Jeremias 22:9 - Chol: I T’an Dios

⁹ Mi caj i jac'ob: Cha'an tsi' jemeyob jini xuc'ul bʌ t'an. Tsi' cʌyʌyob i Dios. Tsi' ch'ujutesayob yambʌ dios tac, mach bʌ mero Diosic. Tsi' c'uxbiyob, che'ob”. Che'ʌch yom ma' subeñob, che'en lac Yum.

Chol de Tumbalá Bible

⁹ Mi caj i jac'ob: Cha'an tsi' jemeyob jini xuc'ul bʌ t'an. Tsi' cʌyʌyob i Dios. Tsi' ch'ujutesayob yambʌ dios tac, mach bʌ mero Diosic. Tsi' c'uxbiyob, che'ob”. Che'ʌch yom ma' subeñob, che'en lac Yum.

Jeremias 22:9 Iomraidhean Croise

1 Reyob 9:8

Ili Templo mi caj i jejmel. Majqui jach mi' ñumel ilayi ba' p'ul jembil ili xajlel mi caj i yʌl: “¿Chucoch tsa' jejmi? Jini lac Yum ¿mach ba anic tsi' c'uxbi i lum yic'ot i Templo?” che'ob.

2 Reyob 22:17

Come tsi' cʌyʌyoñob. Tsi' pulbeyob pom jini mach bʌ Diosic. Tsi' techbeyoñob c mich'ajel. Mach lajmic c mich'ajel.

2 Cronicas 34:25

Come tsi' cʌyʌyoñob. Tsi' yʌq'ueyob i majtan dioste'. Tsi' techbeyoñob c mich'ajel cha'an pejtelel i melbal. Jini cha'an mi caj c jisan ili tejclum tic mich'ajel. Ma'anic majch mi' mʌctañon”. Che' tsi' yʌlʌ lac Yum.

Jeremias 11:10

Tsa'ix sujtiyob ti' bijlel i tatob tsa' bʌ i juch'teq'ueyob c t'an. Tsa' majli i ch'ujutesañob yambʌ dios tac. Jini chumulo' bʌ ti Judá yic'ot ti Jerusalén tsa'ix i ñusayob jini xuc'ul bʌ c t'an tsa' bʌ c mele yic'ot i tatob.

Jeremias 11:3

Subeñob ts'a'lebil ti Dios jini mach bʌ anic mi' ñich'tan jini xuc'ul bʌ c t'an. Tsac mele jini trato yic'ot la' tatob che' bʌ tsac pʌyʌyob loq'uel ti Egipto ya' ba' woliyob ti wocol e'tel. Tsac subeyob: “Ñich'tanla c t'an. Melela chuqui mic subeñetla. Che' jini c winiquetla, la' Dioson.

Jeremias 16:11

Che' jini mi caj a subeñob: “Lac Yum woli' yʌl: Tsi' cʌyʌyoñob la' tat. Tsi' ñopbeyob i diosob jini ñajt bʌ chumulob mach bʌ la' cʌñʌyic. Tsi' yumayob. Tsi' ch'ujutesayob. Tsi' cʌyʌyoñob. Ma'anic tsi' jac'beyoñob j cʌntesʌbal.

Jeremias 50:7

I contrajob tsi' tajayob. C'unte' c'unte' tsi' jisayob. Jini xjisayajob tsi' yʌlʌyob: “Ma'anic lac mul, bajñel añob i mul cha'an tsi' cʌyʌyob i Yum, jini toj bʌ i Dios i tatob”, che'ob.

Jeremias 9:13

Lac Yum woli' yʌl: Cha'an tsi' cʌyʌyob c mandar tsa' bʌ cʌq'ueyob, jini cha'an tsa' asiyi jini lum. Ma'anic tsi' jac'ʌyob c t'an. Ma'anic tsi' meleyob che' bajche' tsac subeyob.

Ezequiel 12:16

Pero mi caj j coltan lamital ame laj jisʌnticob yic'ot espada, yic'ot wi'ñal, yic'ot jontol bʌ c'amʌjel. Jini mu' to bʌ i cʌytʌlob mi caj i cha' ña'tañob pejtelel i jontolil come i Yumoñʌch”. Che' yom ma' subeñob. Che' tsi' yʌlʌ lac Yum.

Ezequiel 14:23

Mi caj i ñuq'uesʌntel la' pusic'al che' mi la' ña'tan tsac melbeyob che' bajche' an i melbalob. Ma'anic tsac to'ol aq'ueyob wocol”. Che' yom ma' subeñob, che'en lac Yum Dios.

Ezequiel 39:23

Pejtel winicob mi caj i ña'tañob tsa' cʌjchiyob majlel jini israelob cha'an i mul, cha'an tsi' cʌyʌyoñob che' bʌ tsi' chañ'esayob i bʌ tic tojlel. Jini cha'an tsac mʌyʌ c wut ti' tojlelob. Tsa cʌc'ʌyob ti jisʌntel ti' wenta i contrajob. Tsa' lu' chʌmiyob ti espada.

Ezequiel 5:15

Mi caj i tse'tañetla. Mi caj i tajob i cʌntesʌntel cha'an ti' caj la' wocol. Mi caj i ña'tañob wen bʌc'ñʌbilon che' mich'on. Bʌbʌq'uen mi' jilelob cha'an i mul che' mi cʌq'ueñob i toj.

Deuteronomio 29:24

Pejtelel jini año' bʌ ti yan tac bʌ tejclum mi caj i yʌlob: “¿Chucoch che' tsi' mele lac Yum ti' tojlel ili tejclum? ¿Chucoch cʌlʌx i mich'ajel?” che'ob.