Jeremias 26:2 - Chol: I T’an Dios

² Tsi' subeyon: Wa'i' ti' pat i Templo lac Yum. Subeñob ili t'an pejtel tejclum tac ti Judá mu' bʌ i c'otelob ti ch'ujutesaya. Yom ma' lu' subeñob che' bajche' wolic subeñet. Mach yomic mi' sajtel mi jump'ejlic c t'an ti pejtelel.

Chol de Tumbalá Bible

² Tsi' subeyon: Wa'i' ti' pat i Templo lac Yum. Subeñob ili t'an pejtel tejclum tac ti Judá mu' bʌ i c'otelob ti ch'ujutesaya. Yom ma' lu' subeñob che' bajche' wolic subeñet. Mach yomic mi' sajtel mi jump'ejlic c t'an ti pejtelel.

Jeremias 26:2 Iomraidhean Croise

Jeremias 1:17

Chajpan a bʌ. Cucux subeñob pejtel jini t'an tsa' bʌ c subeyet. Mach a bʌc'ñañob che' ma' q'uelbeñob i wut, ame mi cʌq'uet ti quisin ti' tojlelob.

Jeremias 1:7

Lac Yum tsi' chʌn pejcayon: Cʌyʌx a sub a bʌ cha'an ch'o'ch'oquet to. Anquese maxto anic a jabilel, mi caj a cha'len t'an baqui jach mic choquet majlel. Che' bajche' mic subeñet mi caj a cha' sub.

Jeremias 19:14

Jeremías tsa' ujti i sub ili t'an ti Tofet ya' ba' tsi' choco majlel lac Yum. Tsa' cha' sujti ti tejclum. Tsa' wa'le ti' pat i yotot lac Yum. Tsi' subeyob pejtel i pi'ʌlob:

Jeremias 23:28

Jini x'alt'an mu' bʌ i cha'len ñajal, la' i sub chuqui tsi' ñajle. ¿Chuqui i ye'tel ñajal? Pero jini yujil bʌ c t'an la' i sub c t'an ti' xuc'tʌlel i pusic'al. Come cabʌlʌch i c'ʌjñibal. Mach mejlic i lajintel jini mero ixim yic'ot tiquinix bʌ jam, che'en lac Yum.

Jeremias 25:2

Jeremías tsi' cha' subeyob pejtel año' bʌ ti Judá yic'ot pejtel chumulo' bʌ ti Jerusalén:

Jeremias 28:5

Jini cha'an jini x'alt'an Jeremías tsi' pejca Hananías ti' tojlel jini motomajob yic'ot ti' tojlel pejtel winicob wa'alo' bʌ ti' yotot lac Yum.

Jeremias 36:10

Ya' ti' yotot lac Yum, Baruc tsi' pejca i t'an Jeremías tsa' bʌ ts'ijbunti. Tsi' laj ubiyob ya' ti mal otot i cha'an Gemarías (i yalobil Safán) jini sts'ijbujel am bʌ i ye'tel ti' tojlel rey. Ya' añob ti chan bʌ coyerol ba'an tsiji' bʌ i ti' Templo.

Jeremias 42:4

Jeremías tsi' subeyob: Mi caj c mel che' bajche' woli la' wʌl. Mi caj c pejcan lac Yum Dios. Mi caj c cha' subeñetla pejtel chuqui mi' sub. Ma'anic mi caj c muc, che'en.

Jeremias 7:27

Subeñob pejtel ili t'an, pero mach muq'uic i ñich'tañob. Pʌyʌyob, pero mach i jac'ʌyobic.

Ezequiel 3:10

I yalobil winic, otsan ti a pusic'al pejtelel jini c t'an tsa' bʌ c subeyet. Yom ma' wen ubin.

Ezequiel 33:7

Che' ja'el, i yalobil winic, tsa'ix c wa'chocoyet che' bajche' xcʌntaya ti' tojlel jini israelob. Pejtel jini c t'an mu' bʌ c subeñet, yom ma' ñich'tan cha'an ma' cha' subeñob.

