Jeremias 3:22 - Chol: I T’an Dios

²² “Sujtenla, calobilob, anquese ñajt tsa' la' tʌts'ʌ la' bʌ. Mi caj c lajmesañetla cha'an mi la' tsajcañon”, che'en lac Yum. “Talon lojon, che'ob, come jatet c Yumet lojon, c Dioset lojon.

Chol de Tumbalá Bible

²² “Sujtenla, calobilob, anquese ñajt tsa' la' tʌts'ʌ la' bʌ. Mi caj c lajmesañetla cha'an mi la' tsajcañon”, che'en lac Yum. “Talon lojon, che'ob, come jatet c Yumet lojon, c Dioset lojon.

Jeremias 3:22 Iomraidhean Croise

Cantares 1:4

Pʌyʌyon majlel quic'otet. Yom majliconla ti ora. Pʌyʌyon ochel ti malil a wotot, c rey. Añonix ti' yotot rey. Tsi' pʌyʌyon ochel. Tijicña mi caj lac tem ajñel. Ñumen uts'at a c'uxbiya bajche' vino. Jini cha'an mi' laj c'uxbiñetob xch'ocob.

Isaias 1:2

Tsi' yʌlʌ: Ñich'tanla c t'an, añet bʌ la ti panchan yic'ot ti pañimil. Tsac lon cosa calobilob. Tsac lon cʌntayob. Wolix i chañ'esañob i bʌ tij contra.

Isaias 31:6

Jini cha'an, c piʌlob, anquese jontoletla, la'la sutq'uin la' bʌ ba'an Dios.

Isaias 57:17

Cha'an i wo'lel ti chubʌ'añʌl tsa' jumuc' mich'ayon. Tic mich'ajel tsac lowoyob. Tsac mʌybeyob c wut. Tsi' xoyoyob i bijlel. Tsi' meleyob chuqui tac jach yomob.

Jeremias 3:12

Cucu ti' tojel norte ba'an Israel. Suben ili t'an: “Tsa' cʌyʌyon, Israel, pero sujtenix, che'en lac Yum. Mach mich'onic, come wen cujil p'untaya. Lac Yum tsi' yʌlʌ: Mach ti pejtelelic ora mi caj c mich'leñet.

Jeremias 30:17

Mi caj c cha' c'oq'uesañet. Mi caj c lajmesʌbeñet a lojwel, come mi' lon alob chocbilet c cha'an. “Ma'anic majqui mi' p'untan Sion”, lon che'ob, che'en lac Yum.

Jeremias 31:18

Tsa cubibe i t'an Efraín. Wen wocol woli' yubin cha'an i mul. Woli ti t'an i pusic'al. Woli' ña'tan: “Lajal tsac mele bajche' i yal wacax maxto bʌ uts'esʌbilic i pusic'al. Tsa' wersa aq'ueyon j cuch wocol cha'an ma' ju'sʌbeñon c pusic'al. Cha' pʌyʌyon, c Yum. Cha' uts'esʌbeñon c pusic'al, come c Yumet, c Dioset.

Jeremias 33:6

Tal to i yorajlel che' mi caj c cha' mel ti uts'at. Mi caj c lajmesʌben i wocol cha'an mi' cha' c'oc'an. Mi caj cʌq'ueñob i ñʌch'tʌlel i pusic'al. Tijicña mi' cajelob ti chumtʌl yic'ot pejtel chuqui tac yomob.

Jeremias 4:1

Mi wola' sujtel ba' añon ti pejtel a pusic'al, Israel, yomix ma' junyajlel choc jini diosob ts'alebilo' bʌ c cha'an. Yom xuc'ul ma' tsajcañon. Mach yomix ma' chʌn sajtel ti yambʌ bij.

Ezequiel 18:30

Jini cha'an israelob, muq'uix caj cʌq'ueñetla la' chobejtʌbal che' bajche' an la' melbal. Cʌyʌ la' mul, cʌyʌ la' mel chuqui tac bibi' ame jiliquetla cha'an la' mul.

Ezequiel 33:11

Subeñob: “Isujm mic subeñetla, che'en lac Yum Dios, mach comic mi' chʌmel winic yic'ot i mul. Com mi' laj cʌyob i mul cha'an cuxul mi' yajñelob. Cʌyʌx la' jontolil, sutq'uin la' bʌ ba' añon. ¿Chucoch la' wom chʌmel Israel?

Oseas 13:4

Joñon jach a Dioson, a Yumon, c'ʌlʌl che' bʌ tsac pʌyʌyet loq'uel ti Egipto. Ma'anic yambʌ Dios. Ma'anic yambʌ xColtaya, joñon jach.

Oseas 14:1

Awocolic, israelob, sutq'uin la' bʌ ba'an lac Yum, i Dios israelob, come ti' caj la' mul tsa' la' taja wocol.

Oseas 14:4

Mi caj i yʌl: Joñon mi caj j coltañob. Mi caj cʌq'ueñob i p'ʌtʌlel cha'an xuc'ul mi' yajñelob quic'ot. Mi caj j c'uxbiñob ti' yutslel c pusic'al, come tsa'ix lajmi c mich'ajel ti' tojlelob.

Oseas 14:5

Lajalon bajche' ye'eb ti tojlel jini israelob. Mi caj i cha' tajob i t'ojlʌwib che' bajche' lirio. Wen cʌyʌl i wi' ti lum che' bajche' i wi' ch'ujte' ti Líbano.

Oseas 14:8

Tsajaletme, Efraín, machme a ñochtan jini dioste' tac. Añet tic wenta. Cuxulon, cabʌlʌch c p'ʌtʌlel. Wolij q'uelet. Lajalon che' bajche' wen yʌx bʌ te' mu' bʌ i yʌq'ueñetla i wut ti pejtelel ora. Tilem ti joñon pejtel chuqui wen am bʌ a cha'an.

Oseas 3:5

Che' ñumenix cabʌl ora mi caj i cha' sutq'uiñob i bʌ jini israelob cha'an mi' sʌclañob Dios, i Yum. Mi caj i cha' sutq'uiñob i bʌ cha'an mi' yumañob i Yalobil David, yajcʌbil bʌ ti Dios. Ti jini cojix bʌ q'uin tac mi caj i cha' bʌc'ñañob lac Yum. Mi caj i pijtañob i wenlel ti lac Yum.

Joel 2:12

Jini cha'an mi' yʌl lac Yum: Sutq'uin la' bʌ ba' añon ti pejtelel la' pusic'al che' anto i yorajlel. Cha'lenla ch'ajb. Cha'lenla uq'uel. Yom ch'ijiyem la' pusic'al, che'en.

Zacarias 13:9

Che' jini mi caj cʌc'ob ti wocol i colojbal israelob cha'an mi' sʌq'uesʌntelob che' bajche' oro yic'ot plata. Che' jini mi caj i ch'ujutesañob j c'aba'. Joñon mi caj cubibeñob i t'an. Mi caj c pejcañob tic pi'ʌlob c'uxbibilo' bʌ c cha'an. Mi caj i pejcañoñob ti' Yum Dios. Che' tsi' yʌlʌ lac Yum.