Jeremias 23:2 - Chol: I T’an Dios

² Jini cha'an lac Yum, i Dios Israel, woli' yʌl: Jatetla am bʌ la' we'tel, an la' mul, come an ti la' wenta cha'an mi la' we'san c winicob x'ixicob, pero tsa' la' wʌc'ʌyob ti pam pujquel. Tsa' la' wets'eyob majlel. Ma'anic tsa' la' wen q'ueleyob. La' wilan joñon mi caj c sutq'uibeñet wocol cha'an a jontolil.

Chol de Tumbalá Bible

² Jini cha'an lac Yum, i Dios Israel, woli' yʌl: Jatetla am bʌ la' we'tel, an la' mul, come an ti la' wenta cha'an mi la' we'san c winicob x'ixicob, pero tsa' la' wʌc'ʌyob ti pam pujquel. Tsa' la' wets'eyob majlel. Ma'anic tsa' la' wen q'ueleyob. La' wilan joñon mi caj c sutq'uibeñet wocol cha'an a jontolil.

Jeremias 23:2 Iomraidhean Croise

Exodo 32:34

Wʌle, cucu, pʌyʌ majlel jini winicob ba' tsac subeyet. A wilan, ñaxan mi caj i majlel cAngel ti a tojlel. Pero che' ti' yorajlel toj mulil, joñon mi caj cʌq'ueñob i tojol i mul, che'en lac Yum.

Jeremias 10:21

Jini yumʌlob ma'anic mi' cʌntañob c pi'ʌlob. Ma'anix mi' tsajcañob i Yum Dios. Jini cha'an mach uts'atic añob. Jini mu' bʌ i yumañob tsa'ix laj pʌjyiyob majlel lajal bajche' i yʌlac' jini xcʌnta tiñʌme'ob.

Jeremias 11:22

Jini cha'an mi caj cʌc'ob ti wocol, che'en lac Yum. Jini ch'iton winicob mi caj i chʌmelob ti espada. Mi caj i laj chʌmelob ti wi'ñal ch'iton bʌ yic'ot xch'oc bʌ i yalobilob.

Jeremias 13:17

¿Maxto ba anic mi caj la' jac'? Mi tsʌts to la' pusic'al, mi caj c cha'len uq'uel ti mucul. Wen ch'ijiyem c pusic'al cha'an chan woli la' mel la' bʌ. Cabʌl mic cha'len uq'uel cha'an cʌchʌl mi caj i pʌjyel majlel i tejclum lac Yum.

Jeremias 13:20

Q'uele pañimil ti norte. Ix tilelob laj contrajob. ¿Baqui an a wʌlac' tsa' bʌ aq'uentiyet, jini wen uts'atax bʌ a wʌlac'?

Jeremias 13:21

¿Chuqui mi caj a wʌl che' ma' yuman a contra? ¿Bajche' mi caj a mulan? ¿Tijicña ba mi caj a wubin? ¿Mach ba muq'uic a wubin wocol che' bajche' x'ixic woli bʌ ti bajq'uel?

Jeremias 17:10

Joñon a Yumon. Mic chʌcʌ q'uel a pusic'al cha'an mic lu' cʌn. Q'uelel c cha'an bajche' wola' ña'tan yic'ot bajche' wola' mel. Che' jini mi cʌq'ueñob winicob i chobejtʌbal ti chajp ti chajp bajche' an i melbal ti jujuntiquil.

Jeremias 21:12

I p'olbalet David, ubin i t'an lac Yum: Cha'len meloñel ti toj. Se'ñun mecu. Coltan loq'uel ti' wenta xujch' jini tsa' bʌ chilbenti i chubʌ'an, ame tilic wocol i tajet che' bajche' c'ajc mach bʌ yujilic yajpel, come mich'on cha'an jontol a melbal.

Jeremias 23:34

Mi caj cʌq'uen i toj i mul jini winic mu' bʌ i lon suben i pi'ʌlob: “Ubinla c t'an, jiñʌch i cuch lac Yum”. Majqui jach mi' sub, mi motomaj o mi yambʌ, mi caj i toj yic'ot pejtel año' bʌ ti' yotot.

