Jeremias 3:3 - Chol: I T’an Dios

³ Jini cha'an ma'anic ja'al, jamʌl to pañimil. Ma'anic tsac choco tilel jini ñaxan bʌ ja'al. Lajalet bajche' sts'i'lel bʌ x'ixic mach bʌ yomic i cʌy i mul. Mach a wujilic quisin come tsa' wersa tsʌts'esa a pusic'al.

Chol de Tumbalá Bible

³ Jini cha'an ma'anic ja'al, jamʌl to pañimil. Ma'anic tsac choco tilel jini ñaxan bʌ ja'al. Lajalet bajche' sts'i'lel bʌ x'ixic mach bʌ yomic i cʌy i mul. Mach a wujilic quisin come tsa' wersa tsʌts'esa a pusic'al.

Jeremias 3:3 Iomraidhean Croise

Genesis 19:34

Che' ti yijc'ʌlal jini chichʌl bʌ tsi' sube i yijts'in: Awilan, tsa' ñoleyon quic'ot lac tat. La' la cʌq'uen i jap vino wʌle ti ac'ʌlʌl ja'el. Yom ma' ñoltʌl yic'ot, cha'an mi' tilel la calobil i p'olbal lac tat, che'en.

Nehemias 9:17

Mach yomobic i ch'ujbin a t'an. Ma'anic tsi' yotsayob ti' pusic'al jini bʌbʌq'uen tac bʌ tsa' bʌ a melbeyob. Tsʌts tsi' meleyob i pusic'al c ñojte'el lojon. Ti' bajñel pusic'al tsi' yajcayob i yum cha'an mi' sujtelob ti to'ol e'tel ya' ti Egipto. Uts bʌ Dioset. A wujil i ñusʌntel mulil. Wen a wujil p'untaya. Jal ma' mich'an. Cabʌl a c'uxbiya. Ma'anic tsa' cʌyʌ c ñojte'el lojon

Proverbios 21:29

Ch'ejlatax mi' lon pʌs i bʌ jini sajtem bʌ. Mach che'ic mi' mel jini toj bʌ. Mi' toj'esan i bʌ majlel.

Isaias 5:6

Mux caj c junyajlel cʌy. Ma'anix mi caj c chʌn ac' ti porajintel mi ti ac'ñʌntel. La' to wats pim'ac ti ch'ixol yic'ot tsajatuñol. Mux caj c tic' jini tocal cha'an ma'anix mi' chʌn yʌsan ja'al ya' ti' tojlel. Che' tsi' yʌlʌ lac Yum.

Jeremias 14:1

Tsa' tili i t'an lac Yum ba'an Jeremías che' tiquin pañimil.

Jeremias 14:22

¿Mejl ba i chocob tilel ja'al i diosob yan tac bʌ tejclum? ¿Yilol jach ba mi' tilel ja'lel ti panchan? Jatet c Yumet, c Dioset. Mic pijtañet lojon. Jatet jach ma' mel pejtel iliyi.

Jeremias 14:3

Jini yumʌlob mi' chocob majlel winicob ti luch ja'. Mi' c'otelob ti' yajñib ja' pero tiquinix. Mi' tsicob i pusic'al come mi' to'ol sujtelob.

Jeremias 14:4

Baqui jach mi' ñumelob ti sʌclaya tiquinix pañimil, come anix ora ma'anic woli ja'al. Ma'anix i ye'tel mu' bʌ i top'ob lum. Mi' melob i pusic'al.

Jeremias 36:2

Ch'ʌmʌ tilel jun. Ts'ijban pejtel c t'an cha'an Israel yic'ot Judá yic'ot yan tac bʌ tejclum che' bajche' tsac subeyet che' woli ti yumʌl Josías c'ʌlʌl wʌle. Pʌsbeñob jini año' bʌ ti Judá.

Jeremias 5:24

Joñon mic chocbeñob tilel ja'al ti' yorajlel, che' woli' colel pac'. Joñon mi cʌq'ueñob i wut lum che' ti' yorajlel c'ajbal. Pero ma'anic majqui mi' p'ison ti' wenta. Ma'anic majqui mi' q'uelon ti ñuc. Ti' caj la' mul ma'anic mi' tilel ja'al. Ti' caj la' mul ma'anic i bʌl la' ñʌc'. Ma'anic c'ajbal.

Jeremias 5:3

C Yum, ¿mach ba wolic a sʌclan juntiquil mu' bʌ i sub chuqui isujm? Tsa' cʌntesayob. Tsa' jats'ʌyob ja'el cha'an mi' melob chuqui isujm. Pero ma'anic mi' p'isob ti' wenta. Tsa' wʌq'ueyob i wocol, pero mi' ts'a'leñetob. Mi' yutsi tsʌts'esañob i pusic'al che' bajche' xajlel. Mi' to'ol melob chuqui yomob. Mach yomobic i cʌy i mul.

