Jeremias 24:2 - Chol: I T’an Dios

² Uts'at jini higo tac ti jump'ejl chiquib, che' bajche' jini cojax to bʌ mi' c'ʌñ'an. Oc'benix jini higo tac ti yambʌ chiquib. Mach c'uxbilic cha'an leco.

Chol de Tumbalá Bible

² Uts'at jini higo tac ti jump'ejl chiquib, che' bajche' jini cojax to bʌ mi' c'ʌñ'an. Oc'benix jini higo tac ti yambʌ chiquib. Mach c'uxbilic cha'an leco.

Jeremias 24:2 Iomraidhean Croise

Isaias 5:4

¿Chuqui to yom mic mel ya' tic ts'usubil? ¿Anto ba chuqui ma'anic tsac melbe? ¿Chucoch wen paj tsi' yʌc'ʌ i wut? ¿Chucoch ma'anic tsi yʌq'ueyon tsaj bʌ i wut?

Isaias 5:7

Jini i ts'usubil i Yum Panchan yic'ot Pañimil, jiñʌch Israel yic'ot Judá. Jiñʌch i pʌc'ʌb c'uxbibil i cha'an. Lac Yum tsi' lon pijta cha'an mi' wen jac'beñob i mandar, pero laj stsʌnsajob. Tsi' lon pijta chuqui tac uts'at. Tsa' jach i yubibeyob i yuq'uel jini tic'lʌbilo' bʌ.

Jeremias 29:17

La' wila to, che'en lac Yum. Wolic chocbeñob tilel uxchajp wocol. Mi caj i chʌmelob ti espada yic'ot ti wi'ñal yic'ot ti c'amʌjel. Lajal mi caj i sujtelob che' bajche' higo tac woli bʌ ti oc'mʌl. Lecojix, mach mʌc'bilix.

Oseas 9:10

Mic ña'tan bajche' añet Israel che' uts'at to a pusic'al. Tsa' c'uxbiyon. Wen tijicñayon che' bʌ tsac ñaxan tajayet, che' bʌ tsac pʌyʌyet ñumel ti colem bʌ i tiquiñal pañimil. Lajalet tic wut che' bajche' ñaxan bʌ i wut ts'usub ti jochol bʌ lum. Wen tijicñayon che' bʌ tsac taja a tatob, pero tsi' cʌyʌyoñob cha'an mi' tsʌcleñob jini Baalpeor, cha'an quisintic jax mi' melob. Jini cha'an leco tsa' sujtiyob che' bajche' jini diosob tsa' bʌ i c'uxbiyob.

Miqueas 7:1

Obol jax c bʌ, come lajalon bajche' jini te' che' ujtemix i tuc'bentel i wut. Lajalon bajche' jini mu' bʌ i chʌcʌ sʌclan ts'usub yic'ot higo che' tsa'ix ñumi i yorajlel. Ma'anix mi' cʌytʌl mi ts'ita'ic cha'an mij c'ux, anquese cabʌl c wo'lel. Che' ja'el tsa'ix lu' jiliyob ti pañimil jini winicob tojo' bʌ i pusic'al. Ma'anix mi juntiquilic ila ti pañimil. Ti pejtelelob mi' cha'leñob tsʌnsa. Mi' chijtañob i pi'ʌlob che' bajche' xchijtaya me'.

Nahum 3:12

Mi caj i jisʌntel pejtel jini ts'ajquibil bʌ otot tac. Mi caj i yajlelob che' bajche' c'ʌnix bʌ i wut higuera che' mi' yujcuntel cha'an jini mu' bʌ i c'ux.

Numeros 18:13

Pejtelel jini ñaxan tac bʌ i wut pʌc'ʌbʌl mu' bʌ i ch'ʌmbeñoñob tilel winicob, a cha'añʌch. Pejtelel majqui sʌc año' bʌ ya' ti a wotot mi mejlel i c'uxob.

Mateo 5:13

Jatetla i yʌts'miletla pañimil. Mi tsa' sajti i tsajel ats'am, ¿bajche' mi caj i cha' tsaj'esʌntel? Ma'anix i c'ʌjñibal. Mi lac choc ba' mi' t'uchtañob majlel winicob.