Jeremias 24:10 - Chol: I T’an Dios

¹⁰ Mi caj c jisañob ti espada yic'ot ti wi'ñal yic'ot ti c'amʌjel jinto che' jocholix mi' cʌytʌl i lumal tsa' bʌ cʌq'ueyob i tatob, che'en.

Chol de Tumbalá Bible

¹⁰ Mi caj c jisañob ti espada yic'ot ti wi'ñal yic'ot ti c'amʌjel jinto che' jocholix mi' cʌytʌl i lumal tsa' bʌ cʌq'ueyob i tatob, che'en.

Jeremias 24:10 Iomraidhean Croise

1 Reyob 14:15

Lac Yum mi caj i yʌq'uen wocol Israel che' bajche' amʌy jats'bil bʌ ti ja'. Mi caj i boc loq'uel che' bajche' te'. Mi caj i loc'sañob ti jini uts'at bʌ lum tsa' bʌ i yʌq'ueyob i ñojte'elob. Mi caj i laj pucob majlel ti junwejl Eufrates, come tsi' meleyob i yejtal dios tac. Tsi' techbeyob i mich'ajel lac Yum.

Isaias 51:19

Jini cha'chajp wocol tsa' tili ti a tojlel: i jisʌntel a chubʌ'an yic'ot wi'ñal. Tsa' laj jili a pi'ʌlob. Lamital tsa' chʌmiyob ti wi'ñal. Lamital tsa' tsʌnsʌntiyob ti guerra. ¿Majqui mi caj i puñtañet? ¿Majqui mi mejlel c choc tilel cha'an mi' ñuq'uesʌbeñet a pusic'al?

Jeremias 14:12

Che' mi' cha'leñob ch'ajb che' mi' pejcañoñob, ma'anic mi caj cubiñob. Che' mi' yʌq'ueñoñob cotol bʌ c majtan yic'ot pom, mach tijicñayonic mi caj j q'uel. Mi caj cʌc'ob ti chʌmel ti espada, yic'ot ti wi'ñal, yic'ot ti c'amʌjel, che'en.

Jeremias 15:2

Che' mi' yʌlob: “¿Baqui yom mic majlel lojon?” subeñob: “La' majlicob ti chʌmel jini mu' bʌ caj i chʌmelob. La' jejq'uicob ti espada jini mu' bʌ caj i jejq'uelob ti espada. La' chʌmicob ti wi'ñal jini mu' bʌ caj i yubiñob wi'ñal. La' majlicob ti yambʌ lum jini mu' bʌ caj i cʌjchelob majlel”. Che' yom ma' subeñob.

Jeremias 16:4

Mi caj i chʌmelob ti leco bʌ c'amʌjel. Ma'anic majqui mi caj i yuc'tañob. Ma'anic majqui mi caj i mucob. Mi caj i yoc'mʌl i bʌc'tal ti pam lum. Mi caj i jilelob ti machit yic'ot ti wi'ñal. Jini te'lemut ti pañimil yic'ot bʌte'el am bʌ ti jamil mi caj i c'uxob.

Jeremias 19:7

Joñon mi caj j contrajin Judá yic'ot Jerusalén ti guerra. Mi caj c jisañetla ti espada ti' c'ʌb la' contrajob. Talob i tsʌnsañetla. Joñon mi caj j coltañob. Jini te'lemut yic'ot bʌte'el mi caj i c'uxetla.

Jeremias 21:9

Jini mu' bʌ i cʌytʌl ti tejclum mi' caj ti chʌmel ti espada yic'ot ti wi'ñal yic'ot ti c'amʌjel. Pero jini mu' bʌ i loq'uel ti tejclum cha'an mi' yʌc' i bʌ ti' wenta la' contrajob cuxul mi caj i yajñel ti' wenta caldeojob. Mi caj i yʌq'uentel i cuxtʌlel ti' majtan jach cha'an mi caj i p'untʌntel ti' yum.

Jeremias 27:8

Wʌle mi an jump'ejl tejclum mach bʌ yomic i yuman Nabucodonosor rey bʌ ti Babilonia, mi mach yomic i ch'ʌm i yugo cha'an mi' melben i ye'tel jini rey ti Babilonia, mi caj cʌq'uen i toj i mul ili tejclum. Mi caj i chʌmel ti espada yic'ot ti wi'ñal yic'ot ti c'amʌjel. Mi caj cʌq'uen i ye'tel jini rey ti Babilonia cha'an mi' jisan, che'en lac Yum.

Jeremias 29:17

La' wila to, che'en lac Yum. Wolic chocbeñob tilel uxchajp wocol. Mi caj i chʌmelob ti espada yic'ot ti wi'ñal yic'ot ti c'amʌjel. Lajal mi caj i sujtelob che' bajche' higo tac woli bʌ ti oc'mʌl. Lecojix, mach mʌc'bilix.