Jeremias 6:15

¿Tsa' ba i yubiyob quisin che' bʌ tsi' cha'leyob jontolil? Ma'anic. Mach yujilobic quisin. Ma'anic mi' chʌc'an i wut. Jini cha'an mi caj i yajlelob yic'ot jini tsʌnsʌbilo' bʌ. Che' mi cʌq'ueñob i tojob i mul, mi caj i chʌmelob, che'en.

Jeremias 8:12

¿Tsa' ba i yubiyob quisin che' bʌ tsi' ch'ujutesayob i diosob? Ma'anic. Mach yujilobic quisin. Mach yujilic chʌc'an i wut. Jini cha'an mi caj i yajlelob yic'ot jini tsʌnsʌbilo' bʌ. Che' i yorajlelix wocol mi caj i yʌjq'uelob ti chʌmel, che'en lac Yum.

Jeremias 9:12

¿Majqui an i ña'tʌbal cha'an mi' ch'ʌmben isujm chuqui woli' yujtel? ¿Majqui tsi' yubibe i t'an lac Yum cha'an mi' cha' sub? ¿Chucoch pujch'emix jini lum? Tsa'ix sujti ti tiquin bʌ lum ba' ma'anix winicob. Mi' bʌc'ñañob ñumel.

Ezequiel 3:7

Pero jini israelob ma'anic mi caj i ñich'tañob a t'an, come ma'anic mi' ñich'tañob c t'an. Wen jontolob israelob, wen tsʌtsob jax i pusic'al.

Levitico 26:19

Mi caj c jisʌbeñetla pejtelel i chanlel la' pusic'al. Mi caj cʌc' ti jajmel pañimil. Wen tsʌtsch'ojol mi caj i sujtel la' lum.

Amos 4:7

Joñon tsac tiq'ui ja'al cha'an ma'anic mi' yajlel ba' añetla che' ti' yorajlel, che' anto yom uxp'ejl uw c'ajbal. Ti jump'ejl tejclum tsac choco tilel ja'al. Ti yambʌ tejclum ma'anic tsac choco tilel ja'al. Xint'umul tac tsa' yajli ja'al ti lum. Ya' ba' ma'anic tsa' yajli woli' tiquin pʌc'ʌbʌl.

Amos 4:8

Tsa' loq'uiyetla ti cha'p'ejl uxp'ejl tejclum cha'an mi la' sʌclan majlel ja' ti yambʌ tejclum cha'an mi la' jap. Pero ma'anic tsa' lajmi la' tiquin ti', come mach jasʌlic jini ja'. Pero ma'anic tsa' la' sutq'ui la' bʌ ba' añon. Che'ʌch woli' yʌl lac Yum.

Sofonias 2:1

Winicob ti pejtelel pañimil, tempan la' bʌ. Ña'tanla xñusa t'añetla. Mach la' wujilic quisin.

Sofonias 3:5

Pero ya'an lac Yum ti yojlil tejclum. Ma'anic mi' mel jontolil. Ti jujump'ejl sʌc'ajel toj mi' melonla. Mi' pʌsbeñonla chuqui toj. Mi' ts'ʌctesan i t'an. Pero jini xmulil mach yujilic quisin.

Hageo 1:11

Tsa cʌc'ʌ jajmel ti pejtelel lum yic'ot ti pejtelel wits tac, cha'an ma'anic mi' colel trigo. Ma'anic i ya'lel ts'usub mi aceite. Mi' tiquin pejtelel pʌc'ʌbʌl tac. Jini cha'an mi' yubiñob wocol winicob x'ixicob yic'ot alʌc'ʌl. Mi' laj jilel pejtelel la' we'tel mu' bʌ la' mel, che'en lac Yum.

Deuteronomio 28:23

Jini panchan am bʌ ti chan lajal mi caj a q'uel che' bajche' lamina, yic'ot jini lum baqui añetla lajal mi caj a q'uel bajche' fierro.

Hebreos 12:25

Tsajiletla ame la' ñusan lac Yum woli bʌ ti t'an. Come tsi' wersa tojoyob i mul jini israelob che' bʌ tsi' ñusʌbeyob i t'an Moisés i winic Dios wʌ' ti pañimil. Ñumen mi caj lac toj joñonla mi woli lac ñusan Dios mu' bʌ i pejcañonla ya'ti panchan.