Jeremias 3:21 - Chol: I T’an Dios

²¹ Mi cubibeñob i t'an i yalobilob Israel ya' ba' ma'anic te'el ti pam wits. Woliyob ti uq'uel. Woliyob ti c'ajtiya. Woli' melob i pusic'al cha'an tsa' sajtiyob ti bij. Tsa'ix ñajʌyi i cha'añob i Yum.

Chol de Tumbalá Bible

²¹ Mi cubibeñob i t'an i yalobilob Israel ya' ba' ma'anic te'el ti pam wits. Woliyob ti uq'uel. Woliyob ti c'ajtiya. Woli' melob i pusic'al cha'an tsa' sajtiyob ti bij. Tsa'ix ñajʌyi i cha'añob i Yum.

Jeremias 3:21 Iomraidhean Croise

Job 33:27

Mi caj i suben i pi'ʌlob bajche' tsa' coltʌnti ti Dios. Tijicña i pusic'al mi' cha'len c'ay. Mi' yʌl: “Tsa'ix c cha'le mulil. Tsac xoyo c bijlel, pero ma'anic tsi' yʌq'ueyon c toj c mul. Tsi' p'untayon Dios.

Proverbios 10:9

Jini mu' bʌ ti xʌmbal ti' xuc'tʌlel i pusic'al uts'at mi' majlel, pero mi caj i cʌmbentel i mul jini mu' bʌ i xoy i bijlel.

Proverbios 19:3

Jini tonto bʌ mi' soc i bijlel. Mi' tech leto ti' pusic'al ti contra lac Yum.

Isaias 15:2

Majlemobix ti' yotlel i dios jini chumulo' bʌ ti Dibón cha'an mi' yuc'tañob jini chumulo' bʌ ti Nebo yic'ot Medeba. Mi' tsepob i jol yic'ot i tsucti' cha'an i ch'ijiyemlel i pusic'al.

Isaias 17:10

Israelob, tsa' ñajʌyi ti la' pusic'al jini Dios tsa' bʌ i coltayetla. Jini cha'an mi' caj ti ujtel pejtel iliyi. Tsa' la' cʌyʌ jini xajlel yilal mu' bʌ i joy mʌctañetla. Tsa' la' mele parque cha'an dioste' che' bajche' mi la' mulan. Tsa' la' pʌc'ʌ jini pac' ñajt bʌ ch'oyol.

Isaias 57:11

¿Chucoch mach chʌn xuc'uletix quic'ot? ¿Majqui wola' bʌc'ñan? ¿Chucoch ma'anix ma' p'ison ti wenta? ¿Cha'an ba uts mic pʌs c bʌ ti a tojlel?

Jeremias 12:12

Julemobix jini yujilo' bʌ jisaya i wentajobʌch i yespada lac Yum. Pam pujquemob ti pam wits ba' ma'anic pʌc'ʌbʌl. Baqui jach añob woliyob ti jisaya. Ma'anic majqui ñʌch'ʌl. Woliyob ti bʌq'uen pejtel winicob.

Jeremias 13:25

Che'ʌch mi caj a jilel cha'an tsa' cʌyʌyon. Tsa' ñopo lot. Jini cha'an chocbilet c cha'an. Mi caj c tsictesañet che' pits'ilet. Mi caj c chilbeñet a majts.

Jeremias 18:15

Pero ma'anic i xuc'tʌlel c tejclumob. Tsa'ix i cʌyʌyoñob. Woli' pulbeñob pom jini mach bʌ Diosic. Mach uts'atic tsi' q'ueleyob jini toj bʌ bij tsa' bʌ c pʌsbeyob c'ʌlʌl ti oñiyi. Tsi' xoyoyob i bijlel. Woliyob ti xʌmbal ti yambʌ bij tac cha'an yomob mulil.

Jeremias 2:32

Jini c'ajtibil bʌ xch'oc, ¿mach ba c'ajalic i cha'an i ch'ʌjlil mu' bʌ caj i lʌp ti ñujpuñijel? Pero cabʌlix q'uin chʌn ñajʌyemon i cha'an c winicob x'ixicob.

Jeremias 3:2

Pam q'uele jini bujtʌl tac. ¿Am ba jump'ejl bujtʌl ba' mach tic'lʌbiletic? Tsa' pijta a pi'ʌlob ti' t'ejl bij che' bajche' mi' mel árabe ti jochol bʌ lum. Tsa' bib'esa jini lum ti a ts'i'lel yic'ot a jontolil.

Jeremias 31:9

Che' talob jini woliyo' bʌ ti uq'uel, mi caj c toj'esañob tilel ti wen bʌ bij ame i jats'ob i yoc. Mi caj c pʌyob tilel ba'an cuxul bʌ ja', come i taton Israel. Jiñʌch yʌx alʌl bʌ calobil Efraín.

Jeremias 7:29

Set'e i tsutsel a jol, Jerusalén. Cucux ti uq'uel ti a bajñelil ya' ti' chañelal wits, come chocbiletix i cha'an lac Yum woli bʌ i mich'leñet. Cʌybiletix i cha'an.

Ezequiel 23:35

Lac Yum woli' yʌl: Tsa'ix ñajʌyiyon a cha'an. Tsa'ix a sutq'ui a pat tic tojlel. Jini cha'an ch'ʌmʌ ti a wenta a bajñel mul yic'ot pejtelel a ts'i'lel tsa' bʌ a mele, che'en.

Ezequiel 7:16

Jini mu' bʌ i mejlelob ti puts'el majlel ti chan tac bʌ wits che' bajche' x'ujcuts mi caj i yuc'tañob i mul.

Oseas 13:6

Che' ñajobix, che' bʌ tsa' ujtiyob ti we'el, chan tsi' meleyob i bʌ. Tsa' ñajʌyiyon i cha'añob.

Oseas 8:14

Tsa' ñajʌyiyon ti' pusic'al israelob. Tsi' meleyob colem otot. Judá ja'el tsi' mele cabʌl tejclum tac joyol bʌ ti ts'ajc ba' mi' lon ñopob i coltañob i bʌ. Pero ma'anix mi' chʌn ña'tañon jini israelob yic'ot judíojob. Mi caj c laj jisañob ti c'ajc. Che' tsi' yʌlʌ lac Yum.

Miqueas 3:9

Ñich'tanla che' jini, yumʌlet bʌ la ti Israel. Mi la' ts'a'len chuqui tac toj. Mi la' soc jini wen tac bʌ.

Numeros 22:32

I yángel lac Yum tsi' sube: ¿Chucoch uxyajl tsa' to'o jats'ʌ a burro? Tilemon cha'an mic mʌctañet cha'an a jontolil, ame jisʌntiquet cha'an jini chuqui woli bʌ a ña'tan a mel.

2 Corintios 7:10

Come i ch'ijiyemlel lac pusic'al ch'oyol bʌ ti Dios mi' yʌq'ueñonla laj cʌy lac mul cha'an mi laj coltʌntel. Tijicñayonla che' an i ch'ijiyemlel lac pusic'al ch'oyol bʌ ti Dios, pero i ch'ijiyemlel tilem bʌ ti pañimil mi' yʌc' ti chʌmel.