Jeremias 26:19 - Chol: I T’an Dios

¹⁹ Jini rey Ezequías yic'ot pejtel winicob ti Judá, ¿tsa' ba i yʌc'ʌyob ti chʌmel jini x'alt'an? ¿Mach ba anic tsi' bʌc'ña lac Yum Ezequías? Tsi' c'ajtibe i coltʌntel ti lac Yum. ¿Mach ba anic tsi' jac'ʌ lac Yum? Tsi' mele i pusic'al. Ma'anic tsi' chocbeyob tilel jini ñuc bʌ wocol che' bajche' tsi' subeyob. Yomix mi lac chʌcʌ q'uel lac bʌ, ame talic ñuc bʌ wocol ti lac tojlel, ame anic lac mul mi tsa' lac tsʌnsa Jeremías. Che'ʌch tsi' cha'leyob t'an jini xñoxob.

Chol de Tumbalá Bible

¹⁹ Jini rey Ezequías yic'ot pejtel winicob ti Judá, ¿tsa' ba i yʌc'ʌyob ti chʌmel jini x'alt'an? ¿Mach ba anic tsi' bʌc'ña lac Yum Ezequías? Tsi' c'ajtibe i coltʌntel ti lac Yum. ¿Mach ba anic tsi' jac'ʌ lac Yum? Tsi' mele i pusic'al. Ma'anic tsi' chocbeyob tilel jini ñuc bʌ wocol che' bajche' tsi' subeyob. Yomix mi lac chʌcʌ q'uel lac bʌ, ame talic ñuc bʌ wocol ti lac tojlel, ame anic lac mul mi tsa' lac tsʌnsa Jeremías. Che'ʌch tsi' cha'leyob t'an jini xñoxob.

Jeremias 26:19 Iomraidhean Croise

2 Samuel 24:16

Che' bʌ tsi' chajpa i bʌ jini ángel cha'an mi' jisan jini año' bʌ ti Jerusalén, lac Yum tsi' cha' mele i pusic'al. Tsi' sube jini ángel: Jasʌlix wʌle. Cʌyʌx a jisan jini winicob, che'en. Awilan ya'ix wa'al jini ángel i cha'an lac Yum ti patio ba' mi' jajts'el trigo. Jini patio i cha'añʌch Arauna jini jebuseo.

2 Cronicas 32:20

Jini cha'an Ezequías yic'ot jini x'alt'an Isaías (i yalobil Amoz) c'am tsi' pejcayob lac Yum am bʌ ti panchan.

2 Cronicas 34:21

Tsi' subeyob: Cucula cha'an mi la' wubiben i t'an lac Yum. C'ajtiben bajche' mi caj cujtel yic'ot pejtel Israel yic'ot Judá, come an lac mul ti' tojlel ili jun tsa' bʌ tajle. Lac Yum woli' wen mich'leñonla, come lac ñojte'elob tsi' ñusʌbeyob i t'an lac Yum. Ma'anic tsi' meleyob che' bajche' ts'ijbubil ti jun, che'en Josías.

Exodo 32:14

Che' jini lac Yum tsi' cha' mele i pusic'al cha'an jini tsa' bʌ i ña'ta i mel ti' tojlel i tejclum.

Isaias 26:21

La' wilan, tal lac Yum ti panchan cha'an mi' yʌq'ueñob i toj i mul jini año' bʌ ti pañimil. Ma'anix mi mejlel i mucob i bʌ jini stsʌnsajob. Mux i tsictiyel i mul.

Isaias 37:1

Jini rey Ezequías tsi' laj ubi. Tsi' jet' tsili i bujc. Tsi' lʌpʌ coxtal che' bajche' i tilel jini ch'ijiyemo' bʌ i pusic'al. Tsa' majli ti' yotot lac Yum.

Isaias 37:4

Tic'ʌl mi tsa'ix i yubi lac Yum i t'an jini comandante tilem bʌ ti Asiria tsa' bʌ i p'ajbe i c'aba' lac Yum. Tic'ʌl mi caj i yʌq'uen i toj i mul cha'an tsi' p'ajbe i c'aba'. Jini cha'an yom ma' pejcan lac Yum ti oración cha'an mi' p'untan i colojbal i winicob”.

Jeremias 26:15

Pero yom mi la' ña'tan ma'anic c mul. Mi tsa' la' tsʌnsayon, mi caj i toj ili tejclum yic'ot pejtel wʌ' bʌ chumulob, come isujm chocbilon tilel ti Dios cha'an mic subeñetla pejtel ili t'an, che'en.

Jeremias 26:3

Tic'ʌl mi mux caj i jac'ob cha'an mi' cʌyob i mul. Che' jini ma'anix mic chocbeñob tilel ili wocol cha'an mi cʌc'ob ti toj mulil.

Jeremias 44:7

Jini cha'an woli' yʌl lac Yum, i Dios Panchan yic'ot Pañimil, i Dios Israel: ¿Chucoch mi la' wʌc' la' bʌ ti wocol cha'an mi la' junyajlel jilel, winicob yic'ot x'ixicob yic'ot ch'itoñob yic'ot xch'ocob? Che' jini ma'anic mi' cʌytʌl mi juntiquilic ch'oyol bʌ ti Judá.

Amos 7:3

Jini cha'an tsa' cha' uts'a i pusic'al lac Yum. Lac Yum tsi' yʌlʌ: Ma'anix mic chʌn melben, che'en.

Habacuc 2:10

Quisintic tsa' mele. Tsa' wʌc'ʌ a bʌ ti ts'a'lentel. Tsa' tsʌnsa cabʌl winicob ti cabʌl lum. Wersa mi caj a chʌmel.

Zacarias 7:2

Jini año' bʌ ti Betel tsi' chocoyob tilel Sarezer yic'ot Regem Melec yic'ot i winicob cha'an mi' c'ajtibeñob i yutslel i t'an lac Yum ti Templo am bʌ ti Jerusalén.

Numeros 16:38

Ch'ʌmʌ i yajñib tac pom tsa' bʌ i c'ʌñʌyob jini winicob tsa' bʌ i jisayob i bʌ cha'an i mul, cha'an ma' mel welel bʌ c'ʌnc'ʌn taq'uin, cha'an mi la' tep' jini pulʌntib, come ch'ujul i yajñib tac pom, come c cha'añʌch. Che' jini mux i ña'tañob israelob chuqui tsa' ujti, che'en lac Yum.

Mateo 23:35

Jini cha'an mi caj la' tojbeñob i mul jini tsa' bʌ i tsʌnsayob jini x'alt'añob c'ʌlʌl che' bʌ tsa' tsʌnsʌnti Abel, jini toj bʌ i pusic'al, c'ʌlʌl tsa' tsʌnsʌnti Zacarías (i yalobil Berequías). Zacarías tsa' tsʌnsʌnti ti' tojel pulʌntib ya' ti' t'ejl Templo. Isujm mic subeñetla, pejtel i mul mi caj i yotsʌbentelob ti' wenta jini winicob x'ixicob año' bʌ ti pañimil wʌle. Mi caj i tojob pejtel ili mulil.

Hechos 5:39

Mi ch'oyolʌch ti Dios, mach mejlic la' jisʌben i ye'tel ame che'ic mi la' contrajin Dios. Che' tsi' yʌlʌ Gamaliel.

Apocalipsis 16:6

Come tsi' bec'beyob i ch'ich'el i cha'año' bʌ Dios yic'ot i ch'ich'el jini x'alt'añob. Wʌle tsa'ix a wʌq'ueyob i japob ch'ich'. Che'ʌch yom cha'an i mulob, che'en.