Jeremias 3:18 - Chol: I T’an Dios

¹⁸ Ti jim bʌ ora mi caj i tem cha'leñob xʌmbal i yalobilob Judá yic'ot i yalobilob Israel. Loq'uemo' bʌ ti norte mi caj i tem julelob ti jini lum tsa' bʌ cʌq'ueyob i tatob.

Chol de Tumbalá Bible

¹⁸ Ti jim bʌ ora mi caj i tem cha'leñob xʌmbal i yalobilob Judá yic'ot i yalobilob Israel. Loq'uemo' bʌ ti norte mi caj i tem julelob ti jini lum tsa' bʌ cʌq'ueyob i tatob.

Jeremias 3:18 Iomraidhean Croise

Genesis 12:7

Tsa' tsictiyi lac Yum ti' wut Abram. Tsi' sube: Mi caj cʌq'uen a p'olbal ili lum, che'en. Abram tsi' wa'chocobe i pulʌntib i majtan lac Yum ya' ba' tsi' pʌsʌ i bʌ lac Yum ti' wut Abram.

Isaias 43:5

Mach a cha'len bʌq'uen, come añon quic'otet. Mi caj c tempan tilel ti Sion a walobilob ba' pam pujquemob ya' ti' pasibal q'uin yic'ot ti' bʌjlibal q'uin.

Isaias 43:6

Mi caj c pʌy loq'uel calobilob ti norte yic'ot ti sur. Ma'anic mi caj i mʌctʌntelob. Anquese ñajt añob mi caj c pʌyob tilel.

Jeremias 16:15

Pero mi caj i yʌlob: Cuxul lac Yum tsa' bʌ i pʌyʌ loq'uel israelob ti norte yic'ot ti pejtelel lum baqui tsa' wejts'iyob majlel”. Che'ʌch mi caj a subeñob, che'en lac Yum. Come joñon mi caj c cha' pʌyob tilel ti' lumal, ti jini jach bʌ lum tsa' bʌ cʌq'ueyob i tatob.

Jeremias 23:8

Mi caj i yʌlob: “Cuxul lac Yum tsa' bʌ i cha' pʌyʌ loq'uel Israel ti pejtelel lum baqui wets'bilob majlel cha'an mi' pʌyob tilel ti' lumal”. Che' mi caj i yʌlob, che'en lac Yum.

Jeremias 3:12

Cucu ti' tojel norte ba'an Israel. Suben ili t'an: “Tsa' cʌyʌyon, Israel, pero sujtenix, che'en lac Yum. Mach mich'onic, come wen cujil p'untaya. Lac Yum tsi' yʌlʌ: Mach ti pejtelelic ora mi caj c mich'leñet.

Jeremias 30:3

Tal i q'uiñilel tac che' mi caj c cha' pʌy loq'uel c tejclum Israel yic'ot Judá ya' ba' cʌchʌlob. Mi caj c cha' pʌyob tilel ti jini lum tsa' bʌ cʌq'ueyob i tatob. I cha'añobʌch mi caj i sujtel jini lum.

Jeremias 31:8

Awilan mi caj c cha' pʌyob loq'uel ti norte yic'ot ti jujunwejl pañimil. Mi caj c cha' tempañob tilel yic'ot jini mach bʌ wenic i yoc i c'ʌb yic'ot x'ixicob cʌntʌbilo' bʌ i yalobil yic'ot x'ixicob woliyo' bʌ ti bajq'uel. Cabʌlob mi caj c cha' pʌy tilel.

Jeremias 50:20

Ti jim bʌ ora mi caj i wersa sʌclʌntel i mul i colojbal Israel yic'ot Judá, pero ma'anix tsiquil i mul, come joñon mi caj c ñusʌbeñob.

Jeremias 50:4

Ti jim bʌ ora jini ch'oyolo' bʌ ti Israel yic'ot ti Judá mi caj i temel sujtelob ti' lumal. Ju'ucñayob mi caj i tilelob. Mi caj i sʌclañob i Yum Dios.

Jeremias 50:5

Mi caj i c'ajtiñob majlel i bijlel Sion. “Conla”, che'ob. “La' lac ñochtan lac Yum. La' la cʌq'uen lac bʌ ti trato mach bʌ yujilic jejmel ti pejtelel ora”, che'ob. Che' yom ma' subeñob, che'en lac Yum.

Jeremias 7:7

Che' jini mi caj la' chʌn ajñel ti jini lum wʌ' ba' añetla tsa' bʌ cʌq'ueyob la' tatob. I cha'añobʌch ti pejtelel ora.

Ezequiel 11:17

Mi caj c cha' pʌyetla loq'uel ti pejtelel lum ba' pam pujquemetla cha'an mic cha' aq'uetla ti' lumal Israel”. Che'ʌch yom ma' subeñob.

Oseas 1:11

Jini año' bʌ ti Judá yic'ot Israel mi caj i tem ajñelob ti junmojt jach. Mi caj i tem yumañob juntiquil yumʌl. Mi caj i cha' loq'uelob ba' cʌchʌlob. Wen tijicña jini q'uin che' temel mi' sujtelob ti' lumal. Dios mi caj i cha' otsañob ti jini wen bʌ lum tsa' bʌ i yʌq'ueyob, che'en.

Oseas 11:12

Xlotob jini israelob, cha'p'ejl jax i pusic'al, pero mi' chʌn bʌc'ñañoñob jini año' bʌ ti Judá. Chʌn xuc'ul mi' yajñelob yic'ot jini Ch'ujul Bʌ.

Oseas 2:2

Yom ma' pʌy a ña' ti wocol t'an, come tsa'ix ochi ti' yijñam yambʌ winic. Mach quijñamix. Tsi' cʌyʌyon. Suben ti wocol t'an cha'an mi' cʌy i ts'i'lel, cha'an mach mi' chʌn pi'leñob yaño' bʌ.

Amos 9:15

Mi caj c pʌc' c cha'año' bʌ ti' lumal. Ti pejtelel ora ma'anix mi caj i chʌn bojquelob ti' lum tsa' bʌ cʌq'ueyob, che'en la' Yum Dios.

Zacarias 10:6

Joñon mi caj c ch'ejl'esan jini año' bʌ ti Judá yic'ot ti Israel. Mi caj c cha' wa'chocoñob ti' lumal, come c'ux mi cubiñob anquese tsac poj chocoyob. Mi caj i yajñelob quic'ot che' bajche' c cha'añob ti pejtelel ora, come joñon i Yumon i Dioson. Jini cha'an mi caj c jac'beñob i t'an.

Zacarias 2:6

Lac Yum tsi' subeyob jini tsa' bʌ cʌjchiyob majlel: La'la ti puts'el. Loq'uenla ti Babilonia ya' ti norte. Tsac pucuyetla ti pejtelel pañimil, pero mi caj c cha' pʌyetla tilel. Cha'lenla wersa cha'an mi la' bʌc' tilel ti Sion, che'en.