Jeremias 3:13 - Chol: I T’an Dios

¹³ Jini jach yom ma' mel a bʌ quic'ot. Subu a mul cha'an tsa' ñusʌbe i t'an a Yum Dios. Tsa' cha'le ts'i'lel ti' tojel c wut. Tsa' ch'ujutesa dios tac ti' yʌxñʌlel pejtel te' cha'an mach a womic a jac'beñon c t'an.

Chol de Tumbalá Bible

¹³ Jini jach yom ma' mel a bʌ quic'ot. Subu a mul cha'an tsa' ñusʌbe i t'an a Yum Dios. Tsa' cha'le ts'i'lel ti' tojel c wut. Tsa' ch'ujutesa dios tac ti' yʌxñʌlel pejtel te' cha'an mach a womic a jac'beñon c t'an.

Jeremias 3:13 Iomraidhean Croise

Nehemias 9:2

Tsi' tʌts'ʌyob i bʌ ti' tojlel jini ch'oyolo' bʌ ti yan tac bʌ lum. Ti jujuntiquil tsa' wa'leyob i sub i mul. Tsi' subuyob i jontolil i ñojte'el ja'el.

Proverbios 28:13

Ma'anic mi' taj i wenlel jini mu' bʌ i muc i mul. Jini mu' bʌ i sub i mul, mu' bʌ i cʌy i mul, mi caj i p'untʌntel.

Isaias 57:5

Mi la' xic' la' bʌ ti mulil ti' yebal c'ololte' ya' ba' mi la' ch'ujutesan dioste' tac. Mi la' tsʌnsan alʌlob ya' ti' ti' pa' yic'ot ya' ba' lech'el xajlel, cha'an mi la' wʌc' majtañʌl.

Jeremias 14:10

Lac Yum tsi' subeyon wen cabʌl jax i sajtemal i winicob. Mi' mulañob i xoy i bijlel. Ma'anic mi' tic'ob i bʌ. Jini cha'an ma'anic i ñusʌbentel i mul. I yorajlelix mi caj i tojob i mul.

Jeremias 14:20

Mic sub lojon c mul. Isujm añʌch lojon c mul ti' tojel a wut.

Jeremias 2:20

Ñʌmʌlet ti jontolil ti oñiyi c'ʌlʌl wʌle. Tsa' la' choco jubel a tajbal yic'ot a cuch tsa' bʌ cʌq'ueyetla. Tsa' la' wʌlʌ: “Mach comic c mel che' bajche' ma' wʌl”, che'et. Pero ti pejtelel jini chan bʌ bujtʌl yic'ot ti' yʌxñʌlel te' tsa' choco a bʌ che' bajche' sts'i'lel bʌ x'ixic.

Jeremias 2:25

Tsajaletme ame i tajet wocol. Come mux caj a wubin wocol che' pits'il a woc, che' tiquin a ti'. Pero wola' wʌl: “Lolom jach ma' tic'on. Wersa com c chʌn mel che' bajche' mi' melob jini parte bʌ i t'añob, come c'ux mi cubiñob”, che'et.

Jeremias 3:2

Pam q'uele jini bujtʌl tac. ¿Am ba jump'ejl bujtʌl ba' mach tic'lʌbiletic? Tsa' pijta a pi'ʌlob ti' t'ejl bij che' bajche' mi' mel árabe ti jochol bʌ lum. Tsa' bib'esa jini lum ti a ts'i'lel yic'ot a jontolil.

Jeremias 3:25

La' lac pʌcchocon lac bʌ cha'an cabʌl woliyonla ti quisin. Wen wocol añonla, come tsa' laj contraji lac Yum Dios, joñonla yic'ot lac tatob c'ʌlʌl che' ch'itoñon to la c'ʌlʌl wʌle. Ma'anic tsa' lac jac'be i t'an lac Yum Dios”. Che'ʌch woli' comol pejcañob i bʌ, che'en lac Yum.

Jeremias 3:6

Che' woli to ti yumʌl jini rey Josías, lac Yum tsi' subeyon: ¿Tsa' ba a q'uele bajche' tsi' mele Israel che' bʌ tsi' cʌyʌyon? Tsajni i ch'ujutesan i diosob ti yebal te' tac ti jujump'ejl bujtʌl che' bajche' sts'i'lel x'ixic mu' bʌ i yʌc' i bʌ ti pi'lentel cha'an winicob mach bʌ i ñoxi'alic.

Jeremias 7:24

Pero ma'anic tsi' ñich'tayob c t'an. Ma'anic tsi' jac'ʌyob. Tsi' chʌn cha'leyob xʌmbal che' bajche' yomob i bajñel pusic'al. Tsʌtsob i pusic'al. Jontol bajche' tsi' meleyob. Tsi' tʌts'ʌyob i bʌ. Ma'anic tsi' lʌc'tesayob i bʌ.

Jeremias 7:26

Pero ma'anic tsa' la' ñich'tayob. Ma'anic tsa' la' jac'beyob. Tsʌts la' pusic'al, ñumen bajche' la' tatob.

Ezequiel 16:15

Tsa' lon ña'ta a bajñel wenlelʌch. Tsa' caji a bajñel chañ'esan a bʌ cha'an a t'ojol jax. Che' jini tsa' caji a cha'len ts'i'lel yic'ot pejtelel winicob tsa' bʌ ajni awic'ot.

Oseas 5:15

Jini cha'an joñon mi caj cʌyob. Mi caj c cha' majlel ba' tsa' tiliyon jinto mi' ña'tañob i mul. Che' jini mi caj i cha' sʌclañoñob. Che' cabʌlobix i wocol mi caj i cha' ña'tañoñob.

Deuteronomio 12:2

Mi caj la' laj jisan pejtelel jini ajñibʌl tac baqui woli' ch'ujutesañob i dioste' ti' chañelal wits, yic'ot ti bujtʌl tac, yic'ot ti' yʌxñʌlel colem te'.