Jeremias 23:6 - Chol: I T’an Dios

⁶ Che' woli ti yumʌntel, mi caj i coltʌntel Judá. Mi' caj ti wen chumtʌl Israel. Mi caj i pejcʌntel ili rey ti lac Yum, jini Toj Bʌ mu' bʌ i yʌq'ueñonla lac tojel.

Chol de Tumbalá Bible

⁶ Che' woli ti yumʌntel, mi caj i coltʌntel Judá. Mi' caj ti wen chumtʌl Israel. Mi caj i pejcʌntel ili rey ti lac Yum, jini Toj Bʌ mu' bʌ i yʌq'ueñonla lac tojel.

Jeremias 23:6 Iomraidhean Croise

1 Reyob 4:25

Che' cuxul to Salomón wen xuc'ul tsa' ajniyob jini año' bʌ ti Israel yic'ot ti Judá c'ʌlʌl ti Dan, c'ʌlʌl ti Beerseba. Ti jujump'ejl xchumtʌl wen an i yotot yic'ot i pʌc'ʌb.

Salmos 45:5

Jay i ni' a jalʌjb mu' bʌ i jec'ben i pusic'al a contrajob. Winicob x'ixicob mi caj i yochelob ti a wenta.

Exodo 9:26

Pero ma'anic tuñija' ti Gosén ya' ba'an israelob.

Isaias 2:4

Lac Yum mi caj i cha'len meloñel ti' tojlel pejtelel winicob x'ixicob cha'an mi' lajmel leto ti' tojlelob. Jini e'tijibʌl cha'an guerra mi caj i sujtel ti e'tijibʌl cha'an cholel. Ma'anix mi caj i chʌn cha'len contra jump'ejl tejclum ti' tojlel yambʌ. Ma'anix mi caj i chʌn ñopob guerra.

Isaias 32:1

La' wilan, tal jini Rey mu' bʌ caj i cha'len yumʌntel ti toj bʌ i pusic'al. Toj ja'el mi caj i cha'leñob yumʌl jini ñuco' bʌ año' bʌ i ye'tel mu' bʌ i tilelob i coltan jini Rey.

Isaias 32:18

Xuc'ul mi caj i chumtʌlob c cha'año' bʌ. Xuc'ul i yotot. Ma'anic majqui mi caj i contrajiñob.

Isaias 33:22

Come lac Yum jiñʌch lac Juez, lac Rey, jiñʌch x'ac' mandar. I bajñel jach mi caj i coltañonla.

Isaias 33:5

Wen ñuc lac Yum am bʌ ti panchan. Mi caj i cha' toj'esan Jerusalén. Che' jini uts'at mi caj i melob.

Isaias 35:9

Ma'anic bajlum ya'i. Ma'anic jontol tac bʌ bʌte'el. Cojach winicob x'ixicob mʌmbilo' bʌ i cha'an lac Yum mi caj i cha'leñob xʌmbal ya'i.

Isaias 42:6

A Yumon. Tsac pʌyʌyet cha'an ma' wajñel ti toj. Tsac yajcayet. Mi caj j cʌntañet. Mi caj cʌq'uet ti ajñel ti' tojlel winicob x'ixicob cha'an mi' ts'ʌctiyel jini xuc'ul bʌ t'an mu' bʌ cʌq'ueñob. I wentajet c'ajc cha'an ma' pʌsbeñob c bijlel.

Isaias 45:17

Pero Israel mi caj i taj i coltʌntel ti pejtelel ora ti' tojlel lac Yum. Ma'anix mi caj i chʌn cha'len quisin yic'ot bʌq'uen ti pejtelel ora.

Isaias 54:17

Pero woli cʌq'ueñet c t'an, ma'anic mi junchajpic e'tijibʌl cha'an guerra mu' bʌ mejlel i jisañet. Mi caj a tsictesʌbeñob i mul jini mu' bʌ i cha'leñob jop't'an ti a contra. Jiñʌch i chobejtʌbal mu' bʌ caj i yʌq'uentelob i winicob Dios. Jiñʌch a wenlel mu' bʌ cʌq'ueñet, che'en lac Yum.

Isaias 7:14

Jini cha'an lac Yum mi caj i wersa pʌsbeñet i yejtal i p'ʌtʌlel. Juntiquil xch'oc mi caj i cʌntan alʌl. Mi caj i yʌc' ti pañimil ch'iton. Mi caj i yotsʌben i c'aba' Emanuel mu' bʌ i yʌl ti lac t'an, “Dios la quic'ot”.

