Jeremias 22:6 - Chol: I T’an Dios

⁶ Subeñob ja'el jini año' bʌ ti Judá: “Lac Yum woli' yʌl: I t'ojol jax mij q'uel i yotot jini rey David che' bajche' jini te'el am bʌ ti Galaad yic'ot ti Líbano. Pero mi caj c sutq'uin ti jochol bʌ lum. Ch'ijiyem mi caj la' cʌytʌl che' ma'anix la' yum.

Chol de Tumbalá Bible

⁶ Subeñob ja'el jini año' bʌ ti Judá: “Lac Yum woli' yʌl: I t'ojol jax mij q'uel i yotot jini rey David che' bajche' jini te'el am bʌ ti Galaad yic'ot ti Líbano. Pero mi caj c sutq'uin ti jochol bʌ lum. Ch'ijiyem mi caj la' cʌytʌl che' ma'anix la' yum.

Jeremias 22:6 Iomraidhean Croise

Genesis 37:25

Tsa' buchleyob ti c'ux waj. Tsi' joy q'ueleyob pañimil. Tsi' q'ueleyob woli' tilelob ti Galaad junmojt ismaelob. Woli' sujtelob ti Egipto yic'ot i camello tac. Woli' cuchob majlel i ts'ʌcal i bʌl i ñʌc', yic'ot xojocña bʌ pom, yic'ot xojocña bʌ ts'ac.

Salmos 107:34

Mi' sutq'uin ti pujch'em bʌ lum jini wen bʌ lum, Cha'an i jontolil jini ya' bʌ chumulob.

Cantares 4:1

(Jini rey Salomón:) A t'ojol jax quijñam mu' bʌ j c'uxbin, a t'ojol jax. Lajal a wut mʌcʌl bʌ ti pisil bajche' x'ujcuts. Liquil i tsutsel a jol mi' wejluyel che' bajche' alʌc'ʌl mu' bʌ ti tijp'el tac ti wits.

Cantares 5:15

Chan i yoc bajche' oy melbil bʌ ti i t'ojol jax bʌ mármol chucul bʌ ti oro. Chan bajche' jini ch'ujte' ti Líbano. Ma'anic yambʌ winic lajal bajche' jini.

Isaias 27:10

Che' jini ñʌch'ʌlix jini colem tejclum joyol bʌ ti ts'ajc. Cʌybilix jini otot tac. Pimix i pam otot. Woliyob ti buc'bal wacax. Ya' mi' wʌyelob.

Isaias 37:24

Tsa' choco tilel ti p'ajoñel ñuc bʌ yumʌlob a cha'an. Tsa' p'ajayon. Ñuc tsa' mele a bʌ tic tojlel. Tsa' lon alʌ: Yic'ot bajc'ʌl carreta tac tsa'ix letsiyon lojon c'ʌlʌl ti' chañelal jini wits tac. Tsa'ix c'ʌjquiyon letsel ti' pam Líbano. Tsa'ix c seq'ue lojon jini chan tac bʌ ch'ujte', yic'ot jini taj wen fino bʌ. Tsa'ix c'ʌlʌl c'otiyon ti wen chan tac bʌ wits, ba' wen pim jini te'el tac, wen i t'ojol jax bʌ.

Isaias 6:11

Tsaj c'ajtibe: ¿Jala to, c Yum? cho'on. Tsi' jac'beyon: Jinto laj jembilix i tejclum tac. Che' jocholix mi' cʌytʌl i yototob yic'ot i wumilelob,

Jeremias 21:11

Subenla jini rey ti Judá yic'ot i pi'ʌlob: “Lac Yum woli' yʌl:

Jeremias 21:14

Joñon mi caj cʌq'ueñet a toj pejtel a melbal. Mi caj c tsuc' c'ajc ti mate'el mu' bʌ caj i pul jini xchumtʌl tac ti a joytʌlel. Che' woli' yʌl lac Yum”. Che'ʌch yom mi la' suben rey, che'en Jeremías.

