Jeremias 3:12 - Chol: I T’an Dios

¹² Cucu ti' tojel norte ba'an Israel. Suben ili t'an: “Tsa' cʌyʌyon, Israel, pero sujtenix, che'en lac Yum. Mach mich'onic, come wen cujil p'untaya. Lac Yum tsi' yʌlʌ: Mach ti pejtelelic ora mi caj c mich'leñet.

Chol de Tumbalá Bible

¹² Cucu ti' tojel norte ba'an Israel. Suben ili t'an: “Tsa' cʌyʌyon, Israel, pero sujtenix, che'en lac Yum. Mach mich'onic, come wen cujil p'untaya. Lac Yum tsi' yʌlʌ: Mach ti pejtelelic ora mi caj c mich'leñet.

Jeremias 3:12 Iomraidhean Croise

Genesis 4:7

Mi uts'at chuqui ma' mel uts'at mi caj a q'uejlel. Mi mach uts'atic chuqui ma' mel woli' chijtañet mulil. Wersa yom i tajet mulil pero yom mi' mʌjlel a cha'an. Che' tsi' yʌlʌ lac Yum.

2 Reyob 15:29

Che' woli ti yumʌntel Peka, tsa' tili Tiglat Pileser i rey asiriajob. Tsi' chilbe cabʌl tejclum: Ijón, Abel Betmaaca, Janoa, Cedes, Hazor, Galaad, Galilea, yic'ot pejtelel i lumal Neftalí. Cʌchʌl tsi' pʌyʌyob majlel jini israelob ti Asiria.

2 Reyob 17:23

Jini cha'an lac Yum tsi' wets'eyob loq'uel che' bajche' tsi' subeyob jini x'alt'añob i cha'an. Jini cha'an tsa' cʌjchiyob majlel jini israelob c'ʌlʌl ti Asiria ba' chumulob c'ʌlʌl wʌle.

2 Reyob 17:6

Che' bolomp'ejl jab i ye'tel Oseas, tsa' mʌjli i cha'an jini rey ti Asiria. Tsa' ochi ti Samaria. Cʌchʌl tsi' pʌyʌ majlel jini israelob c'ʌlʌl ti Asiria. Tsi' yotsayob ya' ti Halah, yic'ot ti Habor ti' tojel jini colem ja' i c'aba' Gozán, yic'ot ya' ti colem tejclum tac am bʌ ti Media.

2 Reyob 18:1

Ezequías (i yalobil Acaz) tsi' teche i ye'tel ti Judá che' uxp'ejlix jab i ye'tel Oseas rey bʌ ti Israel. Bolomp'ejl i cha'c'al (29) jab tsi' cha'le i yumʌntel ti Jerusalén. An jo'p'ejl i cha'c'al (25) i jabilel che' bʌ tsi' teche i ye'tel. I ña' jiñʌch Abi (i yalobil Zacarías). Uts'at chuqui tsi' mele ti' wut lac Yum che' bajche' tsi' mele i ñojte'el David.

2 Cronicas 29:10

Jini cha'an comix c mel trato ti' tojlel lac Yum i Dios Israel, cha'an mi' lajmel i mich'lel ti lac tojlel.

2 Cronicas 30:9

Mi uts'at mi la' cha' ac' la' bʌ ti' tojlel lac Yum, mi caj i cha' p'untʌntelob la' pi'ʌlob yic'ot la' walobilob ya' ba' cʌchbilob. Mi caj i cha' julelob ti' lumal. Come wen uts i pusic'al lac Yum Dios. Jal mi' mich'an. Ma'anic mi caj i junyajlel choquetla mi tsa' la' sutq'ui la' bʌ ti' tojlel, che'en.

Salmos 103:17

Pero i yutslel lac Yum ti pejtelel ora an. Lac Yum mi' pʌsbeñob i yutslel yic'ot i tojel jini mu' bʌ i bʌc'ñañob yic'ot i p'olbalob ti lajm ti lajm

Salmos 103:8

Lac Yum mi' cha'len p'untaya, uts i pusic'al. Jal mi' mich'an. Cabʌl mi' p'untañonla.

Salmos 103:9

Mach ti pejtelelic ora mi caj i tic'onla. Ma'anic mi' cʌntan i mich'ajel ti pejtelel ora.

Salmos 145:8

Uts lac Yum, wen yujil p'untaya. Jal mi' mich'an. C'ux mi' yubiñonla.

Salmos 79:5

C Yum, ¿jayp'ejl to q'uin? ¿Chʌn mich'et ba ti pejtelel ora? ¿Tsʌytsʌyña ba a mich'ajel che' bajche' c'ajc woli bʌ ti lejmel?

