Jeremias 28:1 - Chol: I T’an Dios

¹ Ti jini jach bʌ jab che' chʌmp'ejlix jab yic'ot jo'p'ejl uw i yumʌntel Sedequías, rey bʌ ti Judá, tsa' tili ba' añon jini x'alt'an Hananías (i yalobil Azur) chumul bʌ ti Gabaón. Tsi' pejcayon ti' yotot lac Yum ti' tojlel jini motomajob yic'ot ti' tojlel pejtel winicob.

Chol de Tumbalá Bible

¹ Ti jini jach bʌ jab che' chʌmp'ejlix jab yic'ot jo'p'ejl uw i yumʌntel Sedequías, rey bʌ ti Judá, tsa' tili ba' añon jini x'alt'an Hananías (i yalobil Azur) chumul bʌ ti Gabaón. Tsi' pejcayon ti' yotot lac Yum ti' tojlel jini motomajob yic'ot ti' tojlel pejtel winicob.

Jeremias 28:1 Iomraidhean Croise

1 Reyob 3:4

Jini rey tsa' majli ti Gabaón ba' wa'chocobil jini ñuc bʌ pulʌntib ti bujtʌl ba' i tilel mi' yʌq'uen tsʌnsʌbil bʌ i majtan Dios. Jump'ejl mil tsʌnsʌbil bʌ i majtan tsi' pulbe lac Yum ti jini pulʌntib.

2 Reyob 24:18

An jump'ejl i cha'c'al (21) i jabilel Sedequías che' bʌ tsa' caji ti yumʌntel. Junlujump'ejl jab tsi' cha'le yumʌl ti Jerusalén. I c'aba' i ña' jiñʌch Hamutal i yixic'al Jeremías am bʌ ti Libna. Tsi' mele jontolil ti' tojlel lac Yum che' bajche' tsi' mele jini rey Joacim.

2 Cronicas 36:11

An jump'ejl i cha'c'al (21) i jabilel Sedequías che' bʌ tsa' caji ti yumʌntel. Junlujump'ejl jab tsi' cha'le yumʌntel ya' ti Jerusalén.

Jeremias 23:28

Jini x'alt'an mu' bʌ i cha'len ñajal, la' i sub chuqui tsi' ñajle. ¿Chuqui i ye'tel ñajal? Pero jini yujil bʌ c t'an la' i sub c t'an ti' xuc'tʌlel i pusic'al. Come cabʌlʌch i c'ʌjñibal. Mach mejlic i lajintel jini mero ixim yic'ot tiquinix bʌ jam, che'en lac Yum.

Jeremias 27:1

Che' ti' cajibal i yumʌntel Sedequías (i yalobil Josías) rey bʌ ti Judá, tsa' tili i t'an lac Yum ba'an Jeremías:

Jeremias 27:12

Tsac sube ja'el Sedequías rey bʌ ti Judá: Yom ma' yuman jini rey ti Babilonia. Ch'ʌmben i yugo cha'an ma' melben i ye'tel mi a wom cuxtʌyel.

Jeremias 27:3

Chocbeñob majlel t'an jini rey ti Moab, yic'ot i rey amoñob, yic'ot jini rey ti Tiro, yic'ot jini rey ti Sidón. Talob ti Jerusalén suboñelob año' bʌ ti' wenta ili yumʌlob cha'an mi' pejcañob Sedequías rey bʌ ti Judá.

Jeremias 28:11

Hananías tsi' yʌlʌ ti' tojlel pejtel winicob: Woli' yʌl lac Yum: “Che'ʌch mi caj c jisʌben i p'ʌtʌlel Nabucodonosor rey bʌ ti Babilonia che' maxto ts'ʌctiyemic cha'p'ejl jab. Mi caj i colelob pejtel tejclum”, che'en. Pero Jeremías tsa' jach majli ti' yotot.

Jeremias 28:17

Ti jini jach bʌ jab che' ti' wucp'ejlel uw tsa' chʌmi jini x'alt'an Hananías.

Jeremias 28:5

Jini cha'an jini x'alt'an Jeremías tsi' pejca Hananías ti' tojlel jini motomajob yic'ot ti' tojlel pejtel winicob wa'alo' bʌ ti' yotot lac Yum.

Jeremias 29:15

Pero wolix la' puc lot. Woli la' wʌl: “Añob x'alt'añob lac cha'an ti Babilonia wa'chocobilo' bʌ i cha'an lac Yum”, lon che'etla.

Jeremias 36:12

Tsa' toj majli ti' yotot rey ya' ba' temel añob jini año' bʌ i ye'tel. Ya'an Elisama jini sts'ijbujel (secretario), yic'ot Delaía (i yalobil Semaías), yic'ot Elnatán (i yalobil Achbor), yic'ot Gemarías (i yalobil Safán), yic'ot Sedequías (i yalobil Ananías), yic'ot yaño' bʌ año' bʌ i ye'tel.

Jeremias 37:13

Che' ya' jach an ti' ti' ts'ajc i c'aba' Benjamín, jini xcʌnta ti' Irías (i yalobil Hananías) tsi' chucu jini x'alt'an Jeremías. Tsa' caji' jop'ben i mul: Jatet wola' choñon lojon ti' c'ʌb jini caldeojob, che'en.

Jeremias 37:19

¿Baqui an jini x'alt'añob a cha'an tsa' bʌ i subeyet lot? Tsi' yʌlʌyob: “Mach talic jini rey chumul bʌ ti Babilonia. Ma'anic mi caj i contrajiñet ila ti a lumal”, lon che'ob.

Jeremias 49:34

Jiñʌch i t'an lac Yum ti' contra Elam. Tsa' tili i t'an ba'an Jeremías che' ti' tejchibal i yumʌntel Sedequías, rey bʌ ti Judá.

Jeremias 51:59

Che' chʌmp'ejlix jab i yumʌntel Sedequías, tsa' tili i t'an lac Yum ba'an Jeremías cha'an mi' cha' suben Seraías (i yalobil Nerías, i yalobil bʌ Maasías). Jini Seraías tsi' pi'le ti majlel Sedequías rey bʌ ti Judá che' bʌ tsa' wersa pʌjyi majlel ti Babilonia.

Ezequiel 13:6

Mi' lon q'uelob chuqui mach isujmic. Mi' ñopob lot. Mi' lon alob: Che'ʌch tsi' yʌlʌ lac Yum, che'ob, pero mach chocbilic majlel c cha'an. Woli' lon ña'tañob che'ʌch mi caj i yujtel che' bajche' woli' yʌlob.

Oseas 7:3

Mi' ñuq'uesʌbeñob i pusic'al jini rey yic'ot i jontolil. Jini yumʌlob mi' mulañob lot.

Josue 10:12

Ti jini jach bʌ q'uin che' bʌ lac Yum tsi' yʌc'ʌ jini amorreojob ti' c'ʌb jini israelob, Josué tsi' pejca lac Yum ti' tojlel jini israelob: La' wa'lec jini q'uin wʌ' ti Gabaón. La' wa'lec jini uw ti jini joctʌl i c'aba' Ajalón, che'en.

Josue 9:3

Jini winicob año' bʌ ti Gabaón tsi' yubiyob ja'el bajche' tsi' mele Josué ti' tojlel Jericó yic'ot ya' ti Hai.