Jeremias 23:11 - Chol: I T’an Dios

¹¹ Bibi'ob tic wut jini x'alt'añob yic'ot jini motomajob. Bibi'ix c Templo cha'an i jontolil, che'en lac Yum.

Chol de Tumbalá Bible

¹¹ Bibi'ob tic wut jini x'alt'añob yic'ot jini motomajob. Bibi'ix c Templo cha'an i jontolil, che'en lac Yum.

Jeremias 23:11 Iomraidhean Croise

2 Cronicas 33:7

Tsi' ñumen cha'le mulil che' bʌ tsi' yotsa dioste' ti' Templo lac Yum. Tsi' ñusʌbe i t'an lac Yum tsa' bʌ i sube David yic'ot Salomón i yalobil: “Mi caj i yajñel j c'aba' ti pejtelel ora wʌ' ti Jerusalén, ti jini tejclum tsa' bʌ c yajca ti' tojlel israelob.

2 Cronicas 36:14

Pejtelel jini yumʌlob yic'ot jini motomajob tsi' cʌyʌyob lac Yum. Tsi' ñopbeyob i melbal yan tac bʌ tejclumob. Che' jini tsi' bib'esʌbeyob i Templo lac Yum ba' tsi' yʌc'ʌ i bʌ ti cʌjñel ya' ti Jerusalén.

Jeremias 11:15

Che' ujtel to i cha'len ts'i'lel jini c'uxbibil bʌ c cha'an, ¿yom ba mi' cha' ochel ti cotot? ¿Mu' ba caj i sʌc'an i pusic'al Judá yic'ot i t'an mu' bʌ i subeñon yic'ot cotol bʌ c majtan mu' bʌ i yʌq'ueñon? ¿Jasʌl ba iliyi cha'an mi' cha' taj i tijicñʌyel?

Jeremias 23:15

Jini cha'an, q'uele chuqui mi caj c tumbeñob jini x'alt'añob. Mi caj cʌq'ueñob i jap ch'aj bʌ ja' am bʌ i venenojlel, che'en i Yum Panchan yic'ot Pañimil, come ti' caj i mul jini x'alt'añob ti Jerusalén but'ul ili lum ti jontolil.

Jeremias 32:34

Tsi' c'ʌcchocoyob ti cotot jini dios tac ts'a'lebil bʌ c cha'an. Che' jini tsi' bib'esayob c Templo ba' mi' yʌlob j c'aba'.

Jeremias 5:31

Jini x'alt'añob mi' cha'leñob lot. Jini motomajob mi' melob che' bajche' bajñel yomob. Tijicñayob winicob x'ixicob, come che'ʌch mi' mulañob. Pero ¿chuqui mi caj i melob che' ti' jilibal?

Jeremias 50:6

Sajtemob c winicob x'ixicob che' bajche' tiñʌme'. Ti' caj i mul jini xcʌnta tiñʌme'ob tsa' sajtiyob ya' ti wits tac cha'an tsi' ñopoyob lot. Jini cha'an mach chʌn c'ajalix i cha'añob i bijlel c'aj o.

Jeremias 6:13

Ti pejtelob añob i mul, jini ñuco' bʌ yic'ot jini ch'o'ch'oco' bʌ. Mi' ch'ʌmob taq'uin ñumen bajche' yom. Ti pejtelelob mi' cha'leñob lotiya. Che'ʌch mi' melob ja'el jini x'alt'añob yic'ot jini motomajob.

Jeremias 7:30

Come cabʌlob i mul i yalobilob Judá ti' tojel c wut, che'en lac Yum. Tsi' yotsayob ti Templo jini ts'a'lebil tac. Tsi' wa'chocoyob ti' mal cotot ba' tsa cʌc'ʌ ti cʌjñel j c'aba'. Che' jini tsi' bib'esayob.

Jeremias 8:10

Jini cha'an mi caj cʌc' ti tic'lʌntel i yijñamob ti' tojlel i contrajob. Mi caj i chilbeñob i lum cha'an i mul, come wen yujilob lot pejtel winicob x'ixicob, jini ñuco' bʌ yic'ot jini ch'o'ch'oco' bʌ, jini x'alt'añob yic'ot motomajob.

Lamentaciones 2:20

C Yum, ña'tan ili winicob x'ixicob, come a cha'añobʌch. ¿Yom ba mi' c'uxob i bʌc'tal i yalobilob tsa' bʌ i meq'ueyob? ¿Yom ba mi' chʌmelob motomajob yic'ot x'alt'añob ya' ti' Templo lac Yum?

Ezequiel 23:39

Che' bʌ tsa' ujti i pulob i yalobilob, tsa' ochiyob tic Templo. Che' jini tsi' bib'esayob. Che'ʌch tsi' lon ch'ujutesayoñob ti cotot.

Ezequiel 44:10

Wersa mi caj i tojob i mul jini levíjob tsa' bʌ i cʌyʌyoñob ba' ora jini israelob tsa' caji i ch'ujutesañob dios tac.

Ezequiel 7:20

Tsi' lon chañ'esayob i bʌ cha'an i taq'uin. Tsi c'ʌñʌyob i mel diosob yic'ot i yejtal tac jini ts'a'lebil tac bʌ. Jini cha'an mi caj cʌq'ueñob i ts'a'leñob i taq'uin.

Ezequiel 8:11

Ya' wa'alob ti' tojel ts'ajc tsaj q'uele lujuntiquil i chʌnc'al (70) winicob año' bʌ i ye'tel ti Israel yic'ot Jaazanías (i yalobil Safán). Ti jujuntiquil chucbil i cha'an i yajñib pom ba' woli' letsel i buts'il.

Ezequiel 8:16

Che' jini tsi' pʌyʌyon ochel ti' patiojlel i yotot lac Yum. Ya' ti' yochibal Templo ti' tojel jini pulʌntib tsaj q'uele jo'tiquil i cha'c'al winicob laj wa'alob, sujtemob i pat ti' tojel i Templo lac Yum, sujtemob i wut ti' tojel i pasibal q'uin. Woli' ch'ujutesañob jini q'uin.

Sofonias 3:3

Come jini yumʌlob chan tsi' meleyob i bʌ che' bajche' wen bʌbʌq'uen bʌ bajlum. Jini juezob ti mucul jach mi' melob winicob che' bajche' bʌte'el ts'i' mu' bʌ i lu' jisan i colojm. Che' ti yijc'ʌlal ma'anix tsiquil baqui tsi' cʌyʌ i bʌquel.

Sofonias 3:4

Jini x'alt'añob la' cha'an wen mañʌjax bajche' mi' melob. Wen yujilob lotiya. Jini motomajob ja'el mi' bib'esañob jini Templo. Mi' socbeñob i sujmlel jini mandar.