Isaias 9:6

Come mi caj i yilan pañimil alʌ ch'iton cha'an mi' coltañonla. Dios mi caj i yʌq'ueñonla i yalobil. Mi caj i yotsʌbentel i c'aba': C'ax Ñuc Bʌ, Caj Cʌntesa, P'ʌtʌl bʌ Dios, Lac Tat Am Bʌ ti Pejtelel Ora, Xlajmesaleto mu' bʌ i cha'len yumʌl.

Jeremias 29:11

Come cujil chuqui com c melbeñetla, che'en lac Yum. Com ñʌch'ʌletla. Mach comic mi' tajetla wocol. Com cʌq'ueñetla chuqui uts'at woli bʌ la' pijtan.

Jeremias 30:10

C winic Jacob, mach a cha'len bʌq'uen, che'en lac Yum. Mach a mel a pusic'al, Israel, come ya' ba' pam pujquemet ti ñajtʌl mi caj j coltañet. Mi caj j coltan a walobilob ya' ba' chumulob ti' wenta i yumob. Mi caj i cha' sujtel Jacob. Tijicña mi' caj ti chumtʌl ti' ñʌch'tʌlel i pusic'al. Ma'anix majqui mi caj i chʌn tic'lan.

Jeremias 31:23

I Yum Panchan yic'ot Pañimil, i Dios Israel, woli' yʌl: Cha' wa'chocbilix i yumʌntel Israel. Mi' caj ti cha' ajlel: “Wʌ' ti ch'ujul bʌ wits ba' mi' melob chuqui toj, la' i yʌq'ueñetla i yutslel la' pusic'al lac Yum”. Che'ʌch mi' caj ti ajlel.

Jeremias 32:37

Awilan mi caj c cha' much'quin jini tsa' bʌ wejts'iyob majlel che' wen mich'on cha'an cabʌl c mich'ajel. Mi caj c cha' pʌyob loq'uel ti pejtelel lum cha'an mi cʌc'ob ti chumtʌl ti uts'at ti ili lum ba' ma'anic bʌq'uen.

Jeremias 33:15

Ti jim bʌ ora mi caj c tsictesan juntiquil i p'olbal David i wentajʌch i Buts te' mu' bʌ caj i pasel ti junts'ijt i c'ʌb. Mero tojʌch ajñel. Mi caj i cha'len toj bʌ meloñel wʌ' ti ili lum.

Jeremias 33:16

Ti jim bʌ ora mi caj i coltan Jerusalén. Xuc'ul mi caj i yajñel Jerusalén. Mi' caj ti ajlel: “Jiñʌch lac Yum mu' bʌ i yʌq'ueñonla lac tojel. Che'ʌch i c'aba'”, che'ob.

Ezequiel 21:27

Mi caj c jisan a yumʌntel yic'ot a tejclum. Ma'anix mi caj i chʌn ña'tʌntel jinto che' mi' tilel jini Toj bʌ Winic yajcʌbil bʌ, mu' bʌ caj i ch'ʌm ti' wenta. Che' tsi' yʌlʌ lac Yum Dios.

Ezequiel 28:26

Ma'anix mi' cajelob ti bʌq'uen ya' ba' chumulob ti' lumal. Mi caj i wa'chocoñob i yotot. Mi caj i melob i ts'usubil. Ñʌch'ʌl mi caj i chumtʌlob. Mi caj i ña'tañob i Yumon, i Dioson, che' bʌ tsa'ix ujti c jisan i contrajob tsa' bʌ i tic'layob”, che'en.

Ezequiel 38:14

Jini cha'an, i yalobil winic, suben Gog ili t'an: Lac Yum Dios woli' yʌl: Ti jim bʌ ora che' ñʌch'ʌl woli' chumtʌl c tejclum Israel, mi caj a lon chajpan a bʌ.

Ezequiel 48:35

Ti' joytʌlel jini tejclum an bolomp'ejl kilómetro i tamlel. I c'aba' jini tejclum jiñʌch I Tejclum Dios, che'en lac Yum Dios.

Daniel 9:24

Mu' to caj i ñusañob wocol a pi'ʌlob yic'ot i tejclum lujump'ejl i chʌnc'al (70) semana jinto mi' laj cʌyob i mul, jinto mi' cha' sʌq'uesʌntelob. Che' jini mi caj i tejchel i yumʌntel jini toj bʌ mu' bʌ caj i yajñel ti pejtelel ora che' bajche' tsi' wʌn subuyob jini x'alt'añob. Mi caj i cha' sʌq'uesʌntel jini C'ax Ch'ujul bʌ Ajñibʌl am bʌ ti Templo.

Daniel 9:7

Jatet c Yum tojet. Pero an lojon c mul judíojon bʌ lojon. Quisintic jax woli cubin lojon cha'an i mul jini ch'oyolo' bʌ ti Jerusalén yic'ot ti pejtelel Israel. Pam pujquemon lojon ti pejtelel pañimil, ti lʌc'ʌl yic'ot ti ñajtʌl baqui jach tsa' chocoyon lojon majlel ti' caj cha'an tsaj cʌyʌyet lojon.

