Jeremias 23:1 - Chol: I T’an Dios

¹ Obol i bʌ jini xcʌnta tiñʌme' mu' bʌ i yʌc' ti pam pujquel c tiñʌme'. Mi caj i tojob i mul cha'an tsi' yʌc'ʌyob ti jisʌntel c cha'año' bʌ, che'en lac Yum.

Chol de Tumbalá Bible

¹ Obol i bʌ jini xcʌnta tiñʌme' mu' bʌ i yʌc' ti pam pujquel c tiñʌme'. Mi caj i tojob i mul cha'an tsi' yʌc'ʌyob ti jisʌntel c cha'año' bʌ, che'en lac Yum.

Jeremias 23:1 Iomraidhean Croise

Jeremias 10:21

Jini yumʌlob ma'anic mi' cʌntañob c pi'ʌlob. Ma'anix mi' tsajcañob i Yum Dios. Jini cha'an mach uts'atic añob. Jini mu' bʌ i yumañob tsa'ix laj pʌjyiyob majlel lajal bajche' i yʌlac' jini xcʌnta tiñʌme'ob.

Jeremias 12:10

Jini año' bʌ i ye'tel cha'an mi' cʌntañob c tiñʌme' tsa'ix i biy t'uchtayob c ts'usubil. Tsi' tic'layob c lum ba' tsa' ñumiyob. Jini i t'ojol jax bʌ c lum tsa'ix sujti ti colem bʌ xajlelol wen ch'ijiyem bʌ.

Jeremias 13:17

¿Maxto ba anic mi caj la' jac'? Mi tsʌts to la' pusic'al, mi caj c cha'len uq'uel ti mucul. Wen ch'ijiyem c pusic'al cha'an chan woli la' mel la' bʌ. Cabʌl mic cha'len uq'uel cha'an cʌchʌl mi caj i pʌjyel majlel i tejclum lac Yum.

Jeremias 2:26

Jini yujil bʌ xujch' mi' cajel ti quisin che' cʌmbilix i mul. Che' ja'el mi' cajelob ti quisin i yalobilob Israel. Ti pejtelob yic'ot i reyob yic'ot motomajob yic'ot x'alt'añob

Jeremias 2:8

Jini motomajob ja'el ma'anic woli' yʌlob: “¿Baqui an lac Yum?” Jini yujilo' bʌ mandar mach i cʌñʌyoñobix. Jini año' bʌ i ye'tel wolix i contrajiñoñob. Jini subt'añob woli' subob ti ñuc jini Baal. Woli' tsajcañob jini lolom jach bʌ.

Jeremias 22:22

Wʌle bʌc' majlemobix pejtel a waj q'ueloñelob che' bajche' i yopol te' mu' bʌ i wejlan ic'. Mi caj i cʌjchelob majlel a pi'ʌlob c'uxbibilo' bʌ a cha'an. Che' jini mi caj i toj sajtel a pusic'al ti quisin cha'an pejtel a jontolil.

Jeremias 23:2

Jini cha'an lac Yum, i Dios Israel, woli' yʌl: Jatetla am bʌ la' we'tel, an la' mul, come an ti la' wenta cha'an mi la' we'san c winicob x'ixicob, pero tsa' la' wʌc'ʌyob ti pam pujquel. Tsa' la' wets'eyob majlel. Ma'anic tsa' la' wen q'ueleyob. La' wilan joñon mi caj c sutq'uibeñet wocol cha'an a jontolil.

Jeremias 50:6

Sajtemob c winicob x'ixicob che' bajche' tiñʌme'. Ti' caj i mul jini xcʌnta tiñʌme'ob tsa' sajtiyob ya' ti wits tac cha'an tsi' ñopoyob lot. Jini cha'an mach chʌn c'ajalix i cha'añob i bijlel c'aj o.

Ezequiel 13:3

Lac Yum Dios woli' yʌl: Mi caj i tajob wocol jini tonto bʌ x'alt'añob, mu' bʌ i lon subob t'an tilem bʌ ti' bajñel pusic'al che' ma'anic chuqui tsac subeyob.

Ezequiel 34:1

Lac Yum tsi' cha' subeyon: I yalobil winic, subeñob jini xcʌntayajob ti Israel: “Lac Yum Dios woli' yʌl: Obol la' bʌ xcʌntayajetla ti Israel. Woli la' bajñel cʌntan la' bʌ, pero ma'anic woli la' wen q'uel jini tiñʌme'. ¿Mach ba la' wentajic la' we'san jini tiñʌme'?

Ezequiel 34:21

Tsa' la' cha'le cujoñel ti la' ts'ejtʌl yic'ot la' quejlab. Tsa' la' cuju yic'ot la' xulub jini c'uño' bʌ. Tsa' la' pam pucuyob ti pejtelel.

Ezequiel 34:31

Jatetla cʌlaq'uetla, c tiñʌme'etla wʌ' tic jamil. Jatetla c winiquetla. Joñon la' Dioson”, che'en lac Yum Dios.

Zacarias 10:3

Ti' caj i mul jini jontol bʌ xcʌntayajob wen mich'on. Mi caj cʌq'ueñob i toj i mul jini yumʌlob, come tsa'ix tili lac Yum Dios cha'an mi' coltan jini año' bʌ ti Judá, come i yʌlac'. Mi caj c p'ʌtesañob cha'an lajal mi' sujtelob che' bajche' wen ch'ejl bʌ caballo ti guerra, che'en.

Mateo 15:14

La' to ajnicob. Xpots'ob jini xpʌs bijob. Mi xpots' jini mu' bʌ i toj'esan majlel xpots', ti' cha'ticlelob mi' yajlelob ti ch'en, che'en Jesús.

Mateo 9:36

Che' bʌ tsi' q'uele tempʌbilob winicob x'ixicob, tsa' bujt'i i pusic'al Jesús ti p'untaya, come tsi' q'uele c'uñob jax, pujquemob jax che' bajche' tiñʌme' mach bʌ anic xcʌntaya i cha'an.

Juan 10:10

Mi' tilel xujch' cha'an mi' xujch'in. Mi' tilel i tsʌnsan. Mi' tilel i jisan. Joñon tsa' tiliyon cha'an mi' tajob i cuxtʌlel, cha'an on mi' tajob pejtelel chuqui wen.

Juan 10:12

Jini mu' bʌ i cʌntan tiñʌme' cha'an ganar mach i yumic tiñʌme'. Ma'anic mi' cʌntan. Che' mi' q'uel bʌte'el ts'i' mu' bʌ i tilel, mi' cʌy tiñʌme', mi' cha'len puts'el. Jini bʌte'el ts'i' mi' chuc. Mi' pam puc.

Juan 10:8

Pejtelel tsa' bʌ tiliyob ti ñaxan xujch'ob, xchiloñelob. Jini tiñʌme' ma'anic tsi' jac'beyob.