Jeremias 23:5 - Chol: I T’an Dios

⁵ Tal jini q'uin tac, che'en lac Yum, che' mi caj c techben i p'olbal c winic David. I wentajʌch junts'ijt i c'ʌb te' mu' bʌ caj i yochel ti rey. Wen toj i pusic'al ili rey. Cabʌl i ña'tʌbal. Mi caj i mel chuqui uts'at. Toj mi caj i cha'len meloñel ti jini lum.

Chol de Tumbalá Bible

⁵ Tal jini q'uin tac, che'en lac Yum, che' mi caj c techben i p'olbal c winic David. I wentajʌch junts'ijt i c'ʌb te' mu' bʌ caj i yochel ti rey. Wen toj i pusic'al ili rey. Cabʌl i ña'tʌbal. Mi caj i mel chuqui uts'at. Toj mi caj i cha'len meloñel ti jini lum.

Jeremias 23:5 Iomraidhean Croise

2 Samuel 23:3

Jini i Dios Israel tsa'ix i yʌlʌ jini t'an. Jini xuc'ul bʌ ti' tojlel israelob tsa'ix i pejcayon: “Jini mu' bʌ i cha'len yumʌl ti toj mi caj i ch'ʌm i ye'tel ti' tojlel winicob. An i yumʌntel come mi' bʌc'ñan Dios.

Salmos 45:4

Cha'len marcha ti' wut a contrajob, come tsa' mʌjli a cha'an Cha'an ti caj a sujmlel yic'ot a wutslel yic'ot a tojel. Pʌsʌ ñuc tac bʌ a we'tel cha'an p'ʌtʌlet.

Salmos 80:15

Cʌntan a pʌc'ʌbʌl. Cʌntan ch'iton bʌ a walobil tsa' bʌ a cosa cha'an ma' pʌs a ñuclel.

Salmos 99:4

Jini Ñuc bʌ Rey mi' c'uxbin toj bʌ meloñel. Tsa'ix i yʌc'ʌ ti melol chuqui tac toj. Tsa'ix i mele chuqui toj yic'ot chuqui isujm ti' tojlel Israel.

Isaias 33:5

Wen ñuc lac Yum am bʌ ti panchan. Mi caj i cha' toj'esan Jerusalén. Che' jini uts'at mi caj i melob.

Isaias 4:2

Ti jini wi'il bʌ q'uin mi caj i tsictiyel jini Mesías, che' bajche' mi' ch'ocan i buts tsa' bʌ i pʌc'ʌ lac Yum. Jini cuxulob to bʌ ti Israel i t'ojol jax mi caj i q'uelob. Jiñʌch i ch'ʌjlil yic'ot i ñuclel. Uts'at mi caj i yʌq'ueñob i yonlel i wut jini lum. Jini cuxulob to bʌ tsa' bʌ coliyob ti wocol, tsa' bʌ cʌleyob ti Jerusalén, ochemo' bʌ i c'aba'ob ti' juñilel laj cuxtʌlel, mi caj i pejcʌntelob ti “Ch'ujulo' bʌ i cha'an lac Yum” che' bʌ tsa'ix i pulbeyob i bibi'lel. I yEspíritu lac Yum mi caj i loc'sʌbeñob i bibi'al i mul ya' ba' tsa' bejq'ui i ch'ich'el jini tsʌnsʌbilo' bʌ.

Isaias 42:6

A Yumon. Tsac pʌyʌyet cha'an ma' wajñel ti toj. Tsac yajcayet. Mi caj j cʌntañet. Mi caj cʌq'uet ti ajñel ti' tojlel winicob x'ixicob cha'an mi' ts'ʌctiyel jini xuc'ul bʌ t'an mu' bʌ cʌq'ueñob. I wentajet c'ajc cha'an ma' pʌsbeñob c bijlel.