Jeremias 22:24

Mi caj c choc loq'uel Conías (i yalobil Josías). Mi caj i ts'ʌctiyel che' bajche' tsa cʌlʌ come cuxulon. Anquese c'uxbibil che' bajche' c mʌtc'ʌb ba' ts'ijbubil j c'aba', anquese mi lʌpʌl c cha'an ti ñoj bʌ j c'ʌb, mach c'uxic mi caj cubin.

Jeremias 26:18

Che' woli to ti yumʌl Ezequías rey bʌ ti Judá, tsa' tili juntiquil x'alt'an i c'aba' Miqueas ch'oyol bʌ ti Moreset. Tsi' cha'le subt'an ti' tojlel pejtel año' bʌ ti Judá. Tsi' yʌlʌ: “I Yum Panchan yic'ot Pañimil woli' yʌl: Sion mi' caj ti xitchocontel che' bajche' jamil. Jerusalén mi caj i sujtel ti bujtʌl. Ili lum ba' wa'chocobil cotot mi caj i sujtel ti te'el. Che' tsi' yʌlʌ lac Yum”, che'en Miqueas.

Jeremias 4:20

Mach lajmix jisaya. Mi' ñumel junchajp, mi' tilel yambʌ. Laj jisʌbil lac lumal. Mi' bʌc' q'uejchel majlel pejtel jini pisil bʌ cotot. Ti jumuc' jach lu' tsijlem jini joc'ol bʌ pisil.

Jeremias 4:7

P'ʌtʌlʌch che' bajche' bajlum jini tal bʌ i jisan cabʌl tejclum. Wolix ti jijlel ti pisil bʌ otot jinto mi' laj jochtesan la' lum. Jochol mi' cajelob ti cʌytʌl la' tejclum tac. Laj majlemob i yum otot.

Jeremias 50:12

Pero mi caj a wubin quisin, Babilonia. Mi caj a sujtel ti pec' ti' tojlel yaño' bʌ winicob. Tiquin mi caj i majlel a lum. Mi caj i sajtel i c'ʌjñibal, che'en lac Yum.

Jeremias 7:34

Mi caj c jisañob jini yujilo' bʌ c'ay yic'ot tse'ñal ti Jerusalén yic'ot ti' tejclum tac Judá. Ñʌch'ʌlix i bijlel tac. Ma'anic mi caj i chʌn ubintel i t'an xch'oc yic'ot ch'iton. Ma'anix xñujpuñijel. Jochol mi caj i cʌytʌl jini lum.

Jeremias 8:22

¿Mach ba anic ts'ac ti Galaad? ¿Mach ba anic sts'ʌcaya? ¿Chucoch ma'anic mi' lajmelob jini c'uxbibilo' bʌ c pi'ʌlob?

Jeremias 9:11

Joñon mi caj cʌc' ti jejmel jini tejclum cha'an p'ulul ti lum mi' cʌytʌl. Ya' mi caj i yajñelob jontol bʌ ts'i'. Mi caj c jochtesan jini tejclum tac ti Judá cha'an ma'anix majch mi' chʌn ajñel ya'i.

Miqueas 3:12

Jini cha'an ti' caj la' jontolil mi caj i bic'ti jejmel Sion che' bajche' mi' tojp'el lum. Pucujemel mi caj i cʌytʌl Jerusalén che' bajche' jejmen bʌ otot. Mi caj i sujtel ti mate'el jini wits ba' wa'chocobil Templo.

Zacarias 11:1

Obol la' bʌ añet bʌ la ti Líbano. Yom mi la' jam i ti' tac la' lumal, come mi caj i tejchel meloñel. Mi' caj ti pulel jini ch'ujte' tac.

Numeros 32:1

Wen cabʌl jax i wacax i yalobilob Rubén yic'ot i yalobilob Gad. Jini cha'an tsa' caji i ña'tañob majlel ya' ti' lum Jazer yic'ot ti Galaad, come tsi' q'ueleyob uts'atax mi' colel wacax ya'i.

Deuteronomio 3:25

Jini cha'an ti wocol t'an mij c'ajtibeñet: La' c'axicon ti junwejl Jordán ja' cha'an mi cochel ti jini wen bʌ lum. Wen i t'ojol tac jax wits yic'ot jini te'el am bʌ ti Líbano, cho'on.