Salmos 86:15

C Yum, ma' p'untan winicob x'ixicob. Ma' pʌsbeñob i yutslel a pusic'al. Ma' cuchbeñob i sajtemal. Cabʌlʌch a wutslel, wen xuc'ulet.

Salmos 86:5

Isujm uts'atet, c Yum, ma' ñusʌbeñon lojon c mul. Ma' pʌsbeñob i yutslel a pusic'al pejtel mu' bʌ i pejcañetob.

Proverbios 28:13

Ma'anic mi' taj i wenlel jini mu' bʌ i muc i mul. Jini mu' bʌ i sub i mul, mu' bʌ i cʌy i mul, mi caj i p'untʌntel.

Isaias 31:6

Jini cha'an, c piʌlob, anquese jontoletla, la'la sutq'uin la' bʌ ba'an Dios.

Isaias 44:22

Joñon tsac sʌc jisa a mul che' bajche' tocal. Majlemix che' bajche' i yowix lum. Jini cha'an yom ma' cha' sutq'uin a bʌ tic tojlel come tsac mʌñʌyet.

Jeremias 11:6

Lac Yum tsi' subeyon: Subeñob pejtel ili t'an jini chumulo' bʌ ti' tejclum tac Judá yic'ot ti Jerusalén: Ñich'tanla jini xuc'ul bʌ c t'an. Melela.

Jeremias 12:15

Che' colbilobix c winicob ti' p'ʌtʌlel i contrajob, cha' talon c pʌsbeñob i yutslel c pusic'al. Mi caj c cha' pʌyob tilel ti' lumal, jujuntiquil ti' yajñib ba' tsa cʌq'ueyob i lum.

Jeremias 23:8

Mi caj i yʌlob: “Cuxul lac Yum tsa' bʌ i cha' pʌyʌ loq'uel Israel ti pejtelel lum baqui wets'bilob majlel cha'an mi' pʌyob tilel ti' lumal”. Che' mi caj i yʌlob, che'en lac Yum.

Jeremias 3:1

Mi an winic mu' bʌ i choc loq'uel i yijñam, ¿mu' ba caj i cha' pʌy mi tsa' pʌjyi cha'an yambʌ winic? Tic'bilix ti mandar come tic'lʌbilix jini x'ixic. ¿Mach ba bibi'ic ti' wut Dios jini lum ba' mi' melob che' bajche' jini? Pero jatet sts'i'lel x'ixiquet yilal. Cabʌl jini c'uxbibilo' bʌ a cha'an. Jumuc' jach mi' yajñelob a wic'ot, jumuc' jach ma' cha' tilel quic'ot, che'en lac Yum.

Jeremias 3:14

Sujtenla, israelob. Calobiletla anquese tsa' la' cʌyʌyon, i wenta la' ñoxi'alon. Mi caj c pʌyetla loq'uel, juntiquil ti jump'ejl tejclum, cha'tiquil ti jump'ejl otot cha'an mic pʌyetla majlel ti Sion.

Jeremias 3:18

Ti jim bʌ ora mi caj i tem cha'leñob xʌmbal i yalobilob Judá yic'ot i yalobilob Israel. Loq'uemo' bʌ ti norte mi caj i tem julelob ti jini lum tsa' bʌ cʌq'ueyob i tatob.

Jeremias 3:22

“Sujtenla, calobilob, anquese ñajt tsa' la' tʌts'ʌ la' bʌ. Mi caj c lajmesañetla cha'an mi la' tsajcañon”, che'en lac Yum. “Talon lojon, che'ob, come jatet c Yumet lojon, c Dioset lojon.

Jeremias 3:5

¿Chucoch mich'et ti pejtelel ora? ¿Cha'an ba c mul? ¿Mach ba yomic ma' to'ol ñusan mulil?” lon che'et. Che'ʌch tsa' cha'le t'an pero cʌlʌx jax ma' tempan a mul. Ma' to'ol ñusan q'uin ti jontolil, che'en lac Yum.

Jeremias 3:7

Che' cabʌl i mul Israel, tsac sube: “La', sujten ba' añon”, cho'on. Pero ma'anic tsa' sujti. Ma'anic tsi' jac'ʌ.

Jeremias 30:11

Añon quic'otet cha'an mi cʌq'uet ti libre, che'en lac Yum. Mi caj c lu' jisʌbeñob i yumʌntel jini winicob ba' tsac chocoyet ti pujquel, pero ma'anic mi caj c lu' jisañet. Mi caj c ju'sʌbeñet a pusic'al cha'an a mul. Ma'anic mic to'ol ñusan mulil.

