Jeremias 3:9 - Chol: I T’an Dios

⁹ Tsa' caji' ch'ujutesan dios tac melbil bʌ ti te' yic'ot ti xajlel. Che' jini tsi' bib'esa jini lum cha'an i ts'i'lel.

Chol de Tumbalá Bible

⁹ Tsa' caji' ch'ujutesan dios tac melbil bʌ ti te' yic'ot ti xajlel. Che' jini tsi' bib'esa jini lum cha'an i ts'i'lel.

Jeremias 3:9 Iomraidhean Croise

Isaias 57:3

Lʌc'tesan la' bʌ, i yalobilob xwujt yic'ot jini mu' bʌ i cha'leñob ts'i'lel.

Isaias 57:6

Ma' ch'ujutesan jini melbil tac bʌ xajlel an tac bʌ ti joctʌl. Ma' bec'ben vino. Ma' wʌq'uen trigo yic'ot waj cha'an i majtan. ¿Mu' ba caj j q'uelet ti uts'at che' jini?

Jeremias 10:8

Tontojob jini diosob melbilo' bʌ ti te'. Ma'anic i c'ʌjñibal ti cʌntesaya. Tontojob ja'el mu' bʌ i ñopob.

Jeremias 16:18

Cha'yajl mi caj i tojob i mul cha'an tsi' bib'esayob c lum. Ya' ba' com chumtʌl tsi' p'ojlesayob i diosob. Leco mij q'uel i diosob che' bajche' ch'ujlelʌl ts'a'lebil bʌ c cha'an, che'en lac Yum.

Jeremias 2:27

mi' pejcañob te': “C tatet lojon”, che'ob. Mi' pejcañob xajlel: “C ña'et lojon. Tsa' wʌc'ʌyon lojon ti pañimil”, lon che'ob. Pero ma'anic mi' sʌclañoñob. Mi' mʌyob i wut tic tojlel. Che' ti' yorajlel i wocol mi' cajelob ti oñel: “Ch'ojyen, coltañon lojon”, che' mi caj i yʌlob.

Jeremias 2:7

Pero joñon tsac pʌyʌyetla tilel ti jini wen bʌ lum ba' wen yujil colel pʌc'ʌbʌl cha'an on mi cʌq'ueñet la' c'ux i wut te' yic'ot yambʌ c'uxbil bʌ. Che' bʌ tsa' ochiyetla, tsa' la' bibesa jini lum. Tsa' la' wʌc'ʌ ti ts'a'lentel jini c lum.

Jeremias 3:2

Pam q'uele jini bujtʌl tac. ¿Am ba jump'ejl bujtʌl ba' mach tic'lʌbiletic? Tsa' pijta a pi'ʌlob ti' t'ejl bij che' bajche' mi' mel árabe ti jochol bʌ lum. Tsa' bib'esa jini lum ti a ts'i'lel yic'ot a jontolil.

Ezequiel 16:17

Che' ja'el tsa' c'ʌñʌ a ch'ʌjlil melbil bʌ ti oro yic'ot plata tsa' bʌ cʌq'ueyet, jini wen i t'ojol jax bʌ, cha'an ma' mel dioste' tac. Jiñʌch a ts'i'lel.

Ezequiel 23:10

Tsi' jochbeyob i pislel. Tsi' pʌybeyob ti majtan e'tel ch'iton bʌ yic'ot xch'oc bʌ i yalobilob. Tsi' tsʌnsayob. Ba' ora tsi' yubi wocol cha'an i mul tsa' caji i ña'tañob x'ixicob ti pejtelel pañimil.

Ezequiel 23:21

Che' jini tsa' cha' mele a ts'i'lel che' bajche' tsa' mele che' ch'oquet to, che' bʌ tsi' ñe't'eyob a chu' jini egiptojob.

Oseas 2:2

Yom ma' pʌy a ña' ti wocol t'an, come tsa'ix ochi ti' yijñam yambʌ winic. Mach quijñamix. Tsi' cʌyʌyon. Suben ti wocol t'an cha'an mi' cʌy i ts'i'lel, cha'an mach mi' chʌn pi'leñob yaño' bʌ.

Joel 1:19

C Yum, mic pejcañet ti c'am bʌ t'an, come jini jajmel tsa'ix i tiquesa pejtel potrero yic'ot pejtel te'.

Habacuc 2:19

Obol i bʌ jini mu' bʌ i lon suben jini dios te' cha'an mi' coltan. Lolom jach mi' pejcan jini dios xajlel mach bʌ yujilic t'an. To'ol tep'bil jach ti oro yic'ot ti plata, pero ma'anic i cuxtʌlel, che'en lac Yum.

Mateo 5:32

Pero joñon mic subeñetla majqui jach mi' to'o cʌy i yijñam che' ma'anic tsi' cha'le ts'i'lel yic'ot yambʌ winic, woli' bajñel ac' i yijñam ti ts'i'lel. Che' ja'el, majqui mi' pʌy cʌybil bʌ x'ixic cha'an i yijñam woli' cha'len ts'i'lel yic'ot.