Ezequiel 40:4

Jini winic tsi' subeyon: I yalobil winic, yom ma' wen q'uel pejtelel iliyi. Yom ma' wen ñich'tan pejtel jini t'an. Wen ac'ʌ ti a pusic'al pejtel jini mu' bʌ c pʌsbeñet, come tsac pʌyʌyet tilel cha'an ma' q'uel. Pejtel chuqui tac ma' q'uel yom ma' cha' subeñob jini israelob.

Mateo 28:20

Cʌntesanla cha'an mi' laj ch'ujbiñob pejtelel chuqui tac tsac subeyetla. Awilan, añon quic'otetla ti pejtelel ora c'ʌlʌl ti' jilibal pañimil. Che' tsi' yʌlʌ Jesús.

Lucas 19:47

Ti jujump'ejl q'uin tsi' cha'le cʌntesa Jesús ti Templo. Jini ñuc bʌ motomajob yic'ot sts'ijbayajob yic'ot jini ñuco' bʌ i ye'tel yomob i tsʌnsan Jesús.

Juan 18:20

Jesús tsi' jac'be: Joñon tsac pejcayob ti jamʌl jini año' bʌ ti pañimil. C tilelʌch mic cha'len cʌntesa ti sinagoga yic'ot ti Templo ba' mi' tempañob i bʌ pejtelel judíojob. Ma'anic tsac subu t'an ti mucul jach.

Juan 8:2

Ti sʌc'ajel tsa' cha' majli ti Templo. Pejtelel winicob x'ixicob tsa' tiliyob ba'an. Tsa' buchle Jesús. Tsa' caji i cʌntesañob.

Hechos 20:20

Ma'anic tsac bʌc'ña c subeñetla jini am bʌ i c'ʌjñibal la' cha'an. Tsaj cʌntesayetla ti' wut winicob x'ixicob yic'ot ti jujump'ejl la' wotot.

Hechos 20:27

Ma'anic tsac cha'le bʌq'uen, pero ts'ʌcʌl tsac subeyetla i t'an Dios.

Hechos 5:25

Tsa' tili juntiquil. Tsi' subeyob: Awilan, ya' wa'alob ti Templo jini winicob tsa' bʌ la' ñup'u. Woli' cha' cʌntesañob winicob x'ixicob, che'ob.

Hechos 5:42

Ti jujump'ejl q'uin tsi' chʌn cha'leyob cʌntesa ti Templo yic'ot ti jujump'ejl otot. Tsi' chʌn subuyob i t'an Jesucristo.

Deuteronomio 12:32

Yom tsajiletla. Jac'ʌla pejtel woli bʌ c subeñetla. Mach yomic mi la' xʌb otsan a t'an. Mach yomic mi la' t'ox jisan.

Deuteronomio 12:5

Dios mi caj i yajcan i yajñib ba' mi caj i pʌs i ñuclel. Ya' yom mi la' majlel la' ch'ujutesan ya' ba' mi caj i chumtʌl lac Yum.

Deuteronomio 4:2

Tsa'ix cʌq'ueyetla mandar. Mach yomic mi la' wotsan yambʌ. Mach yomic mi la' t'ox jisan. Ch'oyol ti lac Yum Dios jini mu' bʌ c subeñetla. Wersa yom mi la' jac' ti ts'ʌcʌl.

Josue 8:35

Ma'anic mi jump'ejlic t'an subebil bʌ ti mandar cha'an Moisés mach bʌ anic tsi' q'uele Josué. Tsi' lu' q'uele ti' tojlel pejtelel israelob, winicob yic'ot x'ixicob yic'ot alʌlob yic'ot mach bʌ mero i lumalobic ya' bʌ chumulob yic'otob.

Apocalipsis 22:19

Mi an majch mi' yʌp lamital i t'an jini jun, Dios mi caj i yʌpben i c'aba' ti jun ba' ts'ijbubil i c'aba'ob jini año' bʌ i cuxtʌlel. Mi caj i chilben i yajñib ti jini ch'ujul bʌ tejclum che' bajche' ts'ijbubil ti ili jun.