Jeremias 31:20

¿Mach ba calobilic Efraín? ¿Mach ba c'uxbibilic c cha'an? ¿Mach ba jinic tsa' bʌ c meq'ue? Jujunyajl che' mi cʌ'len mic chʌn ña'tan. Jini cha'an com to j coltan ti pejtelel c pusic'al. Mi caj c pʌsben i yutslel c pusic'al, che'en lac Yum.

Jeremias 31:21

Cha' ña'tan i bijlel a lumal. Ac'ʌ seña tac ti bij cha'an toj mi' majlelob a pi'ʌlob. Chajpan a bʌ cha'an ma' cha' sujtel ti jini jach bʌ bij ba' tilemet. Cucux xch'oc bʌ calobil, Israel. Sujten ti ili tejclum tac.

Jeremias 31:8

Awilan mi caj c cha' pʌyob loq'uel ti norte yic'ot ti jujunwejl pañimil. Mi caj c cha' tempañob tilel yic'ot jini mach bʌ wenic i yoc i c'ʌb yic'ot x'ixicob cʌntʌbilo' bʌ i yalobil yic'ot x'ixicob woliyo' bʌ ti bajq'uel. Cabʌlob mi caj c cha' pʌy tilel.

Jeremias 33:26

Che'ic jini mux c junyajlel choc i p'olbal Jacob yic'ot i p'olbal c winic David. Che'ic jini, ma'anic mic yajcan juntiquil i p'olbal David cha'an mi' cha'len yumʌl ti' tojlel Abraham yic'ot Isaac yic'ot Jacob yic'ot i p'olbalob. Pero xuc'ulʌch c t'an. Ña'tan che' jini mi caj c cha' coltañob. Mi caj c p'untañob, che'en lac Yum.

Jeremias 4:1

Mi wola' sujtel ba' añon ti pejtel a pusic'al, Israel, yomix ma' junyajlel choc jini diosob ts'alebilo' bʌ c cha'an. Yom xuc'ul ma' tsajcañon. Mach yomix ma' chʌn sajtel ti yambʌ bij.

Lamentaciones 3:22

come cabʌl i yutslel i pusic'al lac Yum. Jini cha'an cuxulon to la. Ma'anic tsi' laj jisayonla. Xuc'ul lac Yum, mi' chʌn p'untañonla ti pejtelel ora.

Ezequiel 11:17

Mi caj c cha' pʌyetla loq'uel ti pejtelel lum ba' pam pujquemetla cha'an mic cha' aq'uetla ti' lumal Israel”. Che'ʌch yom ma' subeñob.

Ezequiel 33:11

Subeñob: “Isujm mic subeñetla, che'en lac Yum Dios, mach comic mi' chʌmel winic yic'ot i mul. Com mi' laj cʌyob i mul cha'an cuxul mi' yajñelob. Cʌyʌx la' jontolil, sutq'uin la' bʌ ba' añon. ¿Chucoch la' wom chʌmel Israel?

Ezequiel 39:25

Pero lac Yum Dios woli' yʌl: Wʌle mi caj c cha' coltan jini tsa' bʌ cʌjchiyob. Mi caj c cha' pʌsbeñob i yutslel c pusic'al pejtel israelob i p'olbalo' bʌ Jacob. Mi caj cʌc' ti cʌjñel ch'ujul bʌ j C'aba'.

Oseas 6:1

Mi caj i yʌlob: “La'ix la. Conla ti sujtel ba'an lac Yum. Come jiñʌch tsa' bʌ i yʌq'ueyonla wocol. Mi caj i cha' coltañonla. Tsi' contrajiyonla, pero mi caj i cha' p'untañonla.

Levitico 26:40

Pero ya' ba' woliyob ti wocol wersa mi caj i subob i mul yic'ot i mul i ñojte'elob. Come ti' caj i tsʌtslelob i pusic'al tsi' ñusʌbeyoñob c t'an. Ma'anic tsi' wen ñopoyoñob.

Zacarias 1:4

Mach yomic lajaletla bajche' la' ñojte'elob. Jini x'alt'añob tsi' pejcayob ti oñiyi cha'an mi' cʌyob i mul. Tsi' yʌlʌyob: “Ubinla i t'an i Yum Panchan yic'ot Pañimil. Cʌyʌ la' mul, come leco jax la' melbal”, che'ob. Pero ma'anic tsi' jac'ʌyob. Ma'anic tsi' p'isiyob ti' wenta.

Deuteronomio 30:2

mi a wom a cha' sutq'uin a bʌ ba'an lac Yum Dios ti pejtelel a pusic'al cha'an ma' jac' pejtelel ili mandar woli bʌ c subeñetla, jatet yic'ot a walobilob ti pejtelel a pusic'al yic'ot pejtelel a ña'tʌbal,