Jeremias 23:4 - Chol: I T’an Dios

⁴ Mi caj cʌq'ueñob xcʌnta tiñʌme' mu' bʌ caj i wen cʌntañob. Ma'anix mi' cajelob ti chʌn bʌq'uen. Ma'anix mi' cajelob ti quisin. Ma'anic sajtem bʌ. Ts'ʌcʌl añob.

Chol de Tumbalá Bible

⁴ Mi caj cʌq'ueñob xcʌnta tiñʌme' mu' bʌ caj i wen cʌntañob. Ma'anix mi' cajelob ti chʌn bʌq'uen. Ma'anix mi' cajelob ti quisin. Ma'anic sajtem bʌ. Ts'ʌcʌl añob.

Jeremias 23:4 Iomraidhean Croise

Isaias 11:11

Ti jim bʌ ora lac Yum mi caj i cha' sʌts' i c'ʌb cha'an mi' pʌy tilel i cha'año' bʌ tsa' bʌ cʌleyob ti Asiria, yic'ot ti Egipto, yic'ot ti Patros, yic'ot ti Etiopía, yic'ot ti Elam, yic'ot ti Sinar, yic'ot ti Hamat, yic'ot ti lum tac joyol bʌ ti colem ja' ti' ñajtilel pañimil.

Jeremias 30:10

C winic Jacob, mach a cha'len bʌq'uen, che'en lac Yum. Mach a mel a pusic'al, Israel, come ya' ba' pam pujquemet ti ñajtʌl mi caj j coltañet. Mi caj j coltan a walobilob ya' ba' chumulob ti' wenta i yumob. Mi caj i cha' sujtel Jacob. Tijicña mi' caj ti chumtʌl ti' ñʌch'tʌlel i pusic'al. Ma'anix majqui mi caj i chʌn tic'lan.

Jeremias 31:10

Ubinla i t'an lac Yum winicob ti jujump'ejl tejclum. Pam pucula ti ñajtʌl ya' ba'an lum joyol bʌ ti ja'. Subeñob: “Jini tsa' bʌ i pam pucu israelob mi caj i cha' much'quiñob tilel. Mi caj i cʌntañob che' bajche' xcʌnta tiñʌme', come i yʌlac'ob”. Che'ʌch yom ma' subeñob.

Jeremias 33:26

Che'ic jini mux c junyajlel choc i p'olbal Jacob yic'ot i p'olbal c winic David. Che'ic jini, ma'anic mic yajcan juntiquil i p'olbal David cha'an mi' cha'len yumʌl ti' tojlel Abraham yic'ot Isaac yic'ot Jacob yic'ot i p'olbalob. Pero xuc'ulʌch c t'an. Ña'tan che' jini mi caj c cha' coltañob. Mi caj c p'untañob, che'en lac Yum.

Ezequiel 36:11

Mux c cha' p'ojlesan winicob yic'ot i yʌlac' ti Israel. Che' p'ojlemobix mi caj i colelob. Mi caj cʌc' ti chumtʌl ya' ti wits che' bajche' ti yambʌ ora. Mi caj c cha' aq'ueñob i wenlel ñumen bajche' ti ñaxan. Che' jini mi caj la' ña'tan la' Yumon.

Levitico 26:9

Come mi caj j cʌntañetla. Mi caj c p'ojlesañetla. Mi caj c ts'ʌctesan jini c t'an ti la' tojlel.

Miqueas 4:4

Jujuntiquil mi caj i yajñel ti' yotot ti' ñʌch'tʌlel i pusic'al. Ma'anic majch mi caj i bʌc'tesan, come che'ʌch tsi' yʌc'ʌ i t'an i Yum Panchan yic'ot Pañimil.

Miqueas 5:2

Jatet Belén Efrata wen ch'o'ch'oquet ti' tojlel pejtelel tejclum tac ti Judá, pero ya' mi caj i q'uel pañimil jini Rey mu' bʌ caj i cha'len yumʌl ti Israel, jini Rey cuxul bʌ c'ʌlʌl ti oñiyi.

Miqueas 7:14

La' c Yum. Cʌntan jini winicob x'ixicob a cha'año' bʌ, come jiñobʌch a wʌlac'. Yom tijicña mi' yajñelob ti potrero tac ya' ti Basán yic'ot ti Galaad che' bajche' ti yambʌ ora.

Sofonias 3:13

Jini i colojbal israelob ma'anix mi caj i chʌn cha'leñob jontolil mi lot. Ma'anix mi caj i chʌn c'ʌñob i yac' ti lotiya. Mi caj i cʌntʌntelob che' bajche' tiñʌme'. Tijicñayob mi caj i c'ajob i yo. Ma'anix majqui mi caj i chʌn bʌc'tesañob. Che' tsi' yʌlʌ lac Yum.

Juan 17:12

Che' wʌ'to añon quic'otob ti pañimil, tsaj cʌntayob ti a c'aba'. Tsaj cʌnta jini xñopt'añob tsa' bʌ a wʌq'ueyon. Ma'anic tsa' sajti mi juntiquilic, jini jach mu' bʌ i majlel ti tojmulil cha'an mi' ts'ʌctiyel i Ts'ijbujel Dios.

Juan 18:9

Che'ʌch tsa' ujti cha'an mi' ts'ʌctiyel jini t'an tsa' bʌ i yʌlʌ Jesús: “Ma'anic tsa' sajti mi juntiquilic xcʌnt'an tsa' bʌ a wʌq'ueyon”.

1 Pedro 1:5

Come Dios woli' cʌntañetla ti ñuc bʌ i p'ʌtʌlel pejteletla mu' bʌ la' ñop, c'ʌlʌl ti jini cojix bʌ q'uin che' mi caj i tsictiyel la' coltʌntel tsa' bʌ i wʌn chajpʌbeyetla.