Jeremias 27:13 - Chol: I T’an Dios

¹³ ¿Chucoch a wom a wʌc' a bʌ ti chʌmel yic'ot a pi'ʌlob, ti espada yic'ot ti wi'ñal yic'ot ti c'amʌjel? Come ti jujump'ejl tejclum mi' cajelob ti jilel jini mach bʌ anic mi' yumañob jini rey ti Babilonia.

Chol de Tumbalá Bible

¹³ ¿Chucoch a wom a wʌc' a bʌ ti chʌmel yic'ot a pi'ʌlob, ti espada yic'ot ti wi'ñal yic'ot ti c'amʌjel? Come ti jujump'ejl tejclum mi' cajelob ti jilel jini mach bʌ anic mi' yumañob jini rey ti Babilonia.

Jeremias 27:13 Iomraidhean Croise

Ezequiel 18:31

Cʌyʌxla pejtel la' jontolil. Yom mi la' mel ti tsijib la' pusic'al yic'ot la' cuxtʌlel. ¿Chucoch mi la' lon jilel?

Jeremias 27:8

Wʌle mi an jump'ejl tejclum mach bʌ yomic i yuman Nabucodonosor rey bʌ ti Babilonia, mi mach yomic i ch'ʌm i yugo cha'an mi' melben i ye'tel jini rey ti Babilonia, mi caj cʌq'uen i toj i mul ili tejclum. Mi caj i chʌmel ti espada yic'ot ti wi'ñal yic'ot ti c'amʌjel. Mi caj cʌq'uen i ye'tel jini rey ti Babilonia cha'an mi' jisan, che'en lac Yum.

Proverbios 8:36

Jini mu' bʌ i ñusan jini mach bʌ anic i p'isol i ña'tʌbal mi' soc i bʌ. Pejtelel mu' bʌ i ts'a'leñob yomob chʌmel.

Ezequiel 33:11

Subeñob: “Isujm mic subeñetla, che'en lac Yum Dios, mach comic mi' chʌmel winic yic'ot i mul. Com mi' laj cʌyob i mul cha'an cuxul mi' yajñelob. Cʌyʌx la' jontolil, sutq'uin la' bʌ ba' añon. ¿Chucoch la' wom chʌmel Israel?

Ezequiel 18:24

Pero jini toj bʌ winic mi tsi' cʌyʌ i mel chuqui tac wen cha'an mi' cha'len mulil, mi tsa' caji i mel jontolil che' bajche' xmulilob, ¿cuxul ba mi caj i yajñel jini winic? Ma'anic. Pejtelel chuqui tac tsi' mele ti ñaxan ma'anic mi caj i chʌn ña'tʌntel, come tsi' soco i bʌ cha'an mi' mel jontolil. Ti' cajʌch i mul wersa mi caj i chʌmel.

Ezequiel 14:21

Lac Yum Dios woli' yʌl: Talix chʌnchajp ñuc bʌ wocol cha'an mi' jisan pejtelel cuxulo' bʌ ti Jerusalén: guerra, wi'ñal, jontol bʌ bʌte'el, yic'ot jontol bʌ c'amʌjel.

Jeremias 38:20

Pero Jeremías tsi' sube: Ma'anic mi caj a wʌjq'uel ti' wenta. Jac'beñon wʌle. Mij c'ajtibeñet ti wocol t'an, come jiñʌch i t'an lac Yum woli bʌ c subeñet. Muq'uic a jac', tijicñayet mi caj a cuxtiyel.

Jeremias 38:2

Lac Yum woli' yʌl: “Mi caj i chʌmelob ti espada yic'ot ti wi'ñal yic'ot ti c'amʌjel pejtel mu' bʌ i cʌytʌlob ti ili tejclum, pero mi caj i cuxtʌyelob pejtel mu' bʌ i yʌc'ob i bʌ ti' c'ʌb jini caldeojob. Mi caj i mʌjlel i cha'an caldeojob. Cuxul mi caj i yajñelob jini mu' bʌ i yumañob.

Jeremias 24:9

Mi caj cʌc'ob ti pam pujquel ti pejtelel pañimil ba' ma'anic i lum. Ts'a' mi caj i q'uejlelob. Mi caj i chojquelob loq'uel ti jujump'ejl lum. Mi caj i yubiñob wocol yic'ot wajlentel. Mi caj i tic'lʌntelob. Mi caj i p'ajtʌlob baqui jach mic pucob.

Jeremias 17:4

Mi caj a len cʌy a chumlib yic'ot a lum tsa' bʌ cʌq'ueyet. Mi caj cʌq'uet ti to'ol e'tel ti' wenta a contrajob ya' ti yambʌ lum ti' wenta yumʌlob mach bʌ a cʌñʌyobic. Tsa'ix a wʌc'ʌyon ti mich'ajel. Bʌc'ñʌbil c mich'ajel che' bajche' c'ajc yujil bʌ lejmel ti pejtel ora.

Jeremias 38:23

Ña'tan che' jini, mi caj i pʌjyelob loq'uel ti a wotot pejtel a wijñamob yic'ot a walobilob ti' wenta jini caldeojob. Jatet ja'el ma'anic mi caj a colel ti' c'ʌbob. Jini rey am bʌ ti Babilonia mi caj i chuquet ti' c'ʌb. Mi caj i pul ili tejclum. Che' tsi' yʌlʌ Jeremías.