Jeremias 3:23 - Chol: I T’an Dios

²³ Mach chʌn comix lojon c cha'len ch'ujutesaya ti bujtʌl tac che' bajche' tsac mele lojon che' lotibil lojon c pusic'al. Lolom jach pejtel chuqui tsac mele lojon ti wits tac. Ya' jach ti lac Yum Dios mi caj i taj i coltʌntel Israel.

Chol de Tumbalá Bible

²³ Mach chʌn comix lojon c cha'len ch'ujutesaya ti bujtʌl tac che' bajche' tsac mele lojon che' lotibil lojon c pusic'al. Lolom jach pejtel chuqui tsac mele lojon ti wits tac. Ya' jach ti lac Yum Dios mi caj i taj i coltʌntel Israel.

Jeremias 3:23 Iomraidhean Croise

Salmos 3:8

Ch'oyol laj coltʌntel ti lac Yum. La' aq'uenticob i wenlel i cha'año' bʌ.

Salmos 62:7

Cʌyʌlon ti Dios cha'an mic taj j coltʌntel yic'ot c ñuclel. Lajalʌch Dios bajche' ch'entun ba' mic puts'el cha'an mij coltan c bʌ.

Proverbios 21:31

Cosʌbil jini caballo cha'an mi laj coltʌntel ti' yorajlel guerra, pero ch'oyol ti lac Yum laj coltʌntel.

Isaias 10:20

Ti jim bʌ ora jini mu' bʌ i cʌytʌlob ti Israel yic'ot ti Judá mi caj i ñopob lac Yum, jini Ch'ujul Bʌ ti Israel. Ma'anix mi caj i c'ajtiñob i coltʌntel ti' tojlel asiriajob.

Isaias 12:2

Awilan, Dios jiñʌch caj coltaya. Xuc'ul mi caj c ñop. Ma'anix chuqui mi caj c bʌc'ñan, come c Yum Dios jiñʌch c p'ʌtʌlel. Jiñʌch mu' bʌ j c'ʌyin come caj coltayajʌch.

Isaias 43:11

Joñon jach Yumʌlon. Ma'anic yambʌ xColtaya.

Isaias 44:9

Sojquemob pejtel jini xmel diosob. Ma'anic i c'ʌjñibal i melbalob mu' bʌ i lon c'uxbiñob. Jini mu' bʌ i melob mi' bajñel ña'tañob mach c'otic i wut jini diosob. Ma'anic mi' yubiñob t'an. Ma'anic i ña'tʌbal. Jini cha'an mi' cajelob ti quisin.

Isaias 45:15

Isujm ma' mujcun a bʌ Dios, i Dioset bʌ Israel. Ma'anic mij q'uel bajche' ma' mel a we'tel, caj Coltaya.

Isaias 45:17

Pero Israel mi caj i taj i coltʌntel ti pejtelel ora ti' tojlel lac Yum. Ma'anix mi caj i chʌn cha'len quisin yic'ot bʌq'uen ti pejtelel ora.

Isaias 45:20

Much'quin la' bʌ ba' añon. Tempan la' bʌ pejteletla mach bʌ anic tsa' jisʌntiyetla cha'an Ciro, cha'an mi la' wubin jini mu' bʌ caj c subeñetla. Ma'anic i ña'tʌbal winicob mu' bʌ i q'uechob ñumel i diosob. Mi' lon c'ajtibeñob i coltʌntel ti' tojlel dioste' tac mach bʌ yujilic coltaya.

Isaias 63:1

¿Majqui jini ñuc bʌ loq'uem bʌ ti Bosra am bʌ ti Edom? Lʌpʌl i cha'an wen i t'ojol jax bʌ i pislel, ts'ajbil bʌ ti chʌccojan bʌ. Talix ti xʌmbal yic'ot cabʌl i p'ʌtʌlel. Dios tsi' jac'ʌ: Joñoñʌch a Yumon. Mic sub chuqui toj. P'ʌtʌlon, wen cujil coltaya, che'en.

Isaias 63:16

Mach chʌn mejlix i coltañon lojon jini Abraham yic'ot Jacob, pero mi mejlel jatet, come c Tatet lojon, Caj Coltayajet lojon. Jiñʌch a c'aba' ti pejtelel ora.

Jeremias 14:8

Jatet i pijtayajet Israel, la caj coltayajet ti' yorajlel wocol. ¿Chucoch ma' mel a bʌ che' bajche' winic mach bʌ laj cʌñʌyic, che' bajche' winic woli bʌ ti ñajtʌ xʌmbal mu' bʌ i jijlel ti' yotot xjula'ob?

Jeremias 17:14

Lajmesañon, c Yum. Wen a wujil lajmesaya. Coltañon. Wen a wujil coltaya. Ñuquet tic tojlel.

Jeremias 17:2

Jini ch'itoñob ti Judá mi' yesmañob mulil. Mi' c'uxbiñob i yejtal Asera ti' yʌxñʌlel te' ya' ti' chañelal wits,

Jeremias 3:6

Che' woli to ti yumʌl jini rey Josías, lac Yum tsi' subeyon: ¿Tsa' ba a q'uele bajche' tsi' mele Israel che' bʌ tsi' cʌyʌyon? Tsajni i ch'ujutesan i diosob ti yebal te' tac ti jujump'ejl bujtʌl che' bajche' sts'i'lel x'ixic mu' bʌ i yʌc' i bʌ ti pi'lentel cha'an winicob mach bʌ i ñoxi'alic.

Jeremias 31:7

Come Lac Yum woli' yʌl: Cha'lenla c'ay come tijicña Jacob. Yom tijicñayetla come ñuc Jacob ti' tojlel pejtel tejclum tac. Subula i ñuclel. Pam pucula. Subula: “Coltʌbilix i winicob lac Yum. Jini tsi' colta i colojbal israelob”. Che'ʌch yom mi la' sub.

Ezequiel 20:28

Che' bʌ tsac pʌyʌyob tilel ila ti lum tsa' bʌ cʌq'ueyob che' bajche' tsac subeyob i tatob, tsi' ch'ujutesayob dioste' tac ba'an colem te' tac ti bujbujtʌl. Ya' tsa' majli i tsʌnsʌbeñob i majtan cha'an mi' yutsi techbeñoñob c mich'ajel. Ya' tsi' puluyob jini xojocña bʌ pom. Tsi' bec'beyob jini japbil bʌ majtañʌl tac.

Oseas 1:7

Pero mi caj c p'untan jini año' bʌ ti Judá. Tic bajñel p'ʌtʌlel mi caj j coltañob loq'uel ti' c'ʌb i contrajob. Ma'anic mi caj j c'ʌn soldadojob mi e'tijibʌl cha'an guerra cha'an mij coltañob. Che' tsi' yʌlʌ lac Yum.

Juan 4:22

Jatetla mach la' wujilic chuqui mi la' ch'ujutesan. Joñon lojon cujil chuqui mic ch'ujutesan lojon, come ch'oyol i coltʌntel winicob x'ixicob ti judíojob.