Jeremias 27:4 - Chol: I T’an Dios

⁴ Subeñob cha'an mi' majlelob ba'an i yumob cha'an mi' subeñob: “Tsi' yʌlʌ i Yum Panchan yic'ot Pañimil, i Dios Israel:

Chol de Tumbalá Bible

⁴ Subeñob cha'an mi' majlelob ba'an i yumob cha'an mi' subeñob: “Tsi' yʌlʌ i Yum Panchan yic'ot Pañimil, i Dios Israel:

Jeremias 27:4 Iomraidhean Croise

Exodo 5:1

Moisés yic'ot Aarón tsa' majliyob ba'an Faraón. Tsi' subeyob: Lac Yum i Dios Israel tsi' pejcayon lojon. Tsi' yʌlʌ: “La' majlicob c tejclumob cha'an mi' melbeñoñob q'uin ya' ti colem bʌ i tiquiñal pañimil”. Che' woli' yʌl lac Yum, i Dios Israel, che'ob.

Jeremias 10:10

Pero lac Yum jiñʌch Dios jini isujm bʌ, jini cuxul bʌ mach bʌ yujilic chʌmel ti pejtelel ora. Che' mich' lac Yum, mi' ñijcan i bʌ lum. Che' mich'ix, mi' puts'elob winicob ti pejtelel pañimil cha'an bʌq'uen.

Jeremias 10:16

Mach che'ic i Dios Jacob, come jini tsi' mele pejtel chuqui tac an. Tsi' yajca Israel cha'an mi yochel ti' cha'an bʌ. Jiñʌch i Yum Panchan.

Jeremias 25:27

Mi caj a subeñob: “Japʌla jinto mi la' yʌc'an, jinto mi la' xejtan. Mi caj la' yajlel. Ma'anix mi caj la' chʌn ch'ojyel come mi caj la' jilel ti espada. Che' woli' yʌl i Yum Panchan yic'ot Pañimil, i Dios Israel”. Che' yom ma' subeñob.

Jeremias 27:3

Chocbeñob majlel t'an jini rey ti Moab, yic'ot i rey amoñob, yic'ot jini rey ti Tiro, yic'ot jini rey ti Sidón. Talob ti Jerusalén suboñelob año' bʌ ti' wenta ili yumʌlob cha'an mi' pejcañob Sedequías rey bʌ ti Judá.

Jeremias 27:5

Joñon tsac mele pañimil. Tsac mele pejtel winicob ti pañimil yic'ot bʌte'el. Lu' c melbalʌch cha'an cabʌl c p'ʌtʌlel. Mi cʌq'uen i p'ʌtʌlel majqui jach com.

Jeremias 28:14

che'en i Yum Panchan yic'ot Pañimil, i Dios Israel. Tsa'ix j c'ʌcchoco jini bara ti' bic' pejtel winicob x'ixicob. Mi caj i yochelob ti to'ol e'tel ti tojlel Nabucodonosor, rey ti Babilonia. Mi caj i wersa yumañob. I cha'anix ja'el jini bʌte'el. Tsa'ix c laj aq'ue”, che'en lac Yum.

Jeremias 51:19

Pero ma'anic mi caj i jisan Jacob, come yajcʌbil Israel i cha'an Dios tsa' bʌ i mele pejtel chuqui an. Jiñʌch i Yum Panchan yic'ot Pañimil. Che'ʌch i c'aba'.