Jeremias 23:3 - Chol: I T’an Dios

³ Joñon mi caj c cha' tempan tilel i colojbal c tiñʌme' baqui jach añob. Tsac wets'eyob majlel ti cabʌl lum tac, pero mi caj c cha' pʌyob tilel ti' yajñib. Mi' cajelob ti colel. Mi' cajelob ti p'ojlel.

Chol de Tumbalá Bible

³ Joñon mi caj c cha' tempan tilel i colojbal c tiñʌme' baqui jach añob. Tsac wets'eyob majlel ti cabʌl lum tac, pero mi caj c cha' pʌyob tilel ti' yajñib. Mi' cajelob ti colel. Mi' cajelob ti p'ojlel.

Jeremias 23:3 Iomraidhean Croise

Salmos 106:47

C Yum lojon Dios, coltañon lojon. Tempañon lojon loq'uel ba' chuculon lojon ti yan tac bʌ lum, Cha'an mic subeñet lojon wocolix a wʌlʌ cha'an ch'ujul a c'aba'. La' ñuc'ac lojon c pusic'al che' mic sub lojon a ñuclel.

Jeremias 16:15

Pero mi caj i yʌlob: Cuxul lac Yum tsa' bʌ i pʌyʌ loq'uel israelob ti norte yic'ot ti pejtelel lum baqui tsa' wejts'iyob majlel”. Che'ʌch mi caj a subeñob, che'en lac Yum. Come joñon mi caj c cha' pʌyob tilel ti' lumal, ti jini jach bʌ lum tsa' bʌ cʌq'ueyob i tatob.

Jeremias 29:14

Mi caj cʌc' c bʌ ti cʌjñel ti la' tojlel, che'en lac Yum. Mi caj c cha' sutq'uibeñetla la' lum yic'ot i tijicñʌyel la' pusic'al che' mic pʌyetla loq'uel ti jujump'ej lum ba' tsac wets'eyetla majlel, che'en lac Yum. Joñon mi caj c cha' pʌyetla ochel ti la' lum ba' tsac chocoyetla loq'uel.

Jeremias 30:10

C winic Jacob, mach a cha'len bʌq'uen, che'en lac Yum. Mach a mel a pusic'al, Israel, come ya' ba' pam pujquemet ti ñajtʌl mi caj j coltañet. Mi caj j coltan a walobilob ya' ba' chumulob ti' wenta i yumob. Mi caj i cha' sujtel Jacob. Tijicña mi' caj ti chumtʌl ti' ñʌch'tʌlel i pusic'al. Ma'anix majqui mi caj i chʌn tic'lan.

Jeremias 30:3

Tal i q'uiñilel tac che' mi caj c cha' pʌy loq'uel c tejclum Israel yic'ot Judá ya' ba' cʌchʌlob. Mi caj c cha' pʌyob tilel ti jini lum tsa' bʌ cʌq'ueyob i tatob. I cha'añobʌch mi caj i sujtel jini lum.

Jeremias 31:7

Come Lac Yum woli' yʌl: Cha'lenla c'ay come tijicña Jacob. Yom tijicñayetla come ñuc Jacob ti' tojlel pejtel tejclum tac. Subula i ñuclel. Pam pucula. Subula: “Coltʌbilix i winicob lac Yum. Jini tsi' colta i colojbal israelob”. Che'ʌch yom mi la' sub.

Jeremias 31:8

Awilan mi caj c cha' pʌyob loq'uel ti norte yic'ot ti jujunwejl pañimil. Mi caj c cha' tempañob tilel yic'ot jini mach bʌ wenic i yoc i c'ʌb yic'ot x'ixicob cʌntʌbilo' bʌ i yalobil yic'ot x'ixicob woliyo' bʌ ti bajq'uel. Cabʌlob mi caj c cha' pʌy tilel.

Jeremias 32:37

Awilan mi caj c cha' much'quin jini tsa' bʌ wejts'iyob majlel che' wen mich'on cha'an cabʌl c mich'ajel. Mi caj c cha' pʌyob loq'uel ti pejtelel lum cha'an mi cʌc'ob ti chumtʌl ti uts'at ti ili lum ba' ma'anic bʌq'uen.

Jeremias 46:27

Mach la' cha'len bʌq'uen jatetla tsa' bʌ sujtiyetla ti la' lumal. C winiquetla. Mach la' mel la' pusic'al. Mi caj c cha' pʌyetla tilel la' wic'ot la' walobilob anquese ñajt pujquemetla, anquese chuculetla ti' wenta yambʌ yumʌlob. Mi caj i cha' sujtel Jacob. Mi caj i c'aj i yo, tijicña i pusic'al. Ma'anic chuqui mi caj i bʌc'ñan.

Jeremias 50:19

Mi caj c cha' pʌy tilel Israel wʌ' ti' lumal. Cha' tijicña mi caj i chumtʌlob ti Carmel yic'ot ti Basán. Tijicña mi' cajelob ti c'ajbal ti' bujtʌl tac Efraín yic'ot ti Galaad.

Jeremias 8:3

I colojbal winicob ts'a' mi caj i q'uelob i cuxtʌlel che' ti' yorajlel wocol. Mi caj c pucob majlel ti ñajtʌl, che'en i Yum Panchan yic'ot Pañimil.

Ezequiel 11:17

Mi caj c cha' pʌyetla loq'uel ti pejtelel lum ba' pam pujquemetla cha'an mic cha' aq'uetla ti' lumal Israel”. Che'ʌch yom ma' subeñob.

Ezequiel 36:11

Mux c cha' p'ojlesan winicob yic'ot i yʌlac' ti Israel. Che' p'ojlemobix mi caj i colelob. Mi caj cʌc' ti chumtʌl ya' ti wits che' bajche' ti yambʌ ora. Mi caj c cha' aq'ueñob i wenlel ñumen bajche' ti ñaxan. Che' jini mi caj la' ña'tan la' Yumon.

Ezequiel 36:24

Mi caj c cha' loc'sañetla ti pejtelel tejclum tac cha'an mic cha' pʌyetla tilel ti Israel.

Ezequiel 36:37

Lac Yum Dios woli' yʌl: Wolic pijtan i yoración jini israelob mu' bʌ caj i c'ajtibeñoñob i wenlel i lumal. Chajpʌbilon cha'an mi cʌq'ueñob chuqui yomob. Mi caj c p'ojl'esañob che' bajche' i yonlel tiñʌme' ti' bijlel tac Jerusalén ba' ora mi yʌq'ueñob Dios tsʌnsʌbil bʌ i majtan. Che'ʌch mi caj i p'ojlelob winicob ti' tejclum tac Israel ba' jejmen wʌle. Ti jim bʌ ora mi caj i ña'tañob Yumʌlon”. Che' tsi' yʌlʌ lac Yum.

Levitico 26:9

Come mi caj j cʌntañetla. Mi caj c p'ojlesañetla. Mi caj c ts'ʌctesan jini c t'an ti la' tojlel.

Miqueas 2:12

Isujm mic subeñetla, tal i yorajlel mi caj c muchq'uin i colojbal israelob. Mi caj c muchq'uiñetla tilel che' bajche' tiñʌme'. Che' much'uletla ti jump'ejl corral ti' wenta jump'ejl a yum, tijicña mi caj la' wubin.

Miqueas 7:12

Ti jim bʌ q'uin mi caj i tilelob jini año' bʌ ti Asiria yic'ot ti Egipto yic'ot ti junwejl jini ñoj ja' Eufrates, yic'ot ti junwejl jini ñajb tac, yic'ot ti wits tac.