Jeremias 29:18

Mi caj c pam pucob ti pañimil. Baqui jach mic chocob mi caj i ts'a'lentelob, mi caj i p'ajtʌlob

Jeremias 32:24

Awilan jini xguerrajob woli' wa'chocoñob bujtʌl tac ti' t'ejl ts'ajc cha'an mi' yochelob i t'uchtan jini tejclum. Cha'an ti' caj jini espada, yic'ot jini wi'ñal, yic'ot c'amʌjel, woli' yʌjq'uel ili tejclum ti' c'ʌb jini caldeojob laj contrajob. Wolix ti ujtel che' bajche' tsa' wʌlʌ. Awilan wolix a q'uel.

Jeremias 32:25

Obol c bʌ, c Yum Dios. Tsa' subeyon cha'an mic mʌn ili jamil ti taq'uin ti' tojlel testigojob che' wen a wujil ac'bilix ili tejclum ti' c'ʌb caldeojob, cho'on tsac sube lac Yum.

Jeremias 34:17

Jini cha'an lac Yum woli' yʌl: Ma'anic tsa' la' jac'ʌ c t'an cha'an mi la' wʌc' ti colel la' pi'ʌlob woliyo' bʌ ti majtan e'tel. La' wila to, woli cʌq'uetla ti libre cha'an mi la' chʌmel ti espada yic'ot ti c'amʌjel yic'ot ti wi'ñal, che'en lac Yum. Mi caj i toj sajtelob i pusic'al pejtel winicob ti pañimil che' mi' q'ueletla.

Jeremias 42:17

Pejtel winicob mu' bʌ i majlelob ti Egipto cha'an che'ʌch yom i bajñel pusic'al mi caj i chʌmelob ti espada yic'ot ti wi'ñal yic'ot ti c'amʌjel. Ma'anic majch mi caj i coltan i bʌ che' mic chocben tilel jini ñuc bʌ wocol.

Jeremias 42:22

Ña'tanla che' jini, mi caj la' chʌmel ti espada yic'ot ti wi'ñal yic'ot ti c'amʌjel ya' ba' mi la' majlel ti chumtʌl come woli la' bajñel yajcan la' wajñib che' bajche' yom la' pusic'al.

Jeremias 5:12

Cha'p'ejax i pusic'al tic tojlel. Mi' yʌlob: “Mach muq'uic i q'uelonla lac Yum. Mach talic wocol ti lac tojlel. Ma'anic mi caj lac chʌmel ti espada yic'ot ti wi'ñal.

Jeremias 9:15

Jini cha'an mi caj cʌq'ueñob i cuch wocol mach bʌ cuchbilic. Mi caj cʌq'ueñob i jap ja' am bʌ i venenojlel, che'en i Yum Panchan yic'ot Pañimil, i Dios Israel.

Jeremias 9:16

Mi caj c pam pucob ti yan tac bʌ tejclum mach bʌ i cʌñʌyobic, mach bʌ i cʌñʌyobic i tatob. Ya'ix mi caj cajñesañob yic'ot espada jinto mic laj jisañob.

Ezequiel 33:27

Subeñob ja'el: “Lac Yum Dios woli' yʌl: Isujm mic subeñetla, jini winicob chumulo' bʌ ti jejmen tac bʌ tejclum mi caj i jisʌntelob ti guerra. Jini chumulo' bʌ ti mate'el mi caj i tsʌnsʌntelob yic'ot jontol bʌ bʌte'el. Jini mu' bʌ i mucob i bʌ ti' jajp xajlel yic'ot ti ch'en mi caj i chʌmelob ti jontol bʌ c'amʌjel.

Ezequiel 6:11

Lac Yum Dios tsi' yʌlʌ: Pʌsʌ a c'ʌb, jats'ʌ a woc cha'an mi' ñich'tañob. Subeñob: “Mi caj i tajetla wocol cha'an pejtelel la' jontolil. Mi caj i jilelob israelob ti guerra, yic'ot ti wi'ñal, yic'ot ti jontol bʌ c'amʌjel.

Ezequiel 7:15

Jini mu' bʌ i lon loq'uelob ti tejclum mi caj i jilelob ti espada ya' ti jumpat. Jini mu' bʌ i cʌytʌlob ti mal tejclum mi caj i chʌmelob ti wi'ñal yic'ot leco bʌ c'amʌjel.

Deuteronomio 28:21

Lac Yum mi caj i choc tilel cabʌl chʌmel ti a tojlel c'ʌlʌl jinto ma' sʌc jilel ya' ti lum baqui ma' majlel ti chumtʌl.

Apocalipsis 6:8

Tsaj q'uele, awilan, an juncojt c'ʌnc'ʌn caballo. Jini c'ʌchʌl bʌ ti' pat, i c'aba' Stsʌnsa. Yambʌ c'ʌchlib tsi' tsajca majlel, i c'aba' i Yajñib Chʌmeño' Bʌ. Tsa' aq'uenti i p'ʌtʌlel cha'an mi' tsʌnsan bajc'ʌl winicob ti espada, yic'ot ti wi'ñal, yic'ot ti chʌmel, yic'ot ti jontol bʌ bʌte'el. Ti chʌnchʌntiquil tsa' chʌmi jujuntiquil.