Jeremias 30:3 - Chol: I T’an Dios

³ Tal i q'uiñilel tac che' mi caj c cha' pʌy loq'uel c tejclum Israel yic'ot Judá ya' ba' cʌchʌlob. Mi caj c cha' pʌyob tilel ti jini lum tsa' bʌ cʌq'ueyob i tatob. I cha'añobʌch mi caj i sujtel jini lum.

Chol de Tumbalá Bible

³ Tal i q'uiñilel tac che' mi caj c cha' pʌy loq'uel c tejclum Israel yic'ot Judá ya' ba' cʌchʌlob. Mi caj c cha' pʌyob tilel ti jini lum tsa' bʌ cʌq'ueyob i tatob. I cha'añobʌch mi caj i sujtel jini lum.

Jeremias 30:3 Iomraidhean Croise

Esdras 3:1

Che' ti septiembre tsi' tempayob i bʌ ti Jerusalén jini israelob chumulo' bʌ ti pejtelel tejclum tac. Tsa' tejchiyob ti e'tel Jesúa i yalobil Josadac, motomaj yic'ot i pi'ʌlob ti motomajil yic'ot Zorobabel, i yalobil Salatiel yic'ot i yijts'iñob. Tsi' cha' melbeyob i pulʌntib i majtan i Dios Israel. Tsi' pulbeyob i majtan tac che' bajche' ts'ijbubil ti' mandar Moisés i winic lac Yum.

Esdras 3:12

Jini ñoxobix bʌ motomajob yic'ot levíjob tsi' cha'leyob c'am bʌ uq'uel, come c'ajal to i cha'añob i t'ojol jax bʌ Templo tsa' bʌ i mele Salomón. Yaño' bʌ tsi' cha'leyob oñel cha'an i tijicñʌyelob i pusic'al.

Esdras 3:8

Che' ti junio che' ti' cha'p'ejlel jab che' c'otemix ti Jerusalén, tsa' caji i cha' melob jini Templo Zorobabel (i yalobil Salatiel), yic'ot Jesúa (i yalobil Josadac), yic'ot pejtelel jini motomajob yic'ot levíjob yic'ot pejtelel i pi'ʌlob tsa' bʌ sujtiyob tilel ti Jerusalén. Pejtelel levíjob añobix bʌ junc'al i jabilel yic'ot i ñumel tsa' wa'chocontiyob cha'an mi' q'uelob ti cha' melol i yotot lac Yum.

Salmos 126:4

C Yum, la' cha' tilic c wenlel lojon, Che' bajche' mi' cha' tilel ja' ti pa' tac ya' ti' tiquiñal lum.

Salmos 53:6

Uts'atax muq'uic i loq'uel tilel Dios ti Sion cha'an mi' coltan israelob. Ba' ora mi' cha' pʌy loq'uel i cha'año' bʌ ya' ba' ñup'ulob, Tijicñayob mi caj i yubiñob israelob.

Jeremias 16:15

Pero mi caj i yʌlob: Cuxul lac Yum tsa' bʌ i pʌyʌ loq'uel israelob ti norte yic'ot ti pejtelel lum baqui tsa' wejts'iyob majlel”. Che'ʌch mi caj a subeñob, che'en lac Yum. Come joñon mi caj c cha' pʌyob tilel ti' lumal, ti jini jach bʌ lum tsa' bʌ cʌq'ueyob i tatob.

Jeremias 23:5

Tal jini q'uin tac, che'en lac Yum, che' mi caj c techben i p'olbal c winic David. I wentajʌch junts'ijt i c'ʌb te' mu' bʌ caj i yochel ti rey. Wen toj i pusic'al ili rey. Cabʌl i ña'tʌbal. Mi caj i mel chuqui uts'at. Toj mi caj i cha'len meloñel ti jini lum.

Jeremias 27:11

Pero pejtel tejclum mu' bʌ i yuman jini rey ti Babilonia, mi tsi' yʌc'ʌ i bʌ cha'an cuchijel, mi caj i chʌn chumtʌl ti' lumal cha'an mi' chʌn q'uel i lum”. Che'ʌch tsac subeyob che' bajche' tsi' yʌlʌ lac Yum.

Jeremias 27:22

mi caj i lu' ch'ʌjmel majlel ti Babilonia. Ya' jach mi caj i cʌytʌl jinto mic cha' ña'tan. Ti jim bʌ q'uin mi caj c cha' sutq'uin wʌ' ti' yajñib”. Che' tsi' yʌlʌ lac Yum, cho'on tsac subeyob.

