Jeremias 23:8 - Chol: I T’an Dios

⁸ Mi caj i yʌlob: “Cuxul lac Yum tsa' bʌ i cha' pʌyʌ loq'uel Israel ti pejtelel lum baqui wets'bilob majlel cha'an mi' pʌyob tilel ti' lumal”. Che' mi caj i yʌlob, che'en lac Yum.

Chol de Tumbalá Bible

⁸ Mi caj i yʌlob: “Cuxul lac Yum tsa' bʌ i cha' pʌyʌ loq'uel Israel ti pejtelel lum baqui wets'bilob majlel cha'an mi' pʌyob tilel ti' lumal”. Che' mi caj i yʌlob, che'en lac Yum.

Jeremias 23:8 Iomraidhean Croise

Isaias 11:11

Ti jim bʌ ora lac Yum mi caj i cha' sʌts' i c'ʌb cha'an mi' pʌy tilel i cha'año' bʌ tsa' bʌ cʌleyob ti Asiria, yic'ot ti Egipto, yic'ot ti Patros, yic'ot ti Etiopía, yic'ot ti Elam, yic'ot ti Sinar, yic'ot ti Hamat, yic'ot ti lum tac joyol bʌ ti colem ja' ti' ñajtilel pañimil.

Isaias 14:1

Lac Yum mi caj i p'untan jini israelob. Mi caj i cha' yajcan i cha'año' bʌ. Mi caj i cha' pʌyob ochel ti' lumal. Cabʌl mach bʌ i pi'ʌlobic mi caj i tilelob cha'an temel mi' yajñelob yic'ot israelob.

Jeremias 16:14

Jini cha'an, yom mi la' wotsan ti la' pusic'al ili t'an: Tal jini q'uin che' ma'anix mi caj i chʌn alob: Cuxul lac Yum tsa' bʌ i pʌyʌ loq'uel ti Egipto israelob.

Jeremias 16:15

Pero mi caj i yʌlob: Cuxul lac Yum tsa' bʌ i pʌyʌ loq'uel israelob ti norte yic'ot ti pejtelel lum baqui tsa' wejts'iyob majlel”. Che'ʌch mi caj a subeñob, che'en lac Yum. Come joñon mi caj c cha' pʌyob tilel ti' lumal, ti jini jach bʌ lum tsa' bʌ cʌq'ueyob i tatob.

Jeremias 23:3

Joñon mi caj c cha' tempan tilel i colojbal c tiñʌme' baqui jach añob. Tsac wets'eyob majlel ti cabʌl lum tac, pero mi caj c cha' pʌyob tilel ti' yajñib. Mi' cajelob ti colel. Mi' cajelob ti p'ojlel.

Jeremias 29:14

Mi caj cʌc' c bʌ ti cʌjñel ti la' tojlel, che'en lac Yum. Mi caj c cha' sutq'uibeñetla la' lum yic'ot i tijicñʌyel la' pusic'al che' mic pʌyetla loq'uel ti jujump'ej lum ba' tsac wets'eyetla majlel, che'en lac Yum. Joñon mi caj c cha' pʌyetla ochel ti la' lum ba' tsac chocoyetla loq'uel.

Jeremias 30:10

C winic Jacob, mach a cha'len bʌq'uen, che'en lac Yum. Mach a mel a pusic'al, Israel, come ya' ba' pam pujquemet ti ñajtʌl mi caj j coltañet. Mi caj j coltan a walobilob ya' ba' chumulob ti' wenta i yumob. Mi caj i cha' sujtel Jacob. Tijicña mi' caj ti chumtʌl ti' ñʌch'tʌlel i pusic'al. Ma'anix majqui mi caj i chʌn tic'lan.

Jeremias 30:3

Tal i q'uiñilel tac che' mi caj c cha' pʌy loq'uel c tejclum Israel yic'ot Judá ya' ba' cʌchʌlob. Mi caj c cha' pʌyob tilel ti jini lum tsa' bʌ cʌq'ueyob i tatob. I cha'añobʌch mi caj i sujtel jini lum.

