Jeremias 3:8 - Chol: I T’an Dios

⁸ Junlajal i jontolil Judá, i chich Israel. Tsi' q'uele i ts'i'lel Israel. Q'uelelix i cha'an che' bʌ tsac choco majlel yic'ot i juñilel divorcio cha'an tsi' cʌyʌyon che' bajche' x'ixic mu' bʌ i cʌy i ñoxi'al. Pero mach yujilic bʌq'uen Judá. Junlajal tsa' caji' mel i ts'i'lel che' bajche' Israel.

Chol de Tumbalá Bible

⁸ Junlajal i jontolil Judá, i chich Israel. Tsi' q'uele i ts'i'lel Israel. Q'uelelix i cha'an che' bʌ tsac choco majlel yic'ot i juñilel divorcio cha'an tsi' cʌyʌyon che' bajche' x'ixic mu' bʌ i cʌy i ñoxi'al. Pero mach yujilic bʌq'uen Judá. Junlajal tsa' caji' mel i ts'i'lel che' bajche' Israel.

Jeremias 3:8 Iomraidhean Croise

2 Cronicas 21:11

Joram tsi' mele tac pulʌntib ya' ti' witsilel Judá. Tsi' xiq'uiyob jini año' bʌ ti Jerusalén yic'ot jini chumulo' bʌ ti Judá cha'an mi' ch'ujutesañob dioste'.

Isaias 50:1

Lac Yum woli' yʌl: ¿Chucoch tsa' majli Israel la' ña'? ¿Cha'an ba tsaj cʌyʌ? ¿Cha'an ba tsa cʌq'ue i juñilel divorcio? ¿Am ba c bet cha'an mic chon c tejclumob? Ma'anic. Tsa' la' choño la' bʌ ba'an yambʌ la' yum cha'an ti' caj la' mul. Tsa' pʌjyi majlel Israel la' ña' cha'an ti' caj tsa' la' ñusʌbeyon c mandar.

Jeremias 2:19

Jini a jontolil mi caj i yʌq'uet ti quisin che' mi' cajel ti t'an a pusic'al. Mi caj c jultesʌbeñet a pusic'al cha'an tsa' cʌyʌyon. Yomix ma' ña'tan quisintic jax a jontolil cha'an tsa'ix a cʌyʌyon. Tsa' cʌyʌ a Yum Dios. Ma'anix ma' bʌc'ñañon, che'en i Dios Panchan yic'ot Pañimil, jiñʌch lac Yum.

Jeremias 3:1

Mi an winic mu' bʌ i choc loq'uel i yijñam, ¿mu' ba caj i cha' pʌy mi tsa' pʌjyi cha'an yambʌ winic? Tic'bilix ti mandar come tic'lʌbilix jini x'ixic. ¿Mach ba bibi'ic ti' wut Dios jini lum ba' mi' melob che' bajche' jini? Pero jatet sts'i'lel x'ixiquet yilal. Cabʌl jini c'uxbibilo' bʌ a cha'an. Jumuc' jach mi' yajñelob a wic'ot, jumuc' jach ma' cha' tilel quic'ot, che'en lac Yum.

Jeremias 33:24

¿A wujil ba chuqui woli' yʌlob ili winicob x'ixicob? Woli' yʌlob: “Lac Yum tsi' junyajlel choco Judá yic'ot Israel, jini yajcʌbilo' bʌ i cha'an”, che'ob. Che' jini woli' wajleñob c tejclumob. Woli' lon ña'tañob ma'anic i c'ʌjñibal ti' tojlel yan tac bʌ tejclum.

Jeremias 5:7

Lac Yum woli yʌl: ¿Bajche' mi mejlel c ñusʌbeñet a mul? Tsi' cʌyʌyoñob a walobilob. Tsi' wa'chocoyob i t'an ti' c'aba' jini diosob mach bʌ mero Diosic. Che' bʌ ñajobix yic'ot i bʌl i ñʌc' tsa' bʌ cʌq'ueyob, tsajniyob ti' yotot sts'i'lel bʌ x'ixicob.

Ezequiel 16:46

Jini ñaxan bʌ a chich jiñʌch Samaria ya' bʌ chumul yic'ot xch'oc bʌ i yalobilob ti' tojel norte. Jixcu la' wijts'in jiñʌch Sodoma yic'ot i yalobilob ya' bʌ chumulob ti' tojel sur.

Ezequiel 16:47

Mach cojic jach tsa' tsajcʌbeyob i melbalob yic'ot i jontolil, pero ñumen leco chuqui tsa' mele.

Ezequiel 16:51

Awilan mach cabʌlic i mul Samaria che' bajche' a mul, pero ñumen tsa' ch'ujutesa dioste' tac che' bajche'ob. Ti a tojlel ma'anic i mul a chich yic'ot a wijts'in yilal, come c'ax cabʌl tsa' mele jontolil.

Ezequiel 23:44

Pero tsa' bʌc' caji i pi'leñob che' bajche' i tilel mi' mel sts'i'lel bʌ winic yic'ot sts'i'lel bʌ x'ixic. Che'ʌch tsi' meleyob Ahola yic'ot Aholiba, jontol bʌ x'ixicob mach bʌ yujilobic quisin.

Ezequiel 23:9

Jini cha'an tsa'ix cʌc'ʌ ti' wenta jini c'ux bʌ mi' yubiñob, ti' c'ʌb jini winicob ti Asiria tsa' bʌ i ch'ujutesa dioste' tac.

Oseas 3:4

Jiñʌch i sujmlel iliyi: Cabʌl ora ma'anic i rey jini israelob. Ma'anic i yumob. Che' jach añob. Ma'anic mi caj i pulbeñon cotol bʌ c majtan. Ma'anic motomaj. Ma'anic majqui mi' cʌntesañob tic bijlel. Ma'anic i dioste' ja'el.

Deuteronomio 24:1

Che' an winic tsa' bʌ i pʌyʌ i yijñam, mi ma'anic tsa' caji i mulan cha'an ti caj an chuqui leco tsi' q'uele ti' tojlel, mi mach yomix i q'uel, wersa mi yʌc' ti melol i juñilel cha'an mi' cʌyob i bʌ. Che' jini muq'uix i choc loq'uel ti yotot.

Deuteronomio 24:3

Mi tsi' cha' choco loq'uel jini wi'ilix bʌ i ñoxi'al, mi tsi' cha' aq'ue i juñilel cha'an mi' cʌyob i bʌ, mi tsi' choco loq'uel ti' yotot, o mi tic'ʌl tsa' chʌmi jini winic che' anto yic'ot jini x'ixic,