Jeremias 29:10

Ubinla i t'an lac Yum: Che' ñumenix lujump'ejl i chʌnc'al (70) jab che' ya' chumuletla ti Babilonia, cha' talon c pʌyetla loq'uel che' bajche' tsac subeyetla. Mi caj la' sujtel ti la' lumal.

Jeremias 29:14

Mi caj cʌc' c bʌ ti cʌjñel ti la' tojlel, che'en lac Yum. Mi caj c cha' sutq'uibeñetla la' lum yic'ot i tijicñʌyel la' pusic'al che' mic pʌyetla loq'uel ti jujump'ej lum ba' tsac wets'eyetla majlel, che'en lac Yum. Joñon mi caj c cha' pʌyetla ochel ti la' lum ba' tsac chocoyetla loq'uel.

Jeremias 3:18

Ti jim bʌ ora mi caj i tem cha'leñob xʌmbal i yalobilob Judá yic'ot i yalobilob Israel. Loq'uemo' bʌ ti norte mi caj i tem julelob ti jini lum tsa' bʌ cʌq'ueyob i tatob.

Jeremias 30:10

C winic Jacob, mach a cha'len bʌq'uen, che'en lac Yum. Mach a mel a pusic'al, Israel, come ya' ba' pam pujquemet ti ñajtʌl mi caj j coltañet. Mi caj j coltan a walobilob ya' ba' chumulob ti' wenta i yumob. Mi caj i cha' sujtel Jacob. Tijicña mi' caj ti chumtʌl ti' ñʌch'tʌlel i pusic'al. Ma'anix majqui mi caj i chʌn tic'lan.

Jeremias 30:18

Lac Yum woli' yʌl: Awilan joñon mi caj cʌq'uet ti colel, come joñon mic p'untanet. Mi caj c cha' pʌy tilel Jacob ti chumtʌl. Mi caj i cha' wa'chocontel i yotot tac yic'ot i yotot i rey che' bajche' ti ñaxan.

Jeremias 30:4

Che'ʌch tsi' yʌlʌ lac Yum cha'an mi caj i coltan Israel yic'ot Judá.

Jeremias 31:16

Lac Yum woli' yʌl: Sujcun i ya'lel a wut. Mach ma' chʌn cha'len uq'uel, come añʌch a chobejtʌbal cha'an a we'tel, che'en lac Yum. Mi caj i loq'uelob israelob ti' wenta i contra. Mi caj i cha' tilelob.

Jeremias 31:23

I Yum Panchan yic'ot Pañimil, i Dios Israel, woli' yʌl: Cha' wa'chocbilix i yumʌntel Israel. Mi' caj ti cha' ajlel: “Wʌ' ti ch'ujul bʌ wits ba' mi' melob chuqui toj, la' i yʌq'ueñetla i yutslel la' pusic'al lac Yum”. Che'ʌch mi' caj ti ajlel.

Jeremias 31:27

Tal jini q'uin tac che' mi caj c p'ojlesan jini israelob yic'ot i yʌlac'.

Jeremias 31:31

Tal jini q'uin tac che' mi caj c mel tsijib xuc'ul bʌ t'an yic'ot i p'olbal Israel yic'ot i p'olbal Judá.

Jeremias 31:38

Tal jini q'uin tac che' mi caj i chʌn wa'chocontel Jerusalén cha'an mi' tsictiyel c ñuclel, che'en lac Yum. Mi caj i techob e'tel ya' ti chan bʌ i q'ueloñib Hananeel c'ʌlʌl ti' ti' ts'ajc am bʌ ti' xujc tejclum.

Jeremias 32:37

Awilan mi caj c cha' much'quin jini tsa' bʌ wejts'iyob majlel che' wen mich'on cha'an cabʌl c mich'ajel. Mi caj c cha' pʌyob loq'uel ti pejtelel lum cha'an mi cʌc'ob ti chumtʌl ti uts'at ti ili lum ba' ma'anic bʌq'uen.

Jeremias 32:44

Cha' talob i mʌn jamil yic'ot taq'uin. Mi caj i yotsañob i c'aba' yic'ot i sellojlel ti' juñilel jini lum ti' tojlel testigojob wʌ' ti' lumal Benjamín, yic'ot ti' joytʌlel Jerusalén yic'ot ti' tejclum tac Judá yic'ot ti jini tejclum tac am bʌ ti' yebal wits yic'ot ti joctʌl Sefela yic'ot ti Neguev. Joñon mi caj c cha' pʌy tilel jini cʌchʌlo' bʌ, che'en lac Yum.

