Jeremias 32:5 - Chol: I T’an Dios

⁵ Mi caj i pʌyon majlel ti Babilonia ba' mi caj j cʌytʌl jinto mi' melon lac Yum. Anquese mij contrajin jini caldeojob ti guerra mach mʌjlic c cha'an. Che' abi woli' yʌl lac Yum, che'et. Che'ʌch tsi' cha'le a'leya Sedequías.

Chol de Tumbalá Bible

⁵ Mi caj i pʌyon majlel ti Babilonia ba' mi caj j cʌytʌl jinto mi' melon lac Yum. Anquese mij contrajin jini caldeojob ti guerra mach mʌjlic c cha'an. Che' abi woli' yʌl lac Yum, che'et. Che'ʌch tsi' cha'le a'leya Sedequías.

Jeremias 32:5 Iomraidhean Croise

2 Cronicas 13:12

Wʌ'an Dios quic'ot lojon yic'ot pejtelel i motomajob. Mi caj i wusob jini trompeta ti la' tojlel. Israelob, mach yomic mi la' contrajin lac Yum i Dios lac ñojte'el, come ma'anic mi caj i mʌjlel la' cha'an. Che' tsi' yʌlʌ Abías.

2 Cronicas 24:20

Jini Ch'ujul bʌ i Ch'ujlel lac Yum tsa' c'oti ti' tojlel Zacarías (i yalobil jini motomaj Joiada). Zacarías tsi' pʌyʌ tilel winicob x'ixicob. Tsa' wa'le ti t'uchlibʌl ti' tojlelob. Tsi' subeyob: ¿Chucoch tsa' la' ñusʌbe i t'an lac Yum? Che' jini ma'anic mi caj la' taj la' wenlel. Ti' caj la' mul cha'an tsa' la' cʌyʌ lac Yum mi caj i cʌyetla, che'en Zacarías.

Proverbios 21:30

Jini wen bʌ i ña'tʌbal yic'ot jini mu' bʌ i ch'ʌmben isujm yic'ot jini mu' bʌ i cha'len cʌntesa ti isujm mach i contrajobic lac Yum.

Jeremias 2:37

Mi caj a tʌts' a bʌ ti' tojlelob che' bajche' xch'oc woli bʌ i mel i pusic'al che' leco tsa' tic'lʌnti. Ts'a'lebilob ti lac Yum jini winicob ba' wola' lon c'ajtin a coltʌntel. Mach muq'uic i coltañet.

Jeremias 27:22

mi caj i lu' ch'ʌjmel majlel ti Babilonia. Ya' jach mi caj i cʌytʌl jinto mic cha' ña'tan. Ti jim bʌ q'uin mi caj c cha' sutq'uin wʌ' ti' yajñib”. Che' tsi' yʌlʌ lac Yum, cho'on tsac subeyob.

Jeremias 32:24

Awilan jini xguerrajob woli' wa'chocoñob bujtʌl tac ti' t'ejl ts'ajc cha'an mi' yochelob i t'uchtan jini tejclum. Cha'an ti' caj jini espada, yic'ot jini wi'ñal, yic'ot c'amʌjel, woli' yʌjq'uel ili tejclum ti' c'ʌb jini caldeojob laj contrajob. Wolix ti ujtel che' bajche' tsa' wʌlʌ. Awilan wolix a q'uel.

Jeremias 32:6

Jeremías tsi' jac'ʌ: Tsa' tili i t'an lac Yum ba' añon. Tsi' yʌlʌ:

Jeremias 33:5

Talob jini caldeojob cha'an mi' jisañob c winicob tsa' bʌ cʌc'ʌ ti tsʌnsʌntel cha'an cʌlʌx jax c mich'ajel. Mi caj i tsʌnsañob. Mi caj i but'ob ili tejclum ti ch'ujlelʌl. Tsa'ix c mʌyʌ c wut cha'an ti' caj i jontolil ili tejclum.

Jeremias 37:10

Mi tsa' mʌjli a cha'an, mi tsa' jach cʌle cha'tiquil uxtiquil caldeojob lojwemo' bʌ che' laj majlemobix i pi'ʌlob, jasʌl cha'tiquil uxtiquil cha'an mi' pulob ili tejclum ti c'ajc. Che' woli' yʌl lac Yum”. Che' yom ma' suben, che'en lac Yum.

Jeremias 39:4

Jini rey Sedequías yic'ot i winicob año' bʌ i ye'tel ti guerra tsa' puts'iyob. Ajñel tsa' ñumiyob ti pʌc'ʌbʌl i cha'an jini rey ba' wa'al ts'ajc ti jujunwejl. Che' ti ac'ʌlel tsa' loq'uiyob ti tejclum. Tsa' majliyob ti joctʌl i c'aba' Arabá.

Jeremias 39:5

Jini caldeojob tsi' yajñesayob. Ya' tsi' tajayob Sedequías ti joctʌl lʌc'ʌl ti Jericó. Che' bʌ tsi' cʌchʌyob, tsi' pʌyʌyob majlel ba'an jini rey Nabucodonosor ya' ba' woli ti jijlel ti Ribla ti' lumal Hamat. Jini rey tsi' yʌc'ʌ i t'an ti' contra.

Jeremias 39:7

Tsi' pit t'ojbe loq'uel i wut Sedequías. Tsi' cʌchʌ ti cadena tac cha'an mi' pʌy majlel ti Babilonia.

Lamentaciones 1:14

Cabʌl c mul, tsʌts cʌchʌl tic bic' yubil che' bajche' i te'el wacax. Woli' wit'on c Yum. Tsi' jisʌbeyon c wersa. Tsi' yʌc'ʌyon ti' c'ʌb j contra ba' mach mejlicon ti colel.

Ezequiel 12:12

Sedequías, jini ñuc bʌ yumʌl i cha'añob, mi caj i q'uech loq'uel i chubʌ'an che' ti ac'ʌlel. Wocol mi caj i loq'uel majlel ba' tocol jini ts'ajc. Muq'uix i mos i wut che' mi' loq'uel, come ma'anix mi caj i chʌn q'uel pañimil.

Ezequiel 12:13

Mi caj c chuc che' bajche' ti yac. Cʌchʌl mi caj c pʌy majlel ti Babilonia ti' lumal jini caldeojob, pero ma'anic mi caj i q'uel jini lum. Ya'i mi caj i chʌmel.

Ezequiel 17:15

Pero Sedequías tsi' ñusʌbe i t'an jini rey ti Babilonia, come tsi' choco majlel winicob ti Egipto cha'an mi' c'ajtibeñob caballo yic'ot cabʌl winicob cha'an mi' contrajin Nabucodonosor. ¿Xuc'ul ba mi caj i yajñelob jini israelob che' mi' melob bajche' jini?

Numeros 14:41

Moisés tsi' yʌlʌ: Tsa'ix ñumi i yorajlel. Wolix la' ñusʌben i mandar lac Yum, come tsi' subeyetla cha'an mi la' sujtel ya' ti' tiquiñal pañimil. Isujm mic subeñetla mach uts'atic mi caj la' loq'uel mi che'ʌch mi la' mel che' bajche' woli la' lon ña'tan.