Jeremias 31:8

Awilan mi caj c cha' pʌyob loq'uel ti norte yic'ot ti jujunwejl pañimil. Mi caj c cha' tempañob tilel yic'ot jini mach bʌ wenic i yoc i c'ʌb yic'ot x'ixicob cʌntʌbilo' bʌ i yalobil yic'ot x'ixicob woliyo' bʌ ti bajq'uel. Cabʌlob mi caj c cha' pʌy tilel.

Jeremias 32:37

Awilan mi caj c cha' much'quin jini tsa' bʌ wejts'iyob majlel che' wen mich'on cha'an cabʌl c mich'ajel. Mi caj c cha' pʌyob loq'uel ti pejtelel lum cha'an mi cʌc'ob ti chumtʌl ti uts'at ti ili lum ba' ma'anic bʌq'uen.

Jeremias 8:3

I colojbal winicob ts'a' mi caj i q'uelob i cuxtʌlel che' ti' yorajlel wocol. Mi caj c pucob majlel ti ñajtʌl, che'en i Yum Panchan yic'ot Pañimil.

Ezequiel 28:25

Mi caj c cha' tempan jini israelob ya' ti' lumal Jacob tsa' bʌ cʌq'ueyob. Mi caj c cha' pʌyob loq'uel ba' pam pujquemob. Che' jini mi caj i q'uelob ti pejtelel pañimil ch'ujulon ti' tojlel c cha'año' bʌ.

Ezequiel 34:13

Mi caj c pʌyob loq'uel ti pejtelel lum cha'an mi' cha' tilelob ti' lumal. Mi caj cʌc'ob ti buc'bal ya' ti wits ti Israel, ya' ti' ti' ñoja' ba'an wen bʌ lum.

Ezequiel 36:24

Mi caj c cha' loc'sañetla ti pejtelel tejclum tac cha'an mic cha' pʌyetla tilel ti Israel.

Ezequiel 36:35

Mi caj i yʌlob: Ili chocbil bʌ lum lajalix bajche' jini pʌc'ʌbʌl ti Edén. Ili jochol bʌ tejclum tac ba' jejmen pejtel otot, cha' melbilix. Laj ts'ajquibilix. Cha' anix i yum, che'ob.

Ezequiel 37:25

Mi caj i chumtʌlob ya' ti lum tsa' bʌ cʌq'ue c winic Jacob ba' tsa' chumleyob i ñojte'elob. Ya' mi caj i chumtʌlob yic'ot i yalobilob yic'ot i butsob. Jini cha'an tsac wa'choco c Winic David ti Rey cha'an mi' yumañob ti pejtelel ora.

Ezequiel 39:28

Che' jini mi caj i ña'tañob i Yumon i Dioson tsa' bʌ c chocoyob majlel ti cʌjchel ti ñajt bʌ tejclum tac, come ti pejtelelob mi caj c cha' pʌyob tilel ti' lumal.

Joel 3:7

Mi caj c cha' pʌyob tilel ya' ba' tsa' la' choñoyob. Mi caj j q'uextʌbeñetla pejtelel la' mul.

Miqueas 7:15

Lac Yum tsi' jac'ʌ: Mi caj c cha' pʌsbeñetla ñuc tac bʌ c melbal che' bajche' tsac pʌsbeyob la' tatob che' bʌ tsac loc'sayob ti majtan e'tel ya' ti Egipto.

Sofonias 3:20

Ti jim bʌ q'uin che' mic much'quiñetla mi caj cʌq'ueñetla la' ñuclel ti' tojlel pejtel winicob. Mi caj i c'uxbiñetla ti pejtelel pañimil. Mi caj i subob la' ñuclel che' mic cha' pʌyetla tilel ti la' lumal, che' mi cʌq'ueñetla la' wenlel. Tijicña mi caj la' q'uel che' mi' yujtel, che'en lac Yum.