Jeremias 32:10 - Chol: I T’an Dios

¹⁰ Tsa cotsʌbe j c'aba' ya' ti' juñilel jamil. Tsa cʌq'ue i sellojlel ti' tojlel testigojob tsa' bʌ i yotsayob i c'aba' ti jun. Tsac p'isbe jini taq'uin ti balanza. Ts'ʌcʌl tsac tojo.

Chol de Tumbalá Bible

¹⁰ Tsa cotsʌbe j c'aba' ya' ti' juñilel jamil. Tsa cʌq'ue i sellojlel ti' tojlel testigojob tsa' bʌ i yotsayob i c'aba' ti jun. Tsac p'isbe jini taq'uin ti balanza. Ts'ʌcʌl tsac tojo.

Jeremias 32:10 Iomraidhean Croise

Genesis 23:16

Abraham tsi' jac'be Efrón. Tsi' p'isbe Efrón jini plata ti p'isonib. Ts'ʌcʌl tsi' yʌq'ue i tojol che' bajche' tsi' yʌlʌ Efrón ti' tojlel winicob x'ixicob ti Het, uxp'ejl mil peso.

Job 14:17

Uts'at tsa'ic a wotsa pejtel c mul ti jump'ejl coxtal ñup'bil bʌ cha'an mach chʌn tsiquilix c jontolil.

Cantares 8:6

Pʌyʌyon ti junyajlel ti ñujpuñel. Otsañon ti a pusic'al cha'an mach loq'uicon ti pejtelel ora. Come mach jilic laj c'uxbiya che' cuxulontola. Mach yajpic che' mi lac chʌmel. Wen bʌbʌq'uen jax jini tsʌytsʌyña bʌ i pusic'al. Jini cʌlejem bʌ wen ch'ijiyem mi' cʌytʌl. Mi' lejmel i pusic'al che' bajche' c'ajc wen ticʌw bʌ tilem bʌ ti lac Yum.

Isaias 30:8

Wʌle yomix ma' ts'ijban ti jun jini tsa' bʌ cʌlʌ cha'an jini mu' bʌ i lon ac'ob i pusic'al ti Egipto cha'an mi' q'uelob jini israelob yic'ot i yalobilob ti pejtelel ora. Ya' mi' tajob i tic'ol.

Isaias 44:5

Juntiquil mi caj i yʌl: “I cha'añoñʌch lac Yum”, che'en. Yambʌ mi caj i pejcan Jacob ti' tat. Yambʌ mi caj i ts'ijban ti' c'ʌb i c'aba' lac Yum yic'ot i c'aba' Israel.

Jeremias 32:12

Ya' ti' tojel cʌlijel Hanameel yic'ot ti' tojlel testigojob tsa cʌc'ʌ i juñilel c lum ti' c'ʌb Baruc (i yalobil Nerías, i yalobil bʌ Maasías). Tsi' q'ueleyob jini judíojob año' bʌ i ye'tel ya' ba' wa'alob ti' pat jini otot ba' mʌcʌlon.

Jeremias 32:25

Obol c bʌ, c Yum Dios. Tsa' subeyon cha'an mic mʌn ili jamil ti taq'uin ti' tojlel testigojob che' wen a wujil ac'bilix ili tejclum ti' c'ʌb caldeojob, cho'on tsac sube lac Yum.

Jeremias 32:44

Cha' talob i mʌn jamil yic'ot taq'uin. Mi caj i yotsañob i c'aba' yic'ot i sellojlel ti' juñilel jini lum ti' tojlel testigojob wʌ' ti' lumal Benjamín, yic'ot ti' joytʌlel Jerusalén yic'ot ti' tejclum tac Judá yic'ot ti jini tejclum tac am bʌ ti' yebal wits yic'ot ti joctʌl Sefela yic'ot ti Neguev. Joñon mi caj c cha' pʌy tilel jini cʌchʌlo' bʌ, che'en lac Yum.

Daniel 8:26

Jini tsa' bʌ a q'uele isujmʌch. Mi' caj ti ujtel ti jo'bajc' yic'ot jo'lujunc'al (2,300) q'uin che' bajche' tsac tsictesʌbeyet. Mach yomic ma' tsictesan chuqui tsa' q'uele, come jal to mi caj i yujtel, che'en Gabriel.

Mateo 27:66

Che' jini tsa' majliyob. Tsi' wen ñup'uyob i yotlel ch'ujlelʌl che' bʌ tsi' yotsayob i sellojlel xajlel. Tsi' subeyob xcʌntayajob cha'an mi' wen q'uelob.

Juan 3:33

Jini mu' bʌ i ñopben i t'an mi' sub isujmʌch Dios.

Juan 6:27

Mach mi la' cha'len e'tel cha'an jini we'elʌl mu' bʌ i jilel. Cha'lenla e'tel cha'an jini we'elʌl mu' bʌ i jalijel cha'an mi la' taj la' cuxtʌlel mach bʌ anic mi' jilel. I Yalobil Winic mi caj i yʌq'ueñetla jini we'elʌl, come Dios c Tat tsa'ix i yʌq'ueyon c p'ʌtʌlel cha'an ili e'tel. Che' tsi' yʌlʌ Jesús.

2 Corintios 1:22

Tsi' yotsʌbeyonla i sello. Tsi' yʌq'ueyonla jini Espíritu ti lac pusic'al, i tejchibal jach i ye'tel.

Efesios 1:13

Jatetla ja'el che' bʌ tsa' la' wubi jini wen t'an, jini isujm bʌ, cha'an mi la' coltʌntel, tsa' la' ñopo Cristo. Tsa' otsʌbentiyetla jini Ch'ujul bʌ Espíritu, jiñʌch la' sellojlel yilal tsa' bʌ tili che' bajche' wʌn albil.

Efesios 4:30

Mach la' wʌq'uen i ch'ijiyemlel i pusic'al jini Ch'ujul bʌ Espíritu tsa' bʌ la' taja ti Dios, come jiñʌch la' sellojlel ti jini tal to bʌ q'uin che' mi caj i tsictiyel majqui i cha'añetla.

Deuteronomio 32:34

Pero tsa'ix c yajcayob, tsa'ix c loto jini israelob che' bajche' letsem bʌ i tojol ujʌl.

Josue 18:9

Tsa' majliyob jini winicob i xʌñob ñumel jini lum. Tsi' t'oxoyob ti wucpejt. Wi'ilix tsa' cha' sujtiyob ba'an Josué ya' ti Silo.

Apocalipsis 7:2

Tsaj q'uele ja'el yambʌ ángel woli' letsel tilel ti' pasibal q'uin, chucul i cha'an i sellojlel jini cuxul bʌ Dios. Ti c'am bʌ t'an tsi' pejca jini chʌntiquil ángelob tsa' bʌ aq'uentiyob i p'ʌtʌlel cha'an mi' tic'lañob pañimil yic'ot colem ñajb.

Apocalipsis 9:4

Tsa' subenti sajc' cha'an ma'anic mi' c'ux jam mi pimel mi te'. Cojach mi' c'uxob jini winicob mach bʌ añobic i sellojlel Dios ti' pam.

xRut 4:1

Booz tsa' letsi majlel ti' ti' tejclum. Tsa' buchle ya'i. Tsa' c'oti winic bʌ i pi'ʌl. Jiñʌch tsa' bʌ i ña'ta Booz che' bʌ tsi' pejca Rut. Booz tsi' sube: Jeyaj, la' c pi'ʌl. Buchi' ilayi, che'en. Tsa' tili ti buchtʌl.