Oseas 1:11

Jini año' bʌ ti Judá yic'ot Israel mi caj i tem ajñelob ti junmojt jach. Mi caj i tem yumañob juntiquil yumʌl. Mi caj i cha' loq'uelob ba' cʌchʌlob. Wen tijicña jini q'uin che' temel mi' sujtelob ti' lumal. Dios mi caj i cha' otsañob ti jini wen bʌ lum tsa' bʌ i yʌq'ueyob, che'en.

Oseas 1:7

Pero mi caj c p'untan jini año' bʌ ti Judá. Tic bajñel p'ʌtʌlel mi caj j coltañob loq'uel ti' c'ʌb i contrajob. Ma'anic mi caj j c'ʌn soldadojob mi e'tijibʌl cha'an guerra cha'an mij coltañob. Che' tsi' yʌlʌ lac Yum.

Oseas 2:18

Ti jim bʌ ora mi caj cuts'esʌbeñet pejtel jini jontol tac bʌ bʌte'el yic'ot pejtel jini cotcotña bʌ ti lum, yic'ot xwejlel mut. Mi caj cʌc' ti lajmel pejtel guerra. Che' jini ma'anix i c'ʌjñibal jalʌjb mi espada. Ti jim bʌ ora wen tijicñayet mi caj a wajñel ti' ñʌch'tilel a pusic'al baqui jach ma' majlel, come ma'anix a contrajintel.

Abdias 1:17

Pero mach che'ic ti Sion wits. Ya'i mi caj i yajñelob jini xputs'elob cha'an mi' coltʌntelob. Ch'ujul mi caj j q'uel ili wits. I p'olbal Jacob mi caj i cha' chumtʌlob ti' lumal. Mi caj i cha' tajob i chubʌ'an.

Abdias 1:21

Xcoltayajob mi caj i letselob majlel ti wits i c'aba' Sion. Mi caj i yumʌntelob ya' ti' wits Esaú. Joñon mi caj cochel tic yumʌntel. Che' tsi' yʌlʌ lac Yum.

Sofonias 3:13

Jini i colojbal israelob ma'anix mi caj i chʌn cha'leñob jontolil mi lot. Ma'anix mi caj i chʌn c'ʌñob i yac' ti lotiya. Mi caj i cʌntʌntelob che' bajche' tiñʌme'. Tijicñayob mi caj i c'ajob i yo. Ma'anix majqui mi caj i chʌn bʌc'tesañob. Che' tsi' yʌlʌ lac Yum.

Zacarias 10:6

Joñon mi caj c ch'ejl'esan jini año' bʌ ti Judá yic'ot ti Israel. Mi caj c cha' wa'chocoñob ti' lumal, come c'ux mi cubiñob anquese tsac poj chocoyob. Mi caj i yajñelob quic'ot che' bajche' c cha'añob ti pejtelel ora, come joñon i Yumon i Dioson. Jini cha'an mi caj c jac'beñob i t'an.

Zacarias 3:10

Ti jim bʌ q'uin ñʌch'ʌl mi caj la' wajñel. Laj tijicñayetla yic'ot la' pi'ʌlob ti la' wotot. Che' jini ma'anic chuqui anto yom la' cha'an”. Che' tsi' yʌlʌ i Yum Panchan yic'ot Pañimil, che'en jini Angel.

Romanos 3:22

Jiñʌch toj bʌ i pusic'al mu' bʌ i yʌq'uentelob pejtel mu' bʌ i ñopob Jesucristo, come Dios mach jelchojquic mi' q'uelob.

1 Corintios 1:30

Come Dios tsi' yʌq'ueyetla la' wajñel ti Cristo Jesús. Dios tsi' yʌq'ueyonla Cristo. Jiñʌch lac ña'tʌbal tilem bʌ ti Dios. Jiñʌch tsa' bʌ i yʌc'ʌyonla ti' wenta Dios, tsa' bʌ i q'ueleyonla ti toj. Jiñʌch tsa' bʌ i yʌc'onla ti libre.

2 Corintios 5:21

Come Cristo ma'anic tsi' wis ñopo mulil, pero Dios tsi' yʌq'ue i cuch pejtelel lac mul ti' bʌc'tal ya' ti cruz cha'an mi' yʌq'ueñonla toj bʌ lac pusic'al ti Cristo.

Filipenses 3:9

cha'an mi cajñel ti' tojlel. Mach cha'anic ti' jac'ol mandar wolic taj, pero cha'an wolic ñop Cristo, come Dios mi' yʌq'ueñonla toj bʌ lac pusic'al che' mi lac ñop.