje' diez mil sʌsʌc taq'uin cha'an mi' yʌjq'uelob ti chʌmel. Che' jini, jini rey mi mejlel i yʌc' jini taq'uin ti' wenta xlot taq'uiñob cha'an mi' yʌc'ob ti' yotlel taq'uin i cha'an rey. Che' tsi' yʌlʌ Amán.

Exodo 21:32

Mi tsi' lujchi xmajtan e'tel, i yum wacax mi caj i tojben i yum xmajtan e'tel lujump'ejl i cha'c'al sʌsʌc taq'uin. Jini wacax mi caj i jujlel ti xajlel.

Isaias 55:2

¿Chucoch mi la' to'ol jisan la' taq'uin ti' mʌñol jini mach bʌ wajic? Woli ti to'ol jilel la' taq'uin che' wi'ñayetla. Ñich'tanla c t'an. Che' jini mi caj la' c'ux wen bʌ i bʌl la' ñʌc'. Mi caj la' tijicñesan la' pusic'al yic'ot sumuc tac bʌ i bʌl la' ñʌc'.

Ezequiel 4:10

P'isbil mi caj a c'ux i bʌl a ñʌc'. Junyajl jach ti jump'ejl q'uin mi caj a c'ux. Yom jo'lujunc'al (300) gramos ti jujunyajl.

Oseas 3:2

Jini cha'an tsac cha' mʌñʌ jini x'ixic. Tsac tojo yic'ot jo'q'uejl i cha'c'al (25) sʌsʌc taq'uin yic'ot waxʌccujch cebada.