Jeremias 33:26

Che'ic jini mux c junyajlel choc i p'olbal Jacob yic'ot i p'olbal c winic David. Che'ic jini, ma'anic mic yajcan juntiquil i p'olbal David cha'an mi' cha'len yumʌl ti' tojlel Abraham yic'ot Isaac yic'ot Jacob yic'ot i p'olbalob. Pero xuc'ulʌch c t'an. Ña'tan che' jini mi caj c cha' coltañob. Mi caj c p'untañob, che'en lac Yum.

Jeremias 51:60

Jeremías tsi' yotsa ti jun pejtel ili wocol mu' bʌ caj i taj Babilonia.

Ezequiel 20:42

Che' mic cha' pʌyetla tilel ti' lumal Israel ti jini lum tsa' bʌ cʌq'ueyob la' ñojte'el, mi caj la' ña'tan la' Yumon.

Ezequiel 34:13

Mi caj c pʌyob loq'uel ti pejtelel lum cha'an mi' cha' tilelob ti' lumal. Mi caj cʌc'ob ti buc'bal ya' ti wits ti Israel, ya' ti' ti' ñoja' ba'an wen bʌ lum.

Ezequiel 36:24

Mi caj c cha' loc'sañetla ti pejtelel tejclum tac cha'an mic cha' pʌyetla tilel ti Israel.

Ezequiel 47:14

Junlajal mi caj i t'oxbentelob ti mojt ti mojt che' bajche' tsac subeyob la' ñojte'elob. Che'ʌch mi caj la' wʌq'uentel wʌle.

Joel 3:1

Woli' chʌn sub lac Yum: Ti jini q'uin che' mic cha' aq'uen i wenlel año' bʌ ti Judá yic'ot ti Jerusalén,

Sofonias 2:7

Ya' mi caj i majlelob ti chumtʌl i colojbal i p'olbal Judá. Ya' mi caj i c'ajob i yo ti' yotot tac Ascalón ba' ma'añobix i yum. Come lac Yum mi caj i cha' pʌsbeñob i yutslel. Mi caj i cha' aq'ueñob i wenlel.

Sofonias 3:20

Ti jim bʌ q'uin che' mic much'quiñetla mi caj cʌq'ueñetla la' ñuclel ti' tojlel pejtel winicob. Mi caj i c'uxbiñetla ti pejtelel pañimil. Mi caj i subob la' ñuclel che' mic cha' pʌyetla tilel ti la' lumal, che' mi cʌq'ueñetla la' wenlel. Tijicña mi caj la' q'uel che' mi' yujtel, che'en lac Yum.

Lucas 17:22

Tsi' sube xcʌnt'añob: Tal to i yorajlel che' mi caj la' pijtan jump'ejl i q'uiñilel i Yalobil Winic, pero ma'anic mi caj la' q'uel.

Lucas 19:43

Mi caj i tajetla yan tac bʌ q'uin che' mi caj i top'ob lum ti la' joytilel la' contrajob. Mi caj i joyetla. Mi caj i mʌctañetla ti jujunwejl.

Lucas 21:6

Tsi' yʌlʌ Jesús: Ti pejtelel ili woli bʌ la' q'uel mi caj i jilel. Tal jini q'uin che' ma'anic mi caj i cʌytʌl mi jump'ejlic xajlel ti' pam yambʌ mach bʌ anic mi caj i chojquel jubel, che'en.

Deuteronomio 30:3

che' jini lac Yum mi caj i cha' coltañet. Mux i cha' aq'ueñet pejtelel chuqui tsa' sajti a cha'an. Mi caj i cha' p'untañet. Mi caj i cha' pʌyet loq'uel ba' pam pujq'uemetla ti yan tac bʌ tejclum ya' ba' tsi' cʌn chocoyet majlel lac Yum Dios.

Deuteronomio 30:5

Lac Yum Dios mi caj i cha' pʌyetla tilel ti jini lum aq'uebilo' bʌ la' ñojte'elob. La' cha'anix wʌle. Mi caj i cha' aq'ueñetla la' wenlel. Ñumen mi caj i p'ojlesañetla che' bajche' la' ñojte'elob.

Hebreos 8:8

Tsi' ña'ta Dios quepel jini t'an che' bʌ tsi' yʌlʌ: “Awilan, tal i yorajlel, mi caj c wa'chocon tsijib xuc'ul bʌ t'an yic'ot i p'olbal Israel yic'ot i p'olbal Judá.