Isaias 45:24

Che' jini mi caj i yʌlob: “Isujm tilem ti lac Yum toj bʌ lac pusic'al yic'ot lac p'ʌtʌlel mu' bʌ i yʌq'ueñonla”, che'ob. Mi caj i tilelob jini tsa' bʌ i ts'a'leyoñob. Ti pejtelob mi' cajelob ti quisin.

Isaias 52:13

Q'uele c Winic. Uts'at bajche' mi caj i mel ti cabʌl i ña'tʌbal. Mi caj i wa'chocontel ti chan. Mi caj i yajñel ti ñuc.

Isaias 53:10

Anquese tsa' tic'lʌnti ti' c'ʌb winicob, che'ʌch yom i pusic'al lac Yum. Lac Yum tsi' yʌq'ue i yubin ch'ijiyem bʌ. Che' bʌ tsa'ix i yʌc'ʌ i bʌ ti chʌmel i wenta tsʌnsʌbil bʌ i majtan Dios cha'an mi' toj mulil, mi caj i q'uel i p'olbal. Cuxul mi caj i yajñel ti pejtelel ora. Ti' caj i ye'tel mi caj i yujtel ti uts'at chuqui yom lac Yum.

Isaias 53:2

Tsa' coli ili Winic ti' tojlel Dios che' bajche' i buts i wi' te' mu' bʌ i pasel ti tiquin lum ba' mach wenix. Ma'anic bajche' yilal. Mach la comic laj q'uel. Che' mi laj q'uel jini winic, mach i t'ojolic mi laj q'uel. Ma'anic mi laj c'uxbin.

Isaias 9:6

Come mi caj i yilan pañimil alʌ ch'iton cha'an mi' coltañonla. Dios mi caj i yʌq'ueñonla i yalobil. Mi caj i yotsʌbentel i c'aba': C'ax Ñuc Bʌ, Caj Cʌntesa, P'ʌtʌl bʌ Dios, Lac Tat Am Bʌ ti Pejtelel Ora, Xlajmesaleto mu' bʌ i cha'len yumʌl.

Isaias 9:7

Mi caj i ñuc'an i yumʌntel David. Mach jilic i yumʌntel ti pejtelel ora. Ñoj ñʌch'ʌl i yumʌntel. Xuc'ul mi caj i yajñel come uts'at mi caj i cha'len yumʌl ti pejtelel ora. Mi caj i p'ojlesan chuqui uts'at yic'ot chuqui toj ti pejtelel pañimil. I Yum Panchan yic'ot Pañimil mi caj i jolotesan che' bajche' tsi' yʌlʌ.

Jeremias 22:15

¿Mu' ba a lon ña'tan ñuquet cha'an ñuc a wotot? ¿Mach ba ñuquic a tat? Tsi' cha'le chuqui uts'at a tat. Toj tsi' mele ti' tojlel i pi'ʌlob. Jini cha'an tsa' jal'a i yumʌntel. Dios tsi' colta, come tsi' colta i pi'ʌlob.

Jeremias 22:3

Lac Yum woli' yʌl: Cha'lenla meloñel ti toj. La' loq'uicob pejtel woliyo' bʌ ti wocol ti' c'ʌb xtic'layajob. Mach la' contrajin jini meba'ob yic'ot jini ñajt bʌ ch'oyolob. Mach la' to'ol ñusañob che' yomob i coltʌntel. Mach la' tsʌnsan jini mach bʌ añobic i mul.

Jeremias 22:30

Otsan ti jun chuqui tsi' yʌlʌ lac Yum cha'an ma'anic i yalobil ili winic. Come ti pejtelel i yalobilob ma'anic mi juntiquilic mu' bʌ caj i cha'len yumʌl ti' buchlib David. Ma'anic i yalobil mu' bʌ caj i yumʌntel ti Judá, che'en lac Yum.

Jeremias 23:6

Che' woli ti yumʌntel, mi caj i coltʌntel Judá. Mi' caj ti wen chumtʌl Israel. Mi caj i pejcʌntel ili rey ti lac Yum, jini Toj Bʌ mu' bʌ i yʌq'ueñonla lac tojel.

Jeremias 29:11

Come cujil chuqui com c melbeñetla, che'en lac Yum. Com ñʌch'ʌletla. Mach comic mi' tajetla wocol. Com cʌq'ueñetla chuqui uts'at woli bʌ la' pijtan.

Jeremias 30:3

Tal i q'uiñilel tac che' mi caj c cha' pʌy loq'uel c tejclum Israel yic'ot Judá ya' ba' cʌchʌlob. Mi caj c cha' pʌyob tilel ti jini lum tsa' bʌ cʌq'ueyob i tatob. I cha'añobʌch mi caj i sujtel jini lum.

Jeremias 30:9

Mi caj i yumañob Dios. Mi caj i yumañob i Rey mu' bʌ caj cʌq'ueñob, loq'uem bʌ ti' p'olbal David.

Jeremias 31:27

Tal jini q'uin tac che' mi caj c p'ojlesan jini israelob yic'ot i yʌlac'.

Ezequiel 21:27

Mi caj c jisan a yumʌntel yic'ot a tejclum. Ma'anix mi caj i chʌn ña'tʌntel jinto che' mi' tilel jini Toj bʌ Winic yajcʌbil bʌ, mu' bʌ caj i ch'ʌm ti' wenta. Che' tsi' yʌlʌ lac Yum Dios.

Ezequiel 34:16

Mi caj cʌq'ueñob i c'aj i yo, che'en lac Yum Dios. Mi caj c sajcan jini sajtem bʌ. Mi caj c cha' pʌy tilel ti corral. Mi caj c ts'ʌcʌben i lojwel. Mux c cha' p'ʌtesan jini c'un bʌ. Pero mi caj cʌq'ueñob i toj i mul jini xcʌntayajob, jini jujp'emo' bʌ yic'ot p'ʌtʌlo' bʌ.

Ezequiel 34:29

Mi caj cʌq'ueñob juntejc Ac' mu' bʌ caj i q'uelob ti ñuc. Ma'anix mi caj i chʌn jilelob ti wi'ñal ila ti pañimil. Ma'anix mi caj i chʌn ubiñob quisin ti' tojlel winicob ti pañimil.

Ezequiel 45:8

Ili lum i cha'añʌch jini yumʌl cha'an ma'anix mi' chʌn tic'lʌntelob c tejclum cha'an jini yumʌlob. Mi caj i yʌq'uentelob winicob x'ixicob i colojbal jini lum. Mi caj i yʌq'uentelob i lum jujunmojt i p'olbal Israel.

Daniel 9:24

Mu' to caj i ñusañob wocol a pi'ʌlob yic'ot i tejclum lujump'ejl i chʌnc'al (70) semana jinto mi' laj cʌyob i mul, jinto mi' cha' sʌq'uesʌntelob. Che' jini mi caj i tejchel i yumʌntel jini toj bʌ mu' bʌ caj i yajñel ti pejtelel ora che' bajche' tsi' wʌn subuyob jini x'alt'añob. Mi caj i cha' sʌq'uesʌntel jini C'ax Ch'ujul bʌ Ajñibʌl am bʌ ti Templo.

Oseas 1:11

Jini año' bʌ ti Judá yic'ot Israel mi caj i tem ajñelob ti junmojt jach. Mi caj i tem yumañob juntiquil yumʌl. Mi caj i cha' loq'uelob ba' cʌchʌlob. Wen tijicña jini q'uin che' temel mi' sujtelob ti' lumal. Dios mi caj i cha' otsañob ti jini wen bʌ lum tsa' bʌ i yʌq'ueyob, che'en.

Oseas 3:5

Che' ñumenix cabʌl ora mi caj i cha' sutq'uiñob i bʌ jini israelob cha'an mi' sʌclañob Dios, i Yum. Mi caj i cha' sutq'uiñob i bʌ cha'an mi' yumañob i Yalobil David, yajcʌbil bʌ ti Dios. Ti jini cojix bʌ q'uin tac mi caj i cha' bʌc'ñañob lac Yum. Mi caj i pijtañob i wenlel ti lac Yum.

Amos 9:11

Ti jim bʌ q'uin, mi caj c tech ch'ojyel i p'olbal David yic'ot i tejclum tsa' bʌ jejmi. Mi caj c cha' ñup' jini calal tac bʌ ts'ajc. Mi caj c cha' mel chuqui tac tsa' jejmi. Mi caj c cha' mel ti tsijib che' bajche' ti ñaxan.

Miqueas 5:3

Jini cha'an Dios mi caj i yʌc' jini winicob x'ixicob i cha'año' bʌ ti' wenta i contrajob jinto mi' cha' ilañob pañimil jini israelob. Jini tsa' bʌ pʌjyiyob majlel ti' ñajt bʌ tejclum tac mi caj i cha' pʌjyelob tilel cha'an mi' tem ajñelob ti' lumal Israel.

Zacarias 3:8

Jini cha'an yom ma' wen ubin c t'an, Josué, ñuc bʌ motomaj. La' i yubiñob ja'el a pi'ʌlob. I yejtaletla jini uts'at tac bʌ mu' bʌ caj i tilel. Josué i yejtalet c Winic, jiñʌch i Buts te' yilal mu' bʌ caj c choc tilel.

Zacarias 9:9

Tijicñesan la' pusic'al c tejclumob añet bʌ la ti Sion. C'am yom mi la' cha'len c'ay, añet bʌ la ti Jerusalén, come tal la' Rey, jini Toj bʌ mu' bʌ caj i mʌjlel i cha'an. Pec' mi' mel i bʌ, c'ʌchʌl ti burro, juncojt i yal burro maxto bʌ c'ʌchtʌbilic.

Mateo 2:2

Tsi' yʌlʌyob: ¿Baqui an i yum judíojob tsa' bʌ i yila pañimil? Come tsaj q'uele lojon i yec' ti' pasibal q'uin. Tsa' tiliyon lojon cha'an mic ch'ujutesan lojon, che'ob.

Juan 1:45

Felipe tsi' taja Natanael. Tsi' sube: Tsa'ix c taja lojon jini Cristo, ña'tʌbil bʌ ti jini mandar tsa' bʌ i ts'ijba Moisés, yic'ot ti' ts'ijbujel jini x'alt'añob. Jiñʌch Jesús ch'oyol bʌ ti Nazaret, i yalobil José, che'en.

Juan 1:49

Natanael tsi' jac'be: Maestro, i Yalobilet Dios, i Reyet Israel, che'en.

1 Corintios 1:30

Come Dios tsi' yʌq'ueyetla la' wajñel ti Cristo Jesús. Dios tsi' yʌq'ueyonla Cristo. Jiñʌch lac ña'tʌbal tilem bʌ ti Dios. Jiñʌch tsa' bʌ i yʌc'ʌyonla ti' wenta Dios, tsa' bʌ i q'ueleyonla ti toj. Jiñʌch tsa' bʌ i yʌc'onla ti libre.

Hebreos 8:8

Tsi' ña'ta Dios quepel jini t'an che' bʌ tsi' yʌlʌ: “Awilan, tal i yorajlel, mi caj c wa'chocon tsijib xuc'ul bʌ t'an yic'ot i p'olbal Israel yic'ot i p'olbal Judá.

Apocalipsis 19:11

Tsaj q'uele jajmen panchan. Awilan, ya'an juncojt sʌsʌc caballo. Jini c'ʌchʌl bʌ ti' pat i c'aba'ʌch jini Xuc'ul Bʌ, jini Isujm Bʌ. Toj mi' cha'len meloñel yic'ot guerra.