Jeremias 27:6 - Chol: I T’an Dios

⁶ Wʌle tsa'ix cʌc'ʌ pejtel ili lum tac ti' c'ʌb c winic Nabucodonosor rey ti Babilonia. Tsa cʌq'ue ja'el pejtel alʌc'ʌl yic'ot bʌte'el. I cha'añʌch.

Chol de Tumbalá Bible

⁶ Wʌle tsa'ix cʌc'ʌ pejtel ili lum tac ti' c'ʌb c winic Nabucodonosor rey ti Babilonia. Tsa cʌq'ue ja'el pejtel alʌc'ʌl yic'ot bʌte'el. I cha'añʌch.

Jeremias 27:6 Iomraidhean Croise

2 Reyob 25:28

Tsi' pʌsbe Joaquín i c'uxbiya. Ñumen ñuc tsa' q'uejli Joaquín che' bajche' pejtelel yambʌ reyob tsa' bʌ cʌjchiyob majlel ti Babilonia.

2 Cronicas 36:23

Jini Ciro rey bʌ ti Persia woli' yʌl: Lac Yum Dios am bʌ ti panchan tsa'ix i yʌc'ʌ tic wenta cha'an mic cha'len yumʌl ti pejtelel pañimil. Tsi' subeyon cha'an mic wa'chocoben i Templo ya' ti Jerusalén am bʌ ti Judá. Cucula ti la' lumal pejteletla i cha'añet bʌ la Dios. La' majlic lac Yum la' wic'ot cha'an uts'at mi la' c'otel. Che' tsi' yʌlʌ Ciro.

Isaias 44:28

Joñon mi cʌq'uen i ye'tel Ciro. Mic sub: “Jiñʌch xcʌnta tiñʌme' c cha'an. Mi caj i mel pejtelel chuqui mi cʌl. Mi caj i yʌc' ti cha' melol Jerusalén. Mi caj cʌc' ti cha' wejlel i c'ʌclib jini Templo”. Tsa'ix cʌc'ʌ c t'an, che'en lac Yum.

Jeremias 21:7

I colojbal winicob x'ixicob mach bʌ anic tsa' chʌmiyob wʌ' ti tejclum mi caj c tem ac'ob ti' c'ʌb Nabucodonosor jini rey ti Babilonia yic'ot Sedequías rey bʌ ti Judá yic'ot i winicob. Mi caj i chʌmelob ti' c'ʌb i contrajob mach bʌ yujilobic p'untaya. Che' woli' yʌl lac Yum”. Che'ʌch yom mi la' suben.

Jeremias 22:25

Mi caj cʌq'uet ti' wenta a contrajob mu' bʌ a bʌc'ñan, ti' wenta Nabucodonosor, jini rey ti Babilonia, yic'ot i soldadojob cabʌl bʌ i p'ʌtʌlel.

Jeremias 24:1

Che' lu' majlemobix, lac Yum tsi' pʌsbeyon cha'p'ejl chiquib ya' c'ʌcʌl ti' tojel i Templo lac Yum, but'ul bʌ ti higo. Nabucodonosor, jini rey ti Babilonia, tsi' cʌchʌ majlel Jeconías rey bʌ ti Judá (i yalobil Joacim), yic'ot jini ñuc bʌ yumʌlob, yic'ot jini wen yujilo' bʌ e'tel ti pʌchi yic'ot ti puy yic'ot ti tsucu taq'uin. Tsi' pʌyʌyob majlel ti Babilonia.

Jeremias 25:9

Mi caj c pʌy tilel pejtel jini winicob chumulo' bʌ ti norte ti mojt ti mojt yic'ot c winic Nabucodonosor, rey bʌ ti Babilonia. Talob i contrajin ili lum yic'ot jini tejclumob yic'ot jini xchumtʌlob yic'ot yan tac bʌ lum. Mi caj c lu' jisañob. Mi caj cʌc'ob ti ts'a'lentel. Mi caj cʌc'ob ti wajlentel. Mi caj cʌc'ob ti quisin ti pejtelel ora.

Jeremias 28:14

che'en i Yum Panchan yic'ot Pañimil, i Dios Israel. Tsa'ix j c'ʌcchoco jini bara ti' bic' pejtel winicob x'ixicob. Mi caj i yochelob ti to'ol e'tel ti tojlel Nabucodonosor, rey ti Babilonia. Mi caj i wersa yumañob. I cha'anix ja'el jini bʌte'el. Tsa'ix c laj aq'ue”, che'en lac Yum.

Jeremias 43:10

Subeñob: “I Yum Panchan yic'ot Pañimil, i Dios Israel, woli' yʌl: P'isi ti la' wenta chuqui wolic mel. Mi caj c pʌy tilel c winic Nabucodonosor rey bʌ ti Babilonia. Mi caj i wa'chocon i buchlib ti' pam ili xajlel tac wʌ' ba' tsac mucu. Mi caj i lich' i pabellón wʌ' ti chan.

Jeremias 49:30

Puts'enla ti ñajtʌl, mujcunla la' bʌ chumulet bʌ la ti Hazor, che'en lac Yum. Come tal i contrajiñetla Nabucodonosor, rey bʌ ti Babilonia. Wʌn ña'tʌbil i cha'an chuqui mi caj i tumbeñetla.

Ezequiel 29:12

Che' bajche' colem bʌ i tiquiñal pañimil mi caj i cʌytʌl i lumal Egipto. Cha'c'al jab ma'anic i yum otot ti jini tejclum tac tsa' bʌ jejmi. Pejtel jini año' bʌ ti Egipto mi caj c pam pucob majlel ti yan tac bʌ tejclum.

Ezequiel 30:24

Mi caj c p'ʌtesʌben i c'ʌb jini rey ti Babilonia. Mi caj cʌq'uen quespada. Pero mi caj j c'ʌsben i c'ʌb jini rey Faraón. Che' jini mi' cajel ti ajcʌn che' bajche' xchʌmel.

Daniel 4:12

Wen i t'ojol jax i yopol, wen cabʌl i wut. Jasʌl i wut cha'an mi' c'uxob ti pejtelel pañimil. Ya' tsa' ajni pejtel bʌte'el ti' yʌxñilel i yebal. Jini xwejlel mut tsi' meleyob i c'u' ti' c'ʌb te'. Ya' tsi' we'sayob i bʌ pejtel cuxulo' bʌ.

Daniel 4:22

Jini te' jiñʌch jatet, c rey. Tsa' coliyet. Tsa' p'ʌtesa a bʌ. Tsa' wen coli a ñuclel c'ʌlʌl tsa' c'oti ti panchan. A yumʌntel tsa' tsictiyi ti pejtelel pañimil.