Jeremias 3:14 - Chol: I T’an Dios

¹⁴ Sujtenla, israelob. Calobiletla anquese tsa' la' cʌyʌyon, i wenta la' ñoxi'alon. Mi caj c pʌyetla loq'uel, juntiquil ti jump'ejl tejclum, cha'tiquil ti jump'ejl otot cha'an mic pʌyetla majlel ti Sion.

Chol de Tumbalá Bible

¹⁴ Sujtenla, israelob. Calobiletla anquese tsa' la' cʌyʌyon, i wenta la' ñoxi'alon. Mi caj c pʌyetla loq'uel, juntiquil ti jump'ejl tejclum, cha'tiquil ti jump'ejl otot cha'an mic pʌyetla majlel ti Sion.

Jeremias 3:14 Iomraidhean Croise

Jeremias 2:19

Jini a jontolil mi caj i yʌq'uet ti quisin che' mi' cajel ti t'an a pusic'al. Mi caj c jultesʌbeñet a pusic'al cha'an tsa' cʌyʌyon. Yomix ma' ña'tan quisintic jax a jontolil cha'an tsa'ix a cʌyʌyon. Tsa' cʌyʌ a Yum Dios. Ma'anix ma' bʌc'ñañon, che'en i Dios Panchan yic'ot Pañimil, jiñʌch lac Yum.

Jeremias 31:32

Mach i pi'ʌlic jini xuc'ul bʌ t'an tsa' bʌ c mele yic'ot i tatob che' bʌ tsac pʌyʌyob loq'uel ti jini lum Egipto. Tsi' jemeyob jini xuc'ul bʌ t'an tsa' bʌ c mele yic'otob anquese i ñoxi'alon, che'en lac Yum.

Isaias 54:5

Come lac Yum mi caj i pʌyet cha'an i yijñam. Jiñʌch i Yum Panchan yic'ot Pañimil. Che'ʌch i c'aba'. Jini Xcoltaya a cha'an jiñʌch Ch'ujul Bʌ i cha'an Israel. I Diosʌch pejtel pañimil.

Jeremias 23:3

Joñon mi caj c cha' tempan tilel i colojbal c tiñʌme' baqui jach añob. Tsac wets'eyob majlel ti cabʌl lum tac, pero mi caj c cha' pʌyob tilel ti' yajñib. Mi' cajelob ti colel. Mi' cajelob ti p'ojlel.

Jeremias 3:8

Junlajal i jontolil Judá, i chich Israel. Tsi' q'uele i ts'i'lel Israel. Q'uelelix i cha'an che' bʌ tsac choco majlel yic'ot i juñilel divorcio cha'an tsi' cʌyʌyon che' bajche' x'ixic mu' bʌ i cʌy i ñoxi'al. Pero mach yujilic bʌq'uen Judá. Junlajal tsa' caji' mel i ts'i'lel che' bajche' Israel.

Jeremias 2:2

Cucu subeñob c t'an jini winicob ti Jerusalén: “C'ajal to c cha'an bajche' añet che' ch'o'ch'oquet. Wen bʌxet tic tojlel. Wen cabʌl a c'uxbiya che' bajche' ti' yorajlel ñujpuñijel. Tsa' wen tsajcayon ti colem tiquin lum ba' ma'anic pʌc'ʌbʌl.

Isaias 10:22

Anquese cabʌlob jini israelob che' bajche' i ji'il ñajb, cojach lamital mi caj i sujtelob. Come Dios tsi' wʌn ña'ta i jisan i cha'año' bʌ, come toj i pusic'al, toj pejtel i melbal.

Isaias 6:13

Mi tsa' cʌle junmojt loq'uem bʌ ti lujunmojt, muc'ʌch i sejq'uel jubel ja'el che' bajche' c'olol te'. Pero che' bajche' mi' cha' colel i xujc'unte'lel che' sec'bilix, che'ʌch ja'el jini ch'ujul bʌ tejclum, che'en.

Romanos 9:27

Isaías ja'el tsi' yʌlʌ cha'an Israelob: “Anquese lajal ti' tsicol i yalobilob Israel bajche' i ji'il colem ñajb, lamital jach mi caj i coltʌntelob.

Jeremias 3:1

Mi an winic mu' bʌ i choc loq'uel i yijñam, ¿mu' ba caj i cha' pʌy mi tsa' pʌjyi cha'an yambʌ winic? Tic'bilix ti mandar come tic'lʌbilix jini x'ixic. ¿Mach ba bibi'ic ti' wut Dios jini lum ba' mi' melob che' bajche' jini? Pero jatet sts'i'lel x'ixiquet yilal. Cabʌl jini c'uxbibilo' bʌ a cha'an. Jumuc' jach mi' yajñelob a wic'ot, jumuc' jach ma' cha' tilel quic'ot, che'en lac Yum.

Isaias 17:6

Ts'i'ta jax mi caj i cʌytʌlob winicob che' bajche' ts'i'ta jax mi' cʌytʌl i wut olivote' che' ujtemix ti tujq'uel, wʌjʌl p'ʌcʌl jax, che'en lac Yum i Dios Israel.

Isaias 1:9

Ts'ita jax tsa' cʌleyonla, mach oñonixla. Machic tsi' coltayonla i Yum Panchan yic'ot Pañimil, tsa' jisʌntiyonla che' bajche' Sodoma yic'ot Gomorra.

Isaias 31:6

Jini cha'an, c piʌlob, anquese jontoletla, la'la sutq'uin la' bʌ ba'an Dios.

Isaias 57:17

Cha'an i wo'lel ti chubʌ'añʌl tsa' jumuc' mich'ayon. Tic mich'ajel tsac lowoyob. Tsac mʌybeyob c wut. Tsi' xoyoyob i bijlel. Tsi' meleyob chuqui tac jach yomob.

Jeremias 3:12

Cucu ti' tojel norte ba'an Israel. Suben ili t'an: “Tsa' cʌyʌyon, Israel, pero sujtenix, che'en lac Yum. Mach mich'onic, come wen cujil p'untaya. Lac Yum tsi' yʌlʌ: Mach ti pejtelelic ora mi caj c mich'leñet.

Jeremias 29:14

Mi caj cʌc' c bʌ ti cʌjñel ti la' tojlel, che'en lac Yum. Mi caj c cha' sutq'uibeñetla la' lum yic'ot i tijicñʌyel la' pusic'al che' mic pʌyetla loq'uel ti jujump'ej lum ba' tsac wets'eyetla majlel, che'en lac Yum. Joñon mi caj c cha' pʌyetla ochel ti la' lum ba' tsac chocoyetla loq'uel.

Jeremias 31:6

Tal jini q'uin che' mi caj i yʌlob xq'uel ts'usubilob ya' ti Efraín: “Conla ti Sion ba'an lac Yum Dios”, che'ob.

Jeremias 31:12

Cha' talob ti' tijicñʌyel i pusic'al cha'an mi' cha'leñob c'ay ti' chañelal jini wits Sion. Tijicñayob i wut cha'an coltʌbilob ti lac Yum. Tsi' yʌq'ueyob ixim yic'ot i ya'lel ts'usub yic'ot tsiji' bʌ aceite yic'ot i yal alʌc'ʌl yic'ot i yal wacax. Ch'ejl mi caj i sujtelob che' bajche' tsijcʌbil bʌ pʌc'ʌbʌl. Cha' ch'ejlix i ch'ujlel cha'an jini cuxul bʌ ja' mu' bʌ cʌq'ueñob. Ma'anix mi caj i chʌn ubiñob ch'ijiyem bʌ i pusic'al.

Oseas 5:15

Jini cha'an joñon mi caj cʌyob. Mi caj c cha' majlel ba' tsa' tiliyon jinto mi' ña'tañob i mul. Che' jini mi caj i cha' sʌclañoñob. Che' cabʌlobix i wocol mi caj i cha' ña'tañoñob.

2 Cronicas 30:6

Jini cha'an tsa' majliyob jini x'ac'juñob i yʌc'ob jini jun ti pejtelel Israel yic'ot ti Judá che' bajche' tsi' ña'ta jini rey yic'ot x'e'telob i cha'an. Tsi' yʌlʌ ti jun: Israelob, cha' sutq'uin la' bʌ ti lac Yum i Dios Abraham yic'ot Isaac yic'ot Israel, cha'an mi' cha' uts'an i pusic'al ti' tojlel i colojbal israelob tsa' bʌ cʌleyob che' bʌ tsa' ñumi jini rey ti Asiria.

Isaias 27:12

Pero ti jini tal to bʌ ora lac Yum mi caj i cha' tempan tilel i cha'año' bʌ. Mi caj i yajcañob tilel ti jujuntiquil c'ʌlʌl ti colem ja' i c'aba Eufrates c'ʌlʌl ti Egipto. Mi caj i yajcañob che' bajche' mi lac yajcan trigo ya' ba' mi' jajts'el loq'uel i bʌc'.

Isaias 44:22

Joñon tsac sʌc jisa a mul che' bajche' tocal. Majlemix che' bajche' i yowix lum. Jini cha'an yom ma' cha' sutq'uin a bʌ tic tojlel come tsac mʌñʌyet.

Isaias 55:7

La' i cʌy i mul jini xjontolil. Jini mach bʌ tojic la i cʌy i ña'tan jontolil. La' i sutq'uin i bʌ ti lac Yum, come mi caj i p'untan. Mi caj i ñusʌben i mul ti pejtelel i pusic'al.

Zacarias 1:4

Mach yomic lajaletla bajche' la' ñojte'elob. Jini x'alt'añob tsi' pejcayob ti oñiyi cha'an mi' cʌyob i mul. Tsi' yʌlʌyob: “Ubinla i t'an i Yum Panchan yic'ot Pañimil. Cʌyʌ la' mul, come leco jax la' melbal”, che'ob. Pero ma'anic tsi' jac'ʌyob. Ma'anic tsi' p'isiyob ti' wenta.