Jeremias 26:11 - Chol: I T’an Dios

¹¹ Jini motomajob yic'ot jini x'alt'añob tsi' subeyob yumʌlob yic'ot pejtel winicob: La' chʌmic ili winic cha'an i mul, come tsi' cha'le t'an ti' contra ili tejclum che' bajche' tsa' la' wubi, che'ob.

Chol de Tumbalá Bible

¹¹ Jini motomajob yic'ot jini x'alt'añob tsi' subeyob yumʌlob yic'ot pejtel winicob: La' chʌmic ili winic cha'an i mul, come tsi' cha'le t'an ti' contra ili tejclum che' bajche' tsa' la' wubi, che'ob.

Jeremias 26:11 Iomraidhean Croise

Jeremias 18:23

C Yum, a wujil bajche' woli' contrajiñoñob cha'an yomob i tsʌnsañon. Mach a ñusʌbeñob i mul. Mʌctʌbeñob i bijlel. Ac'ʌyob ti toj mulil ti' yorajlel a mich'ajel.

Jeremias 26:16

Jini yumʌlob yic'ot xtejclumob tsi' subeyob motomajob yic'ot x'alt'añob: Ma'anic i mul ili winic cha'an mi' chʌmel, come tsi' pejcayonla ti' c'aba' lac Yum Dios, che'ob.

Jeremias 38:4

Jini cha'an jini yumʌlob tsa' cha' majli i subeñob jini rey: A wocolic la' chʌmic ili winic Jeremías. Come ti' caj i t'an woli' c'uñ'añob soldadojob yic'ot pejtel winicob che' bajche' jaytiquil tsa' cʌleyob wʌ' ti tejclum. Ili winic ma'anic woli coltañob. Woli' yʌc'ob ti jisʌntel, che'ob.

Mateo 26:66

¿Bajche' yom mi lac mel mi la' wʌl? che'en jini c'ax ñuc bʌ motomaj. Tsi' jac'ʌyob: Yom mi' yʌjq'uel ti chʌmel, che'ob.

Juan 18:30

Tsi' jac'beyob: Machic xjontolil jini winic, ma'anic tsa cʌc'ʌ lojon ti a c'ʌb, che'ob.

Juan 19:7

Jini judíojob tsi' jac'ʌyob: An lojon c mandar. Ts'ijbubil tic mandar wersa mi' chʌmel, come tsi' subu i bʌ ti' Yalobil Dios, che'ob.

Hechos 22:22

Tsi' ñich'tayob judíojob jinto tsa' ujti i sub jini t'an. Jini winicob tsa' cajiyob ti c'am bʌ t'an. Tsi' yʌlʌyob: “La' chʌmic jini winic. Mach uts'atic che' chʌn cuxul”, che'ob.

Deuteronomio 18:20

Pero mi an x'alt'an mu' bʌ i bajñel ña'tan chuqui mi' sub che' ma'anic tsac pejca, mi tsa' caji i yʌl yan tac bʌ t'an tilem bʌ ti dioste', wersa mi' chʌmel jini x'alt'an”. Che' tsi' subeyon lac Yum.

Juezob 6:30

Jini cha'an jini winicob ya' ti tejclum tsa' tili i pejcañob Joás: Pʌyʌ loq'uel a walobil cha'an mi' chʌmel. Come tsa'ix i jeme i pulʌntib Baal. Tsa'ix i laj bic'ti tsepe jini dios Asera am bʌ ti' tojel jini pulʌntib, che'ob.