Jeremias 27:10 - Chol: I T’an Dios

¹⁰ Pero lot jach chuqui woli' subeñetla. Jini cha'an mi caj la' chojquel loq'uel ti la' lum. Joñon mi caj c choquetla loq'uel, che'en lac Yum.

Chol de Tumbalá Bible

¹⁰ Pero lot jach chuqui woli' subeñetla. Jini cha'an mi caj la' chojquel loq'uel ti la' lum. Joñon mi caj c choquetla loq'uel, che'en lac Yum.

Jeremias 27:10 Iomraidhean Croise

Exodo 22:18

Yom mi' tsʌnsʌntel xwujt.

Jeremias 14:14

Lac Yum tsi' subeyon: Jini x'alt'añob woli' lon c'ʌñob j c'aba' che' mi' cha'leñob lot. Ma'anic tsac chocoyob ti subt'an. Ma'anic tsac pejcayob. Lot jach chuqui woli' q'uelob che' bajche' ti ñajal. Che' mi' subob chuqui tac tal, mach isujmic. Ch'oyol jach ti' bajñel pusic'al. Chan mi' melob i bʌ.

Jeremias 23:16

I Yum Panchan yic'ot Pañimil woli' yʌl: Mach la' ñich'tʌbeñob i t'an jini x'alt'añob che' mi' subeñetla chuqui tac tal. Mi' lon ñʌch'tesʌbeñet la' pusic'al ti lot. Tilem i t'an ti' bajñel pusic'al, mach tilemic ti lac Yum.

Jeremias 23:25

Tsa cubibeyob i lot jini x'alt'añob mu' bʌ i lon jop'ob t'an tij c'aba'. Mi' yʌlob: “Tsac ñajle jini, tsac ñajle yambʌ”, lon che'ob.

Jeremias 27:14

Mach yomic ma' ñich'tʌben i t'an jini x'alt'añob. Woliyob ti lot che' mi' yʌlob mach yomic ma' yuman jini rey ti Babilonia.

Jeremias 27:15

Lac Yum tsi' yʌlʌ: “Ma'anic tsac choco tilel ili x'alt'añob, pero mi' cha'leñob lot tij c'aba'. Jini cha'an mi caj c choquet loq'uel. Mi caj a chʌmel a wic'ot jini x'alt'añob woli bʌ i cha'leñob lot”. Che'ʌch tsi' yʌlʌ lac Yum, cho'on tsac sube Sedequías.

Jeremias 27:16

Tsac subeyob ja'el jini motomajob yic'ot yaño' bʌ: Lac Yum woli' yʌl: “Mach yomic mi la' ñich'tʌbeñob i t'an jini x'alt'añob la' cha'an mu' bʌ i yʌlob: La' wila to jini ch'oyolo' bʌ ti Babilonia, mi caj i cha' sutq'uiñob jini latu tac tsa' bʌ i ch'ʌmʌyob loq'uel ti' yotot lac Yum, che'ob. I lot jach.

Jeremias 28:11

Hananías tsi' yʌlʌ ti' tojlel pejtel winicob: Woli' yʌl lac Yum: “Che'ʌch mi caj c jisʌben i p'ʌtʌlel Nabucodonosor rey bʌ ti Babilonia che' maxto ts'ʌctiyemic cha'p'ejl jab. Mi caj i colelob pejtel tejclum”, che'en. Pero Jeremías tsa' jach majli ti' yotot.

Jeremias 28:16

Jini cha'an lac Yum woli' yʌl: “Awila to, mi caj c jisañet. Ti jini jach bʌ jab mi caj a chʌmel come tsa' cʌntesa c winicob cha'an mi' cʌyoñob”. Che' woli' yʌl lac Yum, che'en Jeremías.

Jeremias 32:31

Ti jini q'uin che' bʌ tsi' wa'chocoyob ili tejclum c'ʌlʌl wʌle mich'on cha'an i mul. Jini cha'an mi caj c chocob ba' ma'anix mic chʌn q'uelob.

Jeremias 8:19

Ubinla, woliyob ti uq'uel jini c'uxbibilo' bʌ c pi'ʌlob ti ñajt bʌ lum. ¿Baqui an lac Yum? ¿Tsa' ba i cʌyʌ i cha'len yumʌl ti lac tojlel? che'ob. Lac Yum woli' yʌl: ¿Chucoch tsi' yʌc'ʌyoñob ti mich'? ¿Chucoch tsi' ch'ujutesayob jini dios tac, i melbal tac jini ch'oyolo' bʌ ti ñajtʌl? che'en lac Yum.

Lamentaciones 2:14

Cabʌl tsi' lotiyetla jini x'alt'añob la' cha'an. Tonto i t'an. Ma'anic tsi' pʌsbeyet la' mul cha'an mi la' sutq'uin la' bʌ. Tsi' cha'leyob lot. Tsi' yʌlʌyob ma'anic mi caj la' pʌjyel majlel ti to'ol e'tel ti' wenta la' contrajob.

Daniel 4:7

Tsa' tiliyob jini año' bʌ cabʌl i ña'tʌbal, yic'ot xch'ʌcojelob, yic'ot xq'uel ec'ob, yic'ot xtic'layajob. Tsac tsictesʌbeyob c ñajal, pero ma'anic tsa' mejli i subeñoñob i sujmlel.

Zacarias 10:2

Lolom jach jini dios tac. Jini xch'ʌcojelob mi' cha'leñob lot. Mi' lon alob chuqui mach isujmic. Ma'anic mi' ts'ʌctiyel jini mu' bʌ i lon ña'tañob. Jini cha'an woli' sajtelob c cha'año' bʌ che' bajche' tiñʌme'. Woliyob ti wocol, come ma'anic majqui mi' cʌntañob.

Malaquias 3:5

Woli' yʌl lac Yum: Talon c meletla. Mi caj c choc tilel castigo ti ora. Ora jach mi caj cʌq'ueñob i toj i mul jini xwujtob yic'ot mu' bʌ i cha'leñob ts'i'lel, yic'ot xlotob, yic'ot mu' bʌ i xujch'ibeñob i chobejtʌbal jini x'e'telob, yic'ot mu' bʌ i tic'lañob meba' x'ixicob yic'ot meba' alʌlob, yic'ot mu' bʌ i chilbeñob i chubʌ'an jini ñajt bʌ ch'oyolob, yic'ot pejtel mach bʌ añobic mi' bʌc'ñañoñob, che'en i Yum Panchan yic'ot Pañimil.

Deuteronomio 18:10

Mach yomic mi' yajñel ti la' tojlel mi juntiquilic mu' bʌ i pul ti c'ajc ch'iton mi xch'oc bʌ i yalobil. Mach yomic mi xtic'laya mi xwujt mi jini mu' bʌ i wʌn ña'tan chuqui mi caj i yujtel, mi jini mu' bʌ i yʌc' i bʌ ti' wenta ec',