Jeremias 26:10 - Chol: I T’an Dios

¹⁰ Jini yumʌlob ya' bʌ añob ti' yotot rey tsa' caji i yubiñob. Tsa' tiliyob ti buchtʌl ya' ti' yochib jini tsiji' bʌ i ti' ts'ajc ba'an i yotot lac Yum.

Chol de Tumbalá Bible

¹⁰ Jini yumʌlob ya' bʌ añob ti' yotot rey tsa' caji i yubiñob. Tsa' tiliyob ti buchtʌl ya' ti' yochib jini tsiji' bʌ i ti' ts'ajc ba'an i yotot lac Yum.

Jeremias 26:10 Iomraidhean Croise

2 Reyob 15:35

Pero ma'anic tsi' jisa jini pulʌntib tac am bʌ ti bujbujtʌl ba' tsi' chʌn cha'leyob ch'ujutesaya jini winicob x'ixicob. Ti jim bʌ ora Jotam tsi' mele i ti' Templo am bʌ ti chan.

2 Cronicas 27:3

Jotam tsi' mele jump'ejl i ti' Templo am bʌ ti chan. Tsi' cha' tsʌts'esa jini ts'ajc ti' joytʌlel tejclum.

Jeremias 20:2

Jini cha'an mich' Pasur. Tsi' bajbe ti te' jini x'alt'an Jeremías. Tsi' net'be i yoc ti te' ya' ti' ti' i yotot lac Yum, jiñʌch i ti' am bʌ ti norte, i c'aba' Benjamín.

Jeremias 26:21

Jini rey Joacim yic'ot i soldadojob yic'ot jini yumʌlob tsi' yubibeyob i t'an. Tsi' temeyob i t'an cha'an mi' tsʌnsañob. Che' bʌ tsi' ña'ta Urías tsa' caji ti bʌq'uen. Tsa' puts'i majlel ti Egipto.

Jeremias 26:24

Pero Ahicam i yalobil Safán jini sts'ijbujel am bʌ ti' wenta rey, tsi' colta Jeremías. Jini cha'an ma'anic tsi' yʌc'ʌyob ti chʌmel.

Jeremias 34:10

Jini yumʌlob yic'ot yaño' bʌ tsa' bʌ i jac'ʌyob jini trato tsi' yʌc'ʌyob ti colel pejtel woliyo' bʌ ti majtan e'tel, winicob yic'ot x'ixicob cha'an mi' yajñelob ti libre. Tsi' jac'ʌyob. Tsi' yʌc'ʌyob ti colel.

Jeremias 34:19

Che'ʌch tsi' meleyob pejtel i yumob Judá yic'ot i yumob Jerusalén yic'ot eunucojob, yic'ot motomajob yic'ot pejtel winicob tsa' bʌ ñumiyob ti ojlil che' t'oxbil jini alʌ wacax.

Jeremias 36:10

Ya' ti' yotot lac Yum, Baruc tsi' pejca i t'an Jeremías tsa' bʌ ts'ijbunti. Tsi' laj ubiyob ya' ti mal otot i cha'an Gemarías (i yalobil Safán) jini sts'ijbujel am bʌ i ye'tel ti' tojlel rey. Ya' añob ti chan bʌ coyerol ba'an tsiji' bʌ i ti' Templo.

Jeremias 36:25

Elnatán yic'ot Delaía yic'ot Gemarías tsi' subeyob jini rey: Tsajaletme, che'ob, pero ma'anic tsi' jac'beyob i t'an.

Ezequiel 22:27

Lajalob la' yumob bajche' bʌte'el ts'i' mu' bʌ i chuc i we'el. Mi' tsʌnsañob winicob cha'an mi' xujch'ibeñob i chubʌ'an.

Ezequiel 22:6

Pejtelel jini ñuco' bʌ i ye'tel ti Israel woli' c'ʌñob i p'ʌtʌlel cha'an mi' jisañob i pi'ʌlob.