Jeremias 44:22

Mach chʌn cuchbilix i cha'an la' jontolil yic'ot pejtelel chuqui mi la' mel. Jini cha'an tsa' pujch'i la' lum. Tsa' sujti ti tiquin bʌ lum mach bʌ anic i c'ʌjñibal. Ma'anix i yumob. Tsa' p'ajleyob jini ya' bʌ chumulob. Tsa' jiliyob. Jini cha'an woliyetla ti wocol wʌle.

Jeremias 5:29

¿Mach ba muq'uic i tojob i mul? che'en lac Yum. Joñon mi caj cʌq'ueñob i toj i mul jini tejclum.

Jeremias 5:9

¿Mach ba muq'uic i tojob i mul? che'en lac Yum. Joñon mi caj cʌq'uen i toj i mul jini tejclum cha'an cabʌl i mul.

Jeremias 8:12

¿Tsa' ba i yubiyob quisin che' bʌ tsi' ch'ujutesayob i diosob? Ma'anic. Mach yujilobic quisin. Mach yujilic chʌc'an i wut. Jini cha'an mi caj i yajlelob yic'ot jini tsʌnsʌbilo' bʌ. Che' i yorajlelix wocol mi caj i yʌjq'uelob ti chʌmel, che'en lac Yum.

Ezequiel 34:5

Tsa' pam pujquiyob c tiñʌme', come ma'anic i cʌntʌntel. Tsa' sujtiyob ti' we'el bʌte'el.

Oseas 2:13

Mi caj cʌq'uen i toj i mul cha'an tsi' pulbe pom jini Baal dios. Tsi' ch'ʌlʌ i bʌ ti ujʌl yic'ot mʌtc'ʌb wen letsem bʌ i tojol. Tsa' majli i sʌclan i winic. Ma'anix tsi' chʌn ña'tayon. Jini cha'an mi caj i toj i mul. Jiñʌch laj cʌntesʌntel ti lac Yum.

Miqueas 7:4

Jini uts'at bʌ ti' wut i pi'ʌlob lajal i jontolil. Lajalʌch bajche' junts'ijt ch'ix o mi juntejc ch'ixte' cabʌl bʌ i c'ʌb. Mach jalix tal i yorajlel che' mi caj a toj a mul che' bajche' tsa' subentiyet. Mux i toj sajtel a pusic'al.

Zacarias 10:3

Ti' caj i mul jini jontol bʌ xcʌntayajob wen mich'on. Mi caj cʌq'ueñob i toj i mul jini yumʌlob, come tsa'ix tili lac Yum Dios cha'an mi' coltan jini año' bʌ ti Judá, come i yʌlac'. Mi caj c p'ʌtesañob cha'an lajal mi' sujtelob che' bajche' wen ch'ejl bʌ caballo ti guerra, che'en.

Zacarias 11:16

Che'i mi caj a tsictesan bajche' joñon mi caj cʌq'ueñob ili israelob xcʌntaya mach bʌ anic i pusic'al. Ma'anic mi caj i sajcan jini sajtemo' bʌ. Ma'anic mi caj i coltan jini ch'o'ch'oco' bʌ. Ma'anic mi caj i ts'ʌcan jini c'ʌsquijem bʌ. Ma'anic mi caj i yʌq'uen i c'aj o jini lujb bʌ. Pero mi caj i c'ux jini wen jujp'em bʌ. Mi caj i p'it i yoc.

Mateo 25:36

Che' pits'ilon, tsa' la' wʌq'ueyon chuqui mic xoj. Che' c'amon, tsa' la' jula'tayon. Che' añon ti cárcel, tsa' tili la' q'uelon”, che'en.

Mateo 25:43

Che' mach cʌmbilonic la' cha'an ma'anic tsa' la' pʌyʌyon ochel. Che' pits'ilon ma'anic tsa' la' wʌq'ueyon chuqui mic xoj. Che' c'amon, che' añon ti cárcel, ma'anic tsa' la' jula'tayon”, che'en.

Santiago 1:27

Jini mu' bʌ i ch'ujutesan Dios ti isujm, mach bʌ anic i bibi'lel ti' tojlel Dios lac Tat, jiñʌch mu' bʌ i coltan meba' alobob yic'ot meba' x'ixicob. Mi' chʌcʌ q'uel i bʌ ame i ñopben